సువార్త గ్రంథాలయ యాప్‌ను ఉపయోగించుటకు ఉపాయములు

లేఖనములను అధ్యయనం చేయడానికి గల ఉత్తమమైన మార్గాలలో ఒకటి రికార్డింగులను వినుట. దీనిని మీరు మీ ఇంటిలో లేదా ఎక్కడైనా చేయవచ్చు. మీరు వివిధ వేగాలలో మరియు విభిన్న భాషలలో కూడా వినవచ్చు.

శోధన క్రియను ఉపయోగించడం, ఆ తర్వాత తగిన శోధన ఫలితాలను పునర్వీక్షించడం ద్వారా ఒక అంశానికి సంబంధించిన లేఖనాలను మీరు కనుగొనవచ్చు. ఒక అంశానికి సంబంధించి ముఖ్యమైన లేఖనాలను అందించే సువార్త అంశాలు ప్రచురణను కూడా మీరు ఉపయోగించవచ్చు.

“ట్యాగ్‌లు” మరియు “నోట్‌బుక్‌లు” ఉపయోగించి అంశాలవారీగా మీరు విషయాన్ని క్రమపరచవచ్చు. మీరు ఒక ప్రసంగం లేదా పాఠం కొరకు సిద్ధపడుతున్నప్పుడు ఈ అంశాలు ఉపయోగపడగలవు.

ఒక భాగాన్ని ఎంచుకొని, ఆ తర్వాత ఒక శైలిని ఎంచుకోవడం ద్వారా మీరు మీ లేఖనాలలో రంగులద్దవచ్చు లేదా దానిని గుర్తించవచ్చు. శైలి అనేది విభిన్న రంగులు మరియు ఒక క్రిందిగీత లేదా రంగులద్దే కలయిక కావచ్చు.

లేఖనాలు, సర్వసభ్య సమావేశ సందేశాలు మరియు ఇతర విషయాల మధ్య మీరు సంబంధాలను సృష్టించవచ్చు. మీరు గుర్తుచేసుకోవడానికి మరియు మీరు తయారు చేసిన సంధానాలను త్వరగా చేరుకోవడానికి ఇది సహాయపడగలదు.

ఒక పదాన్ని ఎంచుకొని, “నిర్వచించు” మీటను నొక్కడం ద్వారా సులువుగా మీరు లఖనాలలో ఆ పదం యొక్క నిర్వచనాన్ని చూడవచ్చు.

నిర్దిష్టమైన ప్రదేశాలను మరియు స్క్రీన్‌లను గుర్తించడానికి బుక్‌మార్క్‌‌లను ఉపయోగించడం ద్వారా ఎంచుకున్న విషయానికి మీరు త్వరగా తిరిగి రావచ్చు. బుక్‌మార్క్‌‌లను ఉపయోగించడం ఒకే సమయంలో వివిధ అధ్యాయాలు మరియు ఇతర విషయాలను తెరిచి ఉంచడానికి మిమ్మల్ని అనుమతించగలదు.

లేఖనాలను అధ్యయనం చేయడంలో మీ పురోగతిని గుర్తించడానికి మీకు సహాయపడేలా ఒక అధ్యయన ప్రణాళికను మీరు తయారుచేయవచ్చు. మీ అధ్యయన లక్ష్యాలను సాధించడంలో మీకు సహాయపడడానికి మీరు జ్ఞాపికలను కూడా పెట్టుకోవచ్చు. రండి, నన్ను అనుసరించండి కాలపట్టికను అనుసరించడానికి లేదా వ్యక్తిగతంగా మోర్మన్ గ్రంథాన్ని చదవడానికి ఒక కాలపట్టిక మీకు సహాయపడగలదు.