1 Putim iyau na harim dispela, O haus bilong Jekop, yupela em i bin kolim long nem bilong Israel, na yupela i bin kamaut long ol wara bilong Juda o aut long ol wara bilong baptisim, na yupela mekim tok tru antap long nem bilong Bikpela, na autim nem bilong God bilong Israel, tasol, ol i no mekim tok tru antap wantaim tru tru bel o long stretpela pasin.

2 Tasol, ol i kolim ol yet long holi siti tasol, ol no save bilip long God bilong Israel, em i Bikpela bilong Planti Tru, ye, Bikpela bilong Planti Tru i nem bilong em.

3 Lukim, long i stat tru, mi bin autim ol samting i bin kamap bipo, na ol i bin go aut long maus bilong mi, na mi bin soim ol. Mi bin soim ol hariap tru.

4 Na mi mekim olsem, bikos mi bin save olsem yu em ston het, na nek bilong yu em wanpela rop ain na pohet bilong yu i ain bras;

5 Na mi bin tru tumas, long i stat tru autim long yu, bipo em i kamap tru, mi soim ol long yu, na mi bin soim ol bikos mi poret nogut yu bai tok—God giaman bilong mi i bin wokim ol, na diwai kavin wantaim ain kavin bilong mi i bin tokim ol long kamap.

6 Yu bin lukim na harim olgeta long dispela, na yu no inap autim ol? Na olsem mi bin soim yu nupela samting long dispela taim, tru tumas, ol samting i hait, na yu no bin save long ol.

7 Ol bin krietim nau, na i no long stat tru, tru tumas, bipo long dispela de yu no bin harim long ol; ol i bin autim long yu, nogut yu bai tok—Lukim, mi bin save long ol.

8 Ye, na yu no bin harim, ye, na yu no bin save, long dispela taim iyau bilong yu i bin pas, long wanem, mi bin save olsem yu bai giaman, na i bin kolim wanpela man bilong brukim lo, taim yu i stap long bel.

9 Tasol, bikos long nem bilong mi, mi bai holim bek belhat bilong mi, na bikos long amamasim mi, mi bai holim bek long yu, olsem mi bai i no inap katim yu op.

10 Long wanem, lukim, mi bin stretim na mekim yu long kamap naispela, mi bin makim yu insait long paia bilong pen.

11 Long wanem bikos long mi yet, ye, bikos long mi yet bai mi wokim dispela, long wanem, mi bai i no inap larim nem bilong mi kamap doti, na mi bai i no inap givim glori bilong mi long narapela.

12 Harim long mi, O Jekop, na Israel mi bin singautim, yupela long wanem, em mi, mi em long nambawan na tu mi em long las.

13 Han bilong mi tu i bin kirapim graun, na rait han bilong mi i bin wokim ol heven. Mi singautim ol na ol tupela i bin sanap wantaim.

14 Yupela olgeta, bungim yupela yet, na harim, husat namel long yupela i bin autim dispela ol samting long ol? Bikpela i bin lavim em, ye, na em bai mekim kamap tru ol toktok bilong em, ol toktok em i bin autim wantaim ol, na em bai wokim laik bilong em long Babilon, na han bilong em yet bai kamap long ol lain bilong Saldia.

15 Tu, Bikpela i tok, mi Bikpela, ye, mi bin toktok, ye, mi bin makim em long autim, toktok mi bin bringim em, na em bai mekim rot bilong em kamap gutpela tru.

16 Yupela kam klostu long mi, mi no bin tok long hait, long i stat tru, long dispela taim em i bin autim, mi bin toktok, na God Bikpela wantaim Spirit bilong em bin salim mi.

17 Olsem na Bikpela i tok, mi bin salim Ridima bilong yu, Wanpela Holi Tasol em bilong Israel, Bikpela, God bilong yu em lainim yu long kamapim gutpela sindaun bilong yu, em lidim yu long rot we yu bai go, em bin wokim.

18 O inap yu harim long ol lo bilong mi—sapos olsem, bel isi bilong yu bai kamap wankain olsem riva na stretpela pasin bilong yu bai kamap wankain olsem ol tait bilong solwara.

19 Ol pikinini bilong yu tu bai kamap wankain olsem waisan, ol pikinini bilong bel bilong yu kamap wankain olsem karanas bilong solwara, nem bilong em bai i no inap lus o bagarap long pes bilong mi.

20 Yupela go aut long Babilon, yupela ronawe long ol lain bilong Saldia, wantaim nek bilong singsing yupela autim, tokaut long dispela, long olgeta hap bilong graun, yupela tok: Bikpela bin seivim wokman bilong em Jekop.

21 Na ol i no bin nek drai, Bikpela i bin lidim ol go long ol ples drai, em i bin mekim wara i kamaut long ol ston, em tu bin brukim ston long namel na wara i bin buruk i kamaut.

22 Na inap Bikpela i bin wokim olgeta dispela samting, wantaim bikpela samting tasol, Bikpela i tok, bel isi i no i stap wantaim ol lain nogut.