Ko Hoku Fakavaʻé: Fakahaaʻi ʻo e Angatonú—Taimi Lōloa Tahá: Miniti ʻe 20
Fakalaulauloto:Ko e hā ʻoku ʻofa ai ʻa e ʻEikí ʻiate kinautolu ʻoku “angatonu honau lotó”?
Mamataʻi:“Ko e Hā ʻe Foaki ʻe ha Tangata ke Fetongiʻaki Hono Laumālié? [What Shall a Man Give in Exchange for His Soul?]” maʻu ʻi he srs.lds.org/videos. (ʻIkai ha vitiō? Lau ʻa e peesi 111.)
Aleaʻi:ʻOku ʻuhinga ki he hā ke angatonu? Ko e hā ha fanga kiʻi founga ʻoku foaki ai ʻe he kakaí honau laumālié ke maʻu ha ngaahi meʻa ʻi he moʻui ko ʻení?
Aleaʻi:Lau ʻa e Mōsaia 4:28 (ʻi toʻomataʻú) mo e lea ʻa ʻEletā Joseph B. Wirthlin (ʻi he peesi 111). Ko e hā ʻoku hoko ai hono totongi fakafoki ha moʻua pe nō pisinisi pe nō ako (hangē ko e PTFT) ko ha meʻa ki he angatonu fakafoʻituituí?
Tukupā:Tukupā ke fakahoko ʻa e ngaahi ngāue ko ʻení he lolotonga ʻo e uiké. Fakaʻilongaʻi ʻa e kiʻi puhá ʻi he taimi kuó ke fakakakato ai e ngāué takitaha:
Fakatupulaki ha taha ʻo e ngaahi ʻēlia ʻe valu naʻá ke fakafuofuaʻi ʻi ʻolungá.
Vahevahe mo hoʻo familí pe ngaahi kaungāmeʻá e meʻa kuó ke ako he ʻahó ni fekauʻaki mo e angatonú.