2. Bepɔw Sinai (Horeb) na Sinai Sar do

Mfonyin

mfonyin 2

Mbea pii na obotum ayɛ Bepɔw Sinai ne bea. Mbea no no mu kor a nkorɔfo gye to mu papaapa no nye Jebel Musa (Moses ne Bepɔw) a, no mfonyin wɔ ha yi.

Dza Osisii Tsitsir: Nyankopɔn yii noho kyerɛɛ Moses na ɔdze Mbra Du no maa no (Ex. 19–20). Moses, Aaron, Aaron ne mbabanyin beenu, nye elderfo eduosuon hun Nyankopɔn na wɔnye no dzii nkitaho (Ex. 24:9–12). Nyankopɔn maa Moses nkyerɛkyerɛ a ɔdze besi ntamadan no (Ex. 25–28; 30–31). Israelfo no soom sika nantwiba a wotuu Aaron n’aso dɛ ɔnyɛ no (Ex. 32:1–8). Elijah guanee fii Jezreel Bɔnsa no mu baa asaase yi do, bea a Ɔhembaa Jezebel tsenae no (1 Ahem. 19:1–18). Ha so nye bea a Elijah nye Nyankopɔn kasae no (1 Ahem. 19:8–19). (Hwɛ KK Bepɔw Sinai.)