Fakalaulauloto: ʻE founga fēfē haʻaku ʻai ke palanisi ʻa e ngaahi fiemaʻu fakaʻaho ʻo e moʻuí?
Mamataʻi: ʻOku maʻu ʻa e “ʻO e Ngaahi Fakaʻiseʻisá mo e Tukupaá [Of Regrets and Resolution]” ʻi he srs.lds.org/videos . (ʻIkai ha vitiō? Lau ʻa e peesi (00) 55
Kapau ʻoku ʻikai ke mou lava ʻo mamata ʻi he foʻi vitioó, lau ʻa e fakamatala ko ʻení.
ʻĪmisi
mei he ʻO e Ngaahi Fakaʻiseʻisá mo e Tukupaá
Palesiteni Dieter F. Uchtdorf : ʻIkai ʻoku moʻoni ʻetau faʻa femoʻuekiná? Pea ʻoku fakamamahi ʻetau pehē, ne aʻu ʻo tau tui ʻetau pisinisí ko ha pine fakalāngilangi, ʻo hangē tokua ko e femoʻuekiná ko ha lavameʻa pe fakaʻilonga ʻo ha moʻui lelei angé.
ʻOku pehē?
ʻOku ou fakakaukau ki hotau ʻEiki mo e Faʻifaʻitakiʻanga ko Sīsū Kalaisí, pea mo ʻEne moʻui nounou he lotolotonga ʻo e kakai ʻo Kāleli mo Selusalemá. Kuó u feinga ke fakakaukau ki haʻane fakavavevave takai ki he ngaahi fakatahá pe fai ha ngaahi meʻa lahi he taimi pē taha ke fakakakato ha ngaahi meʻa mahuʻinga.
ʻOku ʻikai ke u lava.
Ka, ʻoku ou sioloto ki he ʻAlo loto ʻofa mo tokanga ʻo e ʻOtuá ‘i heʻene moʻui ʻaonga he ʻahó takitaha. Ko e taimi naʻe fengāueʻaki ai mo kinautolu ne nau feohí, naʻa nau ongoʻi mahuʻinga mo ʻofeina. Naʻá Ne ʻafioʻi e mahuʻinga taʻengata ʻo e kakai naʻe feʻiloaki mo Iá. Naʻá Ne tāpuakiʻi mo tokoniʻi kinautolu. Naʻá Ne hiki hake mo fakamoʻui kinautolu. Naʻá Ne foaki ange ʻa e meʻaʻofa mahuʻinga ʻo Hono taimí.
Dieter F. Uchtdorf, “ʻA e Ngaahi Fakaʻiseʻisá mo e Tukupaá,” Ensign pe Liahona, Nōv. 2012, 22)
Foki ki he peesi 54
Aleaʻi: Ko e hā naʻe fai ʻe he Fakamoʻuí ke aʻusia ai ha moʻui palanisí?
Lau: Mōsaia 4:27 , 2 Nīfai 9:51 , mo e kupuʻi lea meia ʻEletā M. Russell Ballard (ʻi toʻomataʻú) mo Palesiteni James E. Faust (ʻi he peesi 55 )
“Pea tokanga ke fai ʻa e ngaahi meʻá ni kotoa pē ʻi he fakapotopoto mo e maau; he ʻoku ʻikai fie maʻu ke lele ʻa e tangatá ʻo vave ange ʻi he mālohi ʻokú ne maʻú.”
“ʻOua naʻa ʻoatu ha paʻanga ki he meʻa ʻa ia ʻoku taʻeʻaongá, pe ko hoʻomou ngāué ke fetongi ʻaki ʻa e meʻa ʻa ia ʻoku ʻikai fakafiemālié.”
“Fai e lelei taha te ke lavá he ʻaho takitaha. Fai pē e ngaahi meʻa angamahení, pea kimuʻa ke ke fakatokangaʻí, ʻe fonu hoʻo moʻuí he mahino fakalaumālie te ne fakapapauʻi kiate koe ʻoku ʻofa hoʻo Tamai Hēvaní ʻiate koe. ʻI he taimi ʻe ʻilo ai ʻe ha taha e meʻá ni, pea ʻe mahuʻinga mālie leva e taumuʻa mo e ʻuhinga ʻo e moʻuí, pea faingofua ange ai hono tauhi e moʻuí ke potupotutataú.”
M. Russell Ballard , “ʻAi ke Potupotutatau e Ngaahi Fie Maʻu ʻi he Moʻuí” Liahona, Sep. 2012, 50
“Ko e palanisí ʻi he taimi lahi, ke ʻiloʻi ʻa e ngaahi meʻa ʻe lava ke liliú, fokotuʻutuʻu totonu kinautolu, pea mo fakatokangaʻi ʻa e ngaahi meʻa he ʻikai ke liliú.”
James e. Faust , “The Need for Balance in Our Lives,” Ensign, Mar. 2000, 5
Aleaʻi: Ko e hā ha ngaahi meʻa ʻe lava ke fakafaingofuaʻi pe toʻo mei heʻetau moʻuí ka tau lava ʻo maʻu ha fiefia lahi angé?
Sitepu 1: Lau ʻa e lea ne fai ʻe ʻEletā Dallin H. Oaks (ʻi he peesi 55 ).
Sitepu 2: Fakakaukauʻi ʻiate koe pē pe ʻe founga fēfē hoʻo moʻui ʻi he uike takitaha. Fakakaukau he taimí ni ʻokú ke taʻu 25 pea ʻokú ke kei moʻui pē he founga tatau. Fakakakato ʻa e ongo fakamatala fekauʻaki mo hoʻo moʻuí, ʻi laló.
Naʻe ʻikai pē ke u fakaʻaongaʻi ha taimi feʻunga
Naʻá ku fakamoleki ha fuʻu taimi lahi
Sitepu 3: Hiki ha meʻa ʻe taha pe ua te ke lava ʻo fai ke palanisi lahi ange ai hoʻo moʻuí, ke taʻofi ha toe fakaʻiseʻisa he kahaʻú.
Tukupā: Tukupā ke fakahoko ʻa e ngaahi ngāue ko ʻení he lolotonga ʻo e uiké. Fakaʻilongaʻi ʻa e fanga kiʻi puhá ʻi he taimi kuó ke fakakakato ai e ngāué takitaha:
“ʻOku hohaʻa ha kakai ngāue tokolahi ʻe siʻisiʻi ʻaupito ha taimi ʻe tuku mai heʻenau ngāué maʻá e fāmilí. … Ka, kuo teʻeki ai ke u ʻilo ha taha naʻe toe vakai atu ki heʻene moʻui ngāué peá ne pehē, ‘Naʻe ʻikai pē ke u tuku ha taimi feʻunga ki heʻeku ngāué.’”
Dallin H. Oaks , “Good, Better, Best,” Ensign pe Liahona, Nov. 2007, 105
ʻOku lahi ʻaupito e ngaahi meʻa lelei ʻe lava ke tau faí ʻi he taimi ʻoku tau maʻu ke fakahoko ai kinautolú. ʻOku ʻi ai ha ngaahi meʻa ʻoku mahulu ange ia ʻi he leleí pea ko e ngaahi meʻa ia ʻoku totonu ke tau fuofua tokanga ki aí.
Dallin H. Oaks , “Good, Better, Best,” Ensign pe Liahona, Nov. 2007, 104