1 Xbantajic cʼut chi xebinchʼabej ri wätz, xinbij chque: Chujtzelej bic chi jumul pa Jerusalén, y chkacoj ka chukʼab che u nimaxic ri u takbal ri Kajawal. Kastzij ri areʼ tza cätakan puwiʼ ronojel uwächulew. ¿La tä areʼ nim na chquiwäch ri Labán y ri cincuenta u winak, cʼä pune tä baʼ cʼo lajuj tak miles?

2 Joʼ cʼut, cäkacowirisaj kib je jas xuban ri Moisés. Ri areʼ kastzij xuchʼabej ri quiäk nimalaj jaʼ, y ri jaʼ xupakʼij rib chi riʼ y jelaʼ. Cʼu ri ojer tak ka tat xekʼatan che cakän chilaʼ, y xetzokopitaj ulok pa qui kʼab ri qui cʼulel. Cʼu ri ajchʼoʼjab rech ri Faraón, ri xecocotaj ri ka mam, xejikʼic pa ri quiäk nimalaj jaʼ.

3 Rumal cʼu ri, ix iwetaʼm chi waʼ kastzij. Xukujeʼ iwetaʼm chi jun ángel xtzijon ixucʼ. ¿Jasche baʼ, man quixcojon taj? Joʼ jelaʼ, ri Kajawal cäcuin cujutzokopij ja jas xebutzokopij ri ojer ka nan ka tat. Cäcuin areʼ cusach u wäch ri Labán je jas xuban cucʼ ri e aj Egipto.

4 Cʼäte nu bim we tak tzij chque, majaʼ xel coyowal, y cʼä xewixwitic. Pune tä jeriʼ, xinquiterenej cʼä ja cʼo wi ri tapia re Jerusalén.

5 Are chakʼab chic, xinbij chque chi cäcawaj quib. Y cʼäte cawam quib chic, ri in Nefi, xinoc pa ri tinimit, xinbec cho ri rachoch ri Labán.

6 Y ri Uxlabixel xucʼam nu be, man in wetaʼm taj jas quinban na.

7 Pune tä jeriʼ, xinbec chunakaj ri rachoch ri Labán y xinwil jun achi tzakinak chnuwäch pa ri ulew, kʼabarel areʼ rumal ri tzam.

8 Are xinopan chunakaj riʼ, xinwilo chi areʼ ri Labán.

9 Xinwil u machet, y xinwesaj pa ri u cʼolbal. Xinwilo chi ri u chapabal kas re kʼän puak, y sibalaj utzu banic riʼ, y xinwil chi ri u wareʼ banom re chʼichʼ sibalaj jeʼlic.

10 Xcʼulmataj chi ri Uxlabixel xuyaʼ tzij pa nu jolom chi quincämisaj ri Labán. Tzare in xinbij pa wanimaʼ chi mawi jumul nu cämisam jun achi, y xinjecʼ wib, man xinwaj taj quincämisaj areʼ.

11 Y ri Uxlabixel xinuchʼabej chic jumul, xubij: Chawilampeʼ, ri Ajawaxel u yaʼom can ri areʼ pa a kʼab Xukujeʼ in wetaʼm chi ri Labán xraj xinucämisaj, y ri areʼ man xraj tä cuto ri u takbal ri Kajawal. Xukujeʼ wetaʼm chi ri areʼ resam ri jastak kech.

12 Xcʼulmataj cʼut chi jumul chic ri Uxlabixel xubij chwe: Chacämisaj areʼ, rumal ri Ajawaxel u yaʼom pa a kʼab.

13 Ri Kajawal cusach na qui wäch ri itzel tak xinak rech cuban areʼ ri sucʼalaj u chomanic. Utz na we cäcäm jun achi, man are taj jun tinimit cäretzelaj rib rech man quecojon tä chic.

14 Je cʼu riʼ, are in, Nefi, xinta we tzij, xnataj chwe ri u bim ri Kajawal pa ri ulew cätzʼinowic, xubij: We ri awijaʼl cäquinimaj nu takbal, kas utz quel na ri cäquiban pa ri tasom ulew.

15 Kas jeʼ, xukujeʼ xinchomaj chi ri areʼ man quecuin tä na cäquinimaj ri u takbal ri Dios je jas ri cubij ri u pixab Moisés we tä ma tä cʼo cucʼ.

16 Xukujeʼ wetaʼm chi we pixab riʼ cʼo can chquiwäch ri tak u xak tak chʼichʼ bronce.

17 Y xukujeʼ xoc pa nu jolom chi ri Dios u yaʼom can ri Labán pa nu kʼab rech quincuinic quinrik ri tzʼibatal che jujun junab, je jas xtakanic.

18 Rumal waʼ, xinnimaj ri u tzij ri Uxlabixel y xinchap ri u wiʼ ri Labán, xinwesaj ri u jolom kas rucʼ ri u machet areʼ.

