రికార్డులు మరియు నివేదికలు

బిషప్పు వార్డు రికార్డు సంరక్షణను పర్యవేక్షిస్తారు.

ప్రతి వార్డుకు అర్హత కలిగిన, పనిచేసే వార్డు గుమాస్తా ఉండాలి. అతను బిషప్రిక్కు చేత సిఫార్సు చేయబడతాడు మరియు స్టేకు అధ్యక్షత్వ సభ్యుడు లేదా నియమించబడిన ప్రధాన సలహాదారుని ద్వారా పిలువబడతాడు మరియు ప్రత్యేకపరచబడతాడు. అతను మెల్కీసెదెకు యాజకత్వాన్ని మరియు ప్రస్తుత దేవాలయ సిఫారసును కలిగియుండాలి. అతను వార్డు సలహాసభలో సభ్యుడు. 29.2లో సూచించిన విధంగా అతను వార్డు సమావేశాలకు హాజరవుతాడు.

వార్డు గుమాస్తా బిషప్రిక్కు మరియు స్టేకు గుమాస్తాలచే ఉపదేశమివ్వబడతాడు. సహాయం కొరకు సహాయక వార్డు గుమాస్తాలను పిలవవచ్చు.

సంఘ రికార్డు సంరక్షణ సాధనాలు సభ్యత్వ జాబితాలకు ప్రవేశాన్ని నాయకులకు అందిస్తాయి. ఈ జాబితాలు వీటిని గుర్తించడంలో నాయకులకు సహాయపడతాయి:

• ఏ సభ్యులు వారు అర్హులైన విధు‌లను ఇంకా పొందలేదు.

• ఏ యువకులు మరియు యువతులు మిషను సేవ చేయడానికి అర్హులు.

• ఏ యౌవనులకు ప్రస్తుత దేవాలయ సిఫారసు లేదు.

• బిషప్రిక్కు సభ్యునితో సమావేశాలకు ఏ యువతను షెడ్యూల్ చేయాలి.

సమూహము మరియు నిర్మాణ నాయకులు వారి సమూహము లేదా నిర్మాణాలకు చెందిన వారి జాబితాలకు ప్రవేశాన్ని కలిగి ఉండాలి.

స్థానిక చట్టం లేదా ఆచారం ద్వారా నిర్వచించబడినట్లుగా, ఒక వ్యక్తి యొక్క చట్టపరమైన పూర్తి పేరును సభ్యత్వ రికార్డులలో మరియు విధి ధృవపత్రాలలో ఉపయోగించాలి.

క్రింది వ్యక్తులు రికార్డులో సభ్యులు మరియు సభ్యత్వ రికార్డును కలిగి ఉండాలి:

• బాప్తిస్మము మరియు నిర్ధారణ పొందిన వారు

• బాప్తిస్మము పొందకుండా దీవెన పొందిన 9 ఏళ్లలోపు వారు

• వయస్సుతో సంబంధం లేకుండా, మేధోపరమైన వైకల్యాల కారణంగా జవాబుదారులు కాని వారు

• ఈ క్రిందివి రెండూ వర్తించినప్పుడు దీవెన పొందని 9 ఏళ్లలోపు పిల్లలు:

  • కనీసం తల్లిదండ్రులలో ఒకరు లేదా తాతమామ్మలలో ఒకరు సంఘములో సభ్యులైయున్నప్పుడు.

  • రికార్డు సృష్టించడానికి తల్లిదండ్రులు ఇద్దరూ అనుమతి ఇచ్చినప్పుడు. (ఒకవేళ తల్లిదండ్రులలో ఒకరు మాత్రమే పిల్లల చట్టపరమైన సంరక్షకులైతే, ఆ తల్లి లేదా తండ్రి అనుమతి సరిపోతుంది.)

బాప్తిస్మము మరియు నిర్ధారణ పొందకుండా సభ్యత్వ రికార్డును‌ కలిగియున్న 9 ఏళ్లు లేదా అంతకంటే ఎక్కువ వయస్సు ఉన్న వ్యక్తి రికార్డులో సభ్యుడు కాదు. అయితే, వ్యక్తి నివసించే వార్డు ఆ వ్యక్తికి 18 ఏళ్లు వచ్చే వరకు సభ్యత్వ రికార్డును కలిగి ఉంటుంది. ఆ సమయంలో, వ్యక్తి బాప్తిస్మము పొందకూడదని ఎంచుకుంటే, బిషప్పు సభ్యత్వ రికార్డును రద్దు చేస్తారు. స్టేకు అధ్యక్షుని అనుమతి అవసరం.

మేధోపరమైన వైకల్యం కారణంగా బాప్తిస్మము పొందని వారి కోసం, తల్లిదండ్రులతో సహా వ్యక్తి లేదా చట్టపరమైన సంరక్షకుడు అభ్యర్థించినట్లయితే తప్ప రికార్డులు రద్దు చేయబడవు.

వ్యక్తిగత విధుల సారాంశాన్ని ఖచ్చితత్వం కోసం సమీక్షించడానికి వారి సభ్యత్వ రికార్డులు వచ్చిన వెంటనే వార్డు గుమాస్తా లేదా సహాయక వార్డు గుమాస్తా క్రొత్త వార్డు సభ్యులను సంప్రదిస్తారు.

అన్ని సభ్యత్వ రికార్డులు స్థానిక చట్టం లేదా ఆచారం ద్వారా నిర్వచించబడిన వ్యక్తి యొక్క చట్టపరమైన పేరును ఉపయోగిస్తాయి. ఇందులో విడాకులు తీసుకున్న తల్లిదండ్రుల పిల్లలు కూడా ఉన్నారు.

విడాకులు తీసుకున్న తల్లిదండ్రులతో ఉన్న పిల్లలు తరచుగా తల్లిదండ్రులిద్దరి వార్డులలో సంఘ సమావేశాలకు హాజరవుతారు. ఒక విభాగము మాత్రమే పిల్లల అధికారిక సభ్యత్వ రికార్డును ఉంచగలిగి, నవీకరించగలిగినప్పటికీ, అతను లేదా ఆమె హాజరయ్యే ఇతర వార్డులో విభాగము వెలుపలి సభ్యత్వ రికార్డు సృష్టించబడవచ్చు. ఇది పిల్లల పేరు మరియు సంప్రదింపు సమాచారాన్ని వార్డు జాబితాలు మరియు తరగతి పట్టికలలో చేర్చడానికి అనుమతిస్తుంది.

విభాగము వెలుపలి సభ్యత్వ రికార్డు ఉన్న పిల్లలు ఆ విభాగములో పిలుపును పొందవచ్చు.

అధికారిక సభ్యత్వ పరిమితులు లేదా మరొక తీవ్రమైన సమస్య అమలు‌లో ఉండగా సభ్యుడు తరలిపోతే, బిషప్పు లేదా అధీకృత గుమాస్తా సభ్యత్వ రికార్డుపై తరలింపు పరిమితిని విధించవచ్చు. అతను వీటిని చేయడానికి LCR ని ఉపయోగిస్తాడు.

తరలింపు పరిమితిని కలిగి ఉన్న రికార్డు ఆ పరిమితిని విధించిన యాజకత్వ నాయకుడు దానిని తీసివేయడానికి అధికారం ఇచ్చే వరకు క్రొత్త విభాగానికి తరలించబడదు.

సంఘ ప్రధాన కార్యాలయంలో “చిరునామా తెలియని జాబితాలో” అతని లేదా ఆమె రికార్డు ఉన్న తర్వాత కొన్నిసార్లు సభ్యుడు గుర్తించబడతాడు. ఈ పరిస్థితిలో, వార్డు గుమాస్తా LCR ను ఉపయోగించి రికార్డును అభ్యర్థిస్తాడు.

18వ అధ్యాయం చూడండి.

ప్రతి సంవత్సరం LCRని ఉపయోగించి ప్రతి వార్డులో audit of membership records [సభ్యత్వ రికార్డుల తనిఖీ] నిర్వహించబడేలా స్టేకు గుమాస్తా లేదా స్టేకు సహాయక గుమాస్తా నిర్ధారిస్తారు. ప్రతి సంవత్సరం జూన్ 30లోపు తనిఖీలను పూర్తి చేయాలి.

తన సంఘానికి సంబంధించిన “అన్ని ముఖ్యమైన విషయాల చరిత్ర” వ్రాసి ఉంచబడాలని ప్రభువు ఆదేశించారు (సిద్ధాంతము మరియు నిబంధనలు 69:3; 5వ వచనము; ఆల్మా 37:2 కూడా చూడండి).

సంఘములోని ప్రతి విభాగము ఆ విభాగానికి సంబంధించిన అన్ని ముఖ్యమైన విషయాలను వ్రాసియుంచాలి.

చరిత్రను సంరక్షించడం అనేది ఒక ఆధ్యాత్మిక కార్యము, దానిని వ్రాసే మరియు చదివే వారి విశ్వాసాన్ని అది బలపరుస్తుంది.

స్టేకు గుమాస్తా లేదా స్టేకు సహాయక గుమాస్తా స్టేకు చరిత్రను సిద్ధం చేస్తారు. బిషప్రిక్కు వార్డులో ఇదే విధానాన్ని అనుసరిస్తారు. ChurchofJesusChrist.org వద్ద స్టేకు, జిల్లా మరియు మిషను వార్షిక చరిత్రలలో సూచనలు లభ్యమవుతాయి.

అన్ని సంఘ రికార్డులు, నివేదికలు మరియు సమాచారం అనధికారిక ప్రవేశము, మార్పు, నాశనం లేదా బహిర్గతం నుండి రక్షించబడాలి. ఈ సమాచారాన్ని సురక్షితమైన స్థలంలో ఉంచాలి.

పోయిన లేదా దొంగిలించబడిన సంఘ యాజమాన్యంలోని పరికరాలు లేదా స్టోరేజ్ మీడియా తక్షణమే incidents.ChurchofJesusChrist.org వద్ద నివేదించబడాలి. సంఘ సమాచారాన్ని దుర్వినియోగం చేయడం గురించి కూడా నివేదించబడాలి.