Ibuot 6
Nephi ewet mme ŋkpɔ Abasi—uduak Nephi edi ndinam mme owo edi ebine Abasi Abraham enyuŋ ebɔ erinyaŋa. Ŋkpɔ nte 600–592 M.C.
1 Ndien idahaemi ami, Nephi, nnɔhɔ mbuk emana mme ete mi ke ikpa ŋwed mi emi; ini ndomo kiet efen ke emi ama ekebe ami ndinɔhɔ enye ke mme usan emi ami nwetde; koro enɔ ke ŋwed emi ete mi enimde; ke ntre, ami nwetke enye ke utom emi.
2 Koro ekem mi ndidɔhɔ nte ke nnyin idi ubon Joseph.
3 Ndien ibeheke mi ete ke ami metiŋ enyin ke ndinɔ ofuri mbuk eke kpukpru mme ŋkpɔ ete mi, koro owo ikemeke ndiwet mmɔ ke mme usan emi, koro ami nyom ufaŋ man ami ŋwet mme ŋkpɔ Abasi.
4 Koro ɔyɔhɔ uduak mi edi ete ami nnam mme owo edi ebine Abasi Abraham, ye Abasi Isaac, ye Abasi Jacob, enyuŋ ebɔ erinyaŋa.
5 Ke ntre, mme ŋkpɔ emi enemde ererimbot esit ami nwetke, edi mme ŋkpɔ emi enemde Abasi esit ye mbon oro emi midihe eke ererimbot.
6 Ke ntre, ami nyenɔ ubon mi uyo, nte yak mmɔ ekuyɔhɔ mme usan emi ye mme ŋkpɔ emi minyeneke udori inɔ nditɔ owo.