Willayku tukuy llajtasman, ayllusman, parlaykunasman ima, pikunachus kay librota rikunkuman, Dios Tatanchispa khuyayninnejta, Señorninchis Jesucristonejtataj planchasta, mayqenmantachus kay libro tijrasqa karqa, chaykunata rikusqaykuta. Chay planchasqa willawanchis Nefij llajtanmanta, Nefij hermanosnimpa familiasninmantataj, pikunachus lamanitas karqanku, chay jinallataj Jaredpa llajtanmanta, pikunachus uj torremanta jamorqanku, mayqen torremantachus kay libro willawanchis. Kay libroj parlayniykuman tijrasqa kasqanta Diospa qoyninnejta, atiyninnejtataj yachayku. Paypa parlaynin chayta willawarqayku. Chayrayku kay libro cheqapuni kasqanta yachayku. Planchaspi escribisqasta rikusqaykuta willayku. Ñoqaykuman rikuchikuwarqayku Diospa atiyninnejta, manataj runaspa atiyninnejtachu. Tukuy sonqoyoj kaspa willayku Diospa willajnin janaj pachamanta planchaswan uraykamusqanta, planchasta rikuchiwasqaykutataj. Planchasta, escribisqasnintawan kikin ñawisniykuwan rikorqayku. Dios Tatanchispa khuyayninnejta, Señorninchis Jesucristonejtataj kaykunata yachaykupuni, rikorqaykutaj, qankunaman willaykutaj cheqa kasqankuta. T’ukunapaj kasqanta niyku. Diospa parlaynin kaykunamanta willanaykuta kamachiwarqayku, chayrayku kayta willaspa chay jatun kamachiyta junt’ayku. Cheqamanta Jesucristopi creespa, mana kuyuspataj, mana juchayoj kasajku. P’achasniykutaj tukuy runaspa yawarninmanta llimphuchasqas kanqanku. Chantá llimphu kasajku Jesucristo ñoqaykuta juzgawajtiyku, Wawanta, Santo Espiritutawan yupaychayku. Paykunataj uj Dioslla kanku. Amen.