Kapitulo 54: Jesus Nabanhaw

Imahe

Two angels roll the stone away from Jesus' tomb - ch.54-1

Ang lawas sa Manluluwas didto sa lubnganan hangtud sa buntag sa Dominggo. Dayon duha ka mga anghel ang miabut ug giligid ang bato palayo sa lubnganan.

Mateo 28:1–2; Lucas 24:1–4

Imahe

Mary Magdalene visits the tomb - ch.54-2

Usa ka babaye kinsa giayo ni Jesus nga ginganlan og Maria Magdalena miadto sa lubnganan. Natingala siya sa iyang pagkakita nga ang bato nairug na. Ang lawas ni Jesus wala na sa lubnganan.

Juan 20:1–2

Imahe

Mary Magdalene tells Peter and John that the Savior's body is gone - ch.54-3

Siya midagan aron sultihan sila si Pedro ug si Juan nga adunay usa ka tawo nga mikuha sa lawas sa Manluluwas. Siya wala masayud kon asa kini.

Juan 20:2

Imahe

Peter and John look in the tomb and see that Jesus is not there - ch.54-4

Si Pedro ug si Juan midagan paingon sa lubnganan. Ilang nakita ang panapton nga gipustan ni Jesus, apan ang lawas ni Jesus wala didto. Si Pedro ug si Juan wala masayud kon unsay buhaton. Sila mipauli.

Juan 20:3–7, 10

Imahe

Two angels are in the tomb - ch.54-5

Si Maria Magdalena nagpabilin sa lubnganan, nga naghilak. Sa dihang mitan-aw siya og usab ngadto sa lubnganan, iyang nakita ang duha ka mga anghel.

Juan 20:11–12

Imahe

Mary Magdalene is crying - ch.54-6

Nangutana sila ni Maria Magdalena kon nganong naghilak siya. Siya miingon nga adunay usa ka tawo nga mikuha sa lawas ni Jesus. Siya wala masayud kon asa kini.

Juan 20:13

Imahe

The Savior appears to Mary but she doesn't recognize Him - ch.54-7

Siya milingi ug nakakita og usa ka tawo. Siya nagtuo nga usa kini ka hardinero. Siya nangutana kaniya kon nganong naghilak siya. Si Maria nangutana Kaniya kon Siya nasayud ba asa ang lawas ni Jesus.

Juan 20:14–15

Imahe

Jesus calls Mary by name and she recognizes Him - ch.54-8

Ang tawo miingon, “Maria,” ug iyang nasayran nga si Jesus kadto. Siya mihangyo kaniya sa pagsulti sa mga Apostoles nga Siya nabanhaw.

Juan 20:15–17

Imahe

Mary Magdalene and the other women tell the Apostles that Jesus is resurrected - ch.54-9

Si Maria Magdalena ug ang pipila ka mga babaye misulti sa mga Apostoles nga si Jesus nabanhaw. Sa sinugdanan ang mga Apostoles wala mituo kanila.

Lucas 24:10–11; Juan 20:18

Imahe

Jesus appears to the Apostles - ch.54-10

Sa wala madugay, samtang ang mga Apostoles nag-istoryahanay, si Jesus misulod sa lawak. Ang mga Apostoles nangahadlok. Naghunahuna gihapon sila nga Siya patay.

Lucas 24:36–37

Imahe

Jesus shows the Apostles the wounds in His hands and feet - ch.54-11

Ang Manluluwas misugo kanila sa paghikap sa Iyang mga kamot ug mga tiil. Siya nabanhaw—ang Iyang lawas ug espiritu naghiusa pag-usab.

Lucas 24:38–40

Imahe

Jesus eats fish and honey with the Apostles - ch.54-12

Ang mga Apostoles nalipay nga nakakita Kaniya. Siya nangayo kanila og pagkaon. Gihatagan nila Siya og isda ug dugos. Gikaon Niya kini.

Lucas 24:41–43

Imahe

Other people are resurrected and appear to the living - ch.54-13

Si Jesukristo mao ang unang tawo nga nabanhaw. Daghan pa ang nabanhaw human Kaniya ug nakita sa mga tawo nga nagpuyo sa Jerusalem. Si Jesus nag-ingon, “Ako mao ang pagkabanhaw, ug ang kinabuhi.” Tungod kay Iyang nabuntog ang kamatayon, kitang tanan mabanhaw sa umaabut.

Mateo 27:52–53; Juan 11:25