Juon errā ikōtaan Anij im armej, a rej jab m̧akūtkūt jon̄an wōt juon ilo errā eