Mga Sulod

Ang pipila sa impormasyon niini nga basahon gikuha gikan sa dili kasulatan nga mga tinubdan nga gipakita sa ubos.

Bible Dictionary diha sa edisyon sa mga Santos sa Ulahing mga Adlaw sa King James Version sa Biblia (1979)

James E. Talmage, Jesus the Christ, ika-3 nga edisyon (1916)

Teachings of the Prophet Joseph Smith, sel. Joseph Fielding Smith (1976)

Ang mga Istorya sa Bag-ong Tugon espesyal nga gisulat alang kanimo. Kini nga mga istorya gikuha gikan sa usa ka basahon nga sagrado. Samtang ikaw magbasa niini nga mga istorya, hinumdumi nga mahitungod kini sa tinuod nga mga tawo kinsa mipuyo sa dugay na nga panahon.

Balik-balika og basa ang mga istorya hangtud nga masinati nimo kini og maayo. Mahimo usab nimo kining basahon gikan sa Biblia. Ubos sa hapit tanang mga hulagway, imong makita ang mga pakisayran nga motudlo kanimo kon asa pangitaa kana nga istorya diha sa Biblia o sa uban nga mga basahon. Patabanga ang imong amahan, inahan, magtutudlo, o usa ka higala sa pagpangita sa istorya diha sa mga kasulatan.

Kon ikaw wala makahibalo kon unsa ang buot ipasabut sa usa ka pulong, tan-awa kini sa seksyon sa “Mga Pulong nga Angay Mahibaloan” nga anaa sa luyo sa basahon. Kon ikaw gusto nga masayud og dugang pa mahitungod sa usa ka lugar, tan-awa kini sa seksyon sa “Mga Lugar nga Angay Mahibaloan.” Kon ikaw wala masayud kon kinsa kanang tawhana, pangitaa siya nganha sa seksyon sa “Mga Tawo nga Angay Mailhan.” Kini nga basahon usab adunay usa ka seksyon nga may mga litrato sa mga dapit diha sa Balaan nga Yuta ug usa ka talamdan sa mga panghitabo sa Bag-ong Tugon.

Kini nga basahon makatabang kaninyo sa pagtudlo sa mga kasulatan. Gamita ang mga seksyon sa “Mga Pulong nga Angay Mahibaloan,” “Mga Lugar nga Angay Mahibaloan,” ug “Mga Tawo nga Angay Mailhan” aron sa pagtabang sa mga bata nga mahimong masinati sa mga pulong, mga tawo, ug mga lugar dinhi niini nga basahon. Ang ubang mga tabang nga ania niini nga basahon naglakip og mga mapa, mga litrato, ug usa ka talamdan sa mga panghitabo.

Samtang magtudlo kamo, ipaambit ang inyong pagpamatuod kabahin sa Biblia. Awhaga kadtong inyong gitudloan nga magtinguha sa mainampoong paagi sa pag-angkon og ilang kaugalingong mga pagpamatuod kabahin sa mga kasulatan ug kabahin sa Manluluwas, nga si Jesukristo. Ang panabut niadtong inyong gitudloan molambo gani mas labaw pa samtang inyong basahan sila sa paborito nilang mga istorya nga gikan gayud sa Biblia.