Mormompa Libron

Chayrayku, Nefij llajtanmanta, lamanitakunamantawan juch’uyyachisqa willaykuna — Israelpa wawasnimpa puchun lamanitakunaman escribisqa; judiokunaman, gentilkunaman ima escribisqa — Kamachisqa kajtin escribisqa, sut’inchay espirituwan, rikuchiy espirituwan ima escribisqa — Escribisqa, sellasqataj, Señorman pakasqataj, mana thunisqa kanampaj — Diospa qoyninnejta, atiyninnejtataj sut’inchasqa llojsimunampaj — Moronij makinwan sellasqa, Señorman pakasqataj, wakichisqa p’unchaypi gentilesnejta llojsimunampaj — Diospa qoyninwan sut’inchasqa kanampajtaj.

Eterpa Libronmanta juch’uyyachisqa willaykunawan ima, kaytaj Jaredpa llajtanmanta willan, paykunaqa janaj pachaman chayanankupaj torreta ruwashajtinku, Señorqa parlayninkuta chajrorqa, ch’eqerachisqastaj karqanku — Kayqa Israelpa wawasnimpa puchunman Señorpa paykunaj tatasninkupaj may jatun ruwasqasninta rikuchisnampaj; Señorpa tratosninmanta yachanankupajtaj, mana wiñaypaj qharqosqas kanankupaj — Jinataj, judiota, gentiltawan Jesus, tukuy llajtaman rikuchiskoj Cristo, Wiñay Tata, kasqanta yachachinampaj — Kunantaj, pantaykuna kajtin, runaspa pantayninkuna kanku; chayrayku Diospa ruwasqanta ama juchachaychischu, Cristoj ñawpaqempi mana juchayoj kanaykichispaj.