మీ కుటుంబ లేఖన అధ్యయనమును మెరుగుపరచుటకు ఉపాయములు

లేఖనాలలో బోధించబడిన సూత్రాలను బలోపేతం చేయడానికి పాటలను పాడండి.

చిత్రం

లేఖనాలు చదువుతున్న పురుషుడు మరియు బాలిక

వారి వ్యక్తిగత అధ్యయనంలో అర్థవంతమైనవిగా కనుగొన్న లేఖన భాగాలను పంచుకోవడానికి కుటుంబ సభ్యులకు సమయం ఇవ్వండి.

మీరు అధ్యయనం చేసే లేఖనాల నుండి వారు నేర్చుకున్న వాటిని వారి స్వంత మాటలలో సంగ్రహించడానికి కుటుంబ సభ్యులను ఆహ్వానించండి.

ఒక లేఖన భాగాన్ని చదివిన తరువాత, వారి జీవితాలకు ఆ భాగం వర్తించే మార్గాలను పంచుకోమని కుటుంబ సభ్యులను అడగండి.

ఒక సువార్త ప్రశ్న అడగమని కుటుంబ సభ్యులను ఆహ్వానించండి, ఆపై ఆ ప్రశ్నకు సమాధానం ఇవ్వడానికి సహాయపడే వచనాల కోసం వెదకండి.

మీకు అర్థవంతముగా అనిపించే ఒక వచనం ఎంచుకోండి మరియు కుటుంబ సభ్యులు తరచూ చూసే చోట దాన్ని ప్రదర్శించండి. ప్రదర్శించడానికి లేఖనాన్ని ఎంపిక చేయడానికి వంతులవారీగా కుటుంబ సభ్యులను ఆహ్వానించండి.

ఒక కుటుంబంగా, రాబోయే వారంలో మీరు చర్చించదలిచిన అనేక వచనాలను ఎంచుకోండి.

మీ కుటుంబానికి అర్థవంతంగా అనిపించే ఒక లేఖన భాగాన్ని ఎంచుకోండి మరియు ప్రతిరోజూ పునరావృతం చేయడం ద్వారా లేదా జ్ఞాపకశక్తి ఆట ఆడడం ద్వారా దాన్ని కంఠస్థం చేయమని కుటుంబ సభ్యులను ఆహ్వానించండి.

ఒక కుటుంబంగా మీరు చదువుతున్న అధ్యాయాలు మరియు వచనాలకు సంబంధించిన వస్తువులను కనుగొనండి. ప్రతి వస్తువు లేఖనాల్లోని బోధనలతో కలిగి ఉన్న సంబంధం గురించి మాట్లాడేందుకు కుటుంబ సభ్యులను ఆహ్వానించండి.

చిత్రం

బిడ్డకు బోధిస్తున్న స్త్రీ

కుటుంబం కలిసి అధ్యయనం చేసే అంశాన్ని కుటుంబ సభ్యులు వంతులవారీగా ఎంచుకోనివ్వండి. ఒక అంశం గురించి లేఖన భాగాలను కనుగొనడానికి విషయ దీపిక, బైబిలు నిఘంటువు, లేదా లేఖన దీపిక (scriptures.ChurchofJesusChrist.org) ఉపయోగించండి.

కుటుంబంగా కొన్ని వచనాలను చదవండి, తరువాత మీరు చదివిన వాటికి సంబంధించినది ఏదైనా గీయడానికి కుటుంబ సభ్యులకు సమయం ఇవ్వండి. ఒక్కొక్కరు గీసిన చిత్రాల గురించి చర్చించడానికి సమయం కేటాయించండి.

ఒక కథ చదివిన తరువాత, దాన్ని నటించడానికి కుటుంబ సభ్యులను ఆహ్వానించండి. తరువాత, మీరు వ్యక్తిగతంగా మరియు కుటుంబముగా అనుభవిస్తున్న విషయాలతో ఆ కథ ఎలా సంబంధం కలిగి ఉందో అనేదాని గురించి మాట్లాడండి.