19 Y cʼäte esam chic ri u jolom rucʼ ri u machet wumal, xincoj ri ratzʼiak ri Labán, ronojel u wäch xincojo. Xukujeʼ xincoj ri ratzʼiak chʼichʼ rech chʼoʼjibal.

20 Cʼäte nu banom ronojel waʼ, xinbec cho ri cʼolbal ja cʼo wi ri u kʼinomal ri Labán. Are xinopan chuxcut ri cʼolbal riʼ, xinrik ri u pataninel ri Labán, areʼ cʼo rucʼ ri lawe re ri u cʼolibal ri kʼinomal. Xinchʼaw che je jas cächʼaw ri Labán. Y xintak che chi cäbec wucʼ pa ri u cʼolbal ri kʼinomal.

21 Ri areʼ xchoman chi in riʼ ri rajaw, rumal xrilo ri ratzʼiak y ri u machet ri nu cojom in.

22 Ri areʼ xchʼaw wucʼ chquijri tatayib que ri aj Judeyib, rumal retaʼm chi ri rajaw, Labán, xcʼojiʼc can chquixol chakʼab.

23 Y xinchʼaw che je jas in ri Labán.

24 Xukujeʼ xinbij che chi rajwaxic quincʼam bic ri retal re ri tak tzij ri cʼo chquiwäch ri u xak tak chʼichʼ bronce chque ri wätz ri e cʼo chrij ri tapia.

25 Xukujeʼ xintak che chi quinuterenej.

26 Xuchomaj areʼ chi tajin quintzijonic chrij ri kachalal re ri u winakil ri Dios, xuchomaj xukujeʼ chi in riʼ ri Labán. Rumal cʼu waʼ, xinuterenej.

27 Xchʼaw chwe qʼui tak mul chquij ri tatayib que ri aj Judeyib pa ri ka binem cho ri cʼolbal ja cʼo wi ri wätz chrij ri tapia.

28 Y xcʼulmataj cʼut chi are ri Lamán xril nu wäch, sibalaj xuxej rib, xukujeʼ ri Lemuel y ri Sam. Xebanimajic chnuwäch rumal xquichomaj chi in riʼ ri Labán, y chi we ne areʼ in u cämisam chic canok, xukujeʼ chi petinak chquicämisaxic ri e areʼ.

29 Xcʼulmataj chi xinsiqʼuij, y xquita ri nu chʼabal. Man xebanimaj tä chic chnuwäch.

30 Xcʼulmataj cʼut chi are ri pataninel re Labán xril ri wätz, xbirbatic, xraj xanimaj chkawäch y cätzelej cho ri tinimit Jerusalén.

31 Kas cʼu ri in Nefi nim wakän, y xukujeʼ nu cʼamom sibalaj chukʼab pa u kʼab ri Kajawal. Rumal riʼ, xinchap ri pataninel re ri Labán. Xinkʼatij rech man cäbec taj.

32 Xcʼumataj cʼut chi xinbij che: We cata ri ka tzij quinyaʼ nu tzij chawe pa ri u biʼ ri Kajawal y pa ri u biʼ ri nu cʼaslemal in, man catkacämisaj taj.

33 Y xincoj nu biʼ che u bixic chi man rajwaxic taj cuxej rib, chi areʼ tzokopital na chquixol ri winak we cujrachilaj pa ri ulew cätzʼinowic.

34 Y xukujeʼ xinbij che: Kas ri Kajawal xujutak ulok chubanic waʼ. ¿La ma tä rajwaxic cujsacʼajin chunimaxic ri u takbal ri Kajawal? Rumal cʼu riʼ, we cawaj catbec wachil in cʼä ja cʼo wi ri in tat, cʼo na cʼolbal chawe chkaxol.

35 Xcʼulmatajic chi Zoram, are u biʼ we pataninel, areʼ xuto we jun tzij riʼ, y xcuʼbisax u cʼux chi jumul. Ri areʼ xuyaʼ u tzij chke chi cäbe na pa ri ulew cätzʼinowic cʼä ja cʼo wi ri in tat. Xukujeʼ xucoj u biʼ che ri u tzij chi cäcanaj kucʼ che junalic.

36 Ri uj baʼ, xkaj chi cäcanajic kucʼ uj rech man cʼo tä jun ri cubij na chque ri Judeyib chi uj elinak bic pa ri ulew cätzʼinowic, rech man cujquiterenej taj.

37 Xcʼulmataj cʼut chi ri Zoram xucoj u biʼ che ri u tzij, y man xkaxej tä kib chic chuwäch areʼ.

38 Xcʼulmatajic chi xkacʼam bic ri u xak tak chʼichʼ bronce, y ri u pataninel ri Labán, xujbec pa ri u panibal ri ka tat.