Ko Hono Kamataʻí—Taimi Lōloa Tahá: Miniti ʻe 15

Lau:ʻE tokoniʻi koe ʻe he kulupú ni ke ke ako, faʻu, mo fakaʻaongaʻi ha patiseti. Te ke kamata fokotuʻu ha paʻanga talifaki ki he ngaahi meʻa fakatu’upakeé, faʻu ha palani ke fakasiʻisiʻi ʻa e fakangataʻaki ʻa e fakamoʻuá, ako ke fakahū ha paʻanga talifaki ki he ngaahi fakamole he kahaʻú, mo palani ki he maʻu vāhenga mālōloó. Ko e mahuʻinga tahá, te ke ako lahi ange fekauʻaki mo hoʻo vā fetuʻutaki mo e Tamai Hēvaní pea mo fakaafeʻi koe ke ke levaʻi hoʻo paʻangá ʻi ha ngaahi founga ʻoku fakahōifua kiate Ia. Ko e fakataha fakakulupu kotoa pē ʻoku meimei ke houa ʻe ua.

Lau:ʻOku ngāue ʻa e ngaahi kulupu moʻui fakafalala pē kiate kitá ʻo hangē ha fakataha alēleá. ʻOku ʻikai ke ʻi ai ha faiako ia pe mataotao. Ka, te ke muimui pē ki he ngaahi nāunaú ʻo hangē ko hono tohí. ʻI he fakahinohino ʻa e Laumālié, te mou fetokoniʻaki ʻo hangē ko ʻení:

• Tokoni tatau pē ki he ngaahi fealēleaʻakí mo e ngaahi ʻekitivitií. ʻOku ʻikai totonu ke maʻu pē ʻe ha taha ia ʻa e taimí ʻi he pōtalanoá, tautautefito ki he tokotaha tokoní.

• Feʻofaʻaki mo fepoupouaki. Fakahaaʻi ʻokú ke mahuʻingaʻia, ʻeke ha ngaahi fehuʻi, mo ʻai ke mou feʻilongaki.

• Vahevahe ha ngaahi fakamatala lelei mo ʻaonga.

• Fakahoko mo tauhi ʻa e ngaahi tukupaá.

Naʻe akonaki ʻa ʻEletā M. Russell Ballard, “ʻOku ʻikai ke ʻi ai ha palopalema ia ʻi ha fāmili, uooti pe siteiki ʻe taʻe-malava ʻo fakaleleiʻi kapau te tau fekumi ki ai ʻi he founga ʻa e ʻEikí ʻi he fealēleaʻaki—ʻo fealēleaʻaki moʻoni—mo e niʻihi kehé” (Counseling with Our Councils, rev. ed. [2012], 4).

Mamataʻi:ʻOku maʻu ʻa e “Ko ʻEku Kulupu Moʻui Fakafalala Pē Kiate Kitá [My Self-Reliance Group],” ʻi he srs.lds.org/videos. (ʻIkai ha vitiō? Hiki ki he “Ka ʻIkai ha Faiako, ʻE Founga Fēfē Haʻatau ʻIlo ʻa e Meʻa ke Faí?” ʻi he peesi 3.)

Aleaʻi:Ko e hā naʻá ne ʻai ʻa e kulupu ʻi he vitioó ke lavameʻá? Ko e hā te tau fai faka-kulupu ke tau maʻu ha aʻusia ʻoku liliu moʻuí?

Lau:ʻOku faingofua pē. Muimui pē ki he nāunaú. ʻOku konga ʻe ono ʻa e vahe kotoa pē ʻi he tohi ngāué:

• Lipōtí: Fakamatalaʻi ʻa e fakalakalaka naʻá ke aʻusia ʻi he lolotonga ʻo e uiké ʻi hoʻo ngaahi tukupaá.

• Fakavaʻé: Toe fakamanatu ha tefitoʻi moʻoni ʻo e ongoongoleleí ʻe fakaiku ki ha moʻui fakafalala fakalaumālie lahi ange kiate koé.

• Akó: Ako ke fakahoko ha ngaahi pōtoʻi ngāue ʻe fakaiku ki ha tuʻunga moʻui fakafalala fakatuʻasino lahi ange kiate koé.

• Fakalaulaulotó: Fakafanongo ki he Laumālie Māʻoniʻoní ke ne ʻoatu ha tataki fakalaumālie.

• Tukupaá: Palōmesi ke ke ngāueʻi e ngaahi tukupā ʻe tokoni ki hoʻo fakalakalaká, he lolotonga ʻo e uiké.

• Ngāué: Akoako fakahoko e meʻa naʻá ke akó, ʻi he lolotonga ʻo e uiké.

Lau:ʻE lava ke maʻu ʻe he kau mēmipa ʻo e kulupú ʻoku nau ō ki he ngaahi fakatahaʻangá mo tauhi ʻenau ngaahi tukupaá, ke maʻu ha tohi fakamoʻoni ki he moʻui fakafalala pē kiate kitá mei he LDS Business College. Vakai, peesi 208