21. Bɔnsa Jezreel
Erohwɛ anaafo-anee fi Bepɔw Tabor n’etsifi ho dze kɔ Bɔnsa Jezreel, a wɔfrɛ hɔ so dɛ Esdraelon Petee no n’afamu beebi hɔ. Ɔwɔ mu dɛ mpɛn pii no nkorɔfo dween dɛ Bɔnsa Jezreel yɛ bɔnsa kɛse kor, mbom ɔyɛ mbɔnsa pii a wɔtoa Acco Petee na Bɔnsa Jordan na Galilee Po nkwaado no mu. Megiddo bɔnsa dɛm, ehwɛ a ɔwɔ bɔnsa yi n’anee afamu beebi. Nna Bɔnsa Jezreel no nye kwan tsitsir a otwa mu wɔ Asaase Krɔnkrɔn no no mu na ɔwɔ Mediterranean Po a ɔda anee na Jordan Bɔnsa a ɔda boka no ntamu.
Dza Osisii Tsitsir: Atsɛpɔnkwan tsitsir a wɔfa do kɔ Egypt na Mesopotamia no da bɔnsa yi mu, na akõkoekõ pii sii ha (Atsɛ. 1:22–27; 5:19; 2 Ahem. 23:29–30). Armageddon ɔkõ nye ɔkõ a odzi ewiei wɔ asaase yi do a wɔbɔkõ; wɔbɛhyɛ ase, ansaana Agyenkwa ne Mbae a Otsĩa Ebien no aso; ɔfa ne dzin no fii Har Megiddon, anaa Megiddon Bepɔw (Ezek. 38; Joel 3:9–14; Zech. 14:2–5; Nyi. 16:14–16).