Ibuot 9
Nephi ewet ŋwed iba—Ekot kiet kiet mme usan Nephi—Mme akamba usan edɔŋɔ mbuk eset eke obuk idem; mkpri oro ebaŋa akpan akpan mme edisana ŋkpɔ. Ŋkpɔ nte 600–592 M.C.
1 Ndien kpukpru mme ŋkpɔ emi ke ete mi eke okut, onyuŋ okop, onyuŋ etiŋ, nte enye eke odude ke tent, ke ebedeŋ Lemuel, ndien nko akamba ediwak mme ŋkpɔ efen, emi owo mikanke iwet ke mme usan emi.
2 Ndien idaha emi, nte ami mma nketiŋ kabaŋa mme usan emi, sese mmɔ idihe mme usan emi ami nwetde ɔyɔhɔ mbuk eke mbuk eset ikɔt mi; koro mme usan emi ami nwetde ɔyɔhɔ mbuk ikɔt mi ami menɔ enyiŋ Nephi; ke ntre, ekot mmɔ mme usan Nephi, edian enyiŋ mi; ndien mme usan emi nko ekot mmɔ mme usan Nephi.
3 Okposuk edi, ami mebɔ ibet nto Jehovah ete yak ami nnam mme usan emi, ke saŋa saŋa ntak ete mmɔ edi mbuk emi emiŋde ebaŋa utom ikɔt mi.
4 Ke mme usan eken ke ana emiŋ mbuk ukara ndidem, ye mme ekɔŋ ye mme eneni ikɔt mi; ke ntre mme usan emi ebaŋa ediwak utom; ndien mme usan eken ebaŋa ediwak ukara ndidem ye mme ekɔŋ ye mme eneni ikɔt mi.
5 Ke ntre, Jehovah ama ɔnɔ mi uyo ete nnam mme usan emi mbaŋa eti ntak emi odude ke enye, ntak emi ami mme ndiɔŋɔke.
6 Edi Jehovah ɔdiɔŋɔ kpukpru ŋkpɔ tɔŋɔ ke ntɔŋɔ; ke ntre, enye anam usuŋ ete enam kpukpru mme utom esie ke ufɔt nditɔ owo; koro sese, enye enyene kpukpru odudu ndinam kpukpru mme ikɔ esie osu. Ndien ntre ke edi. Amen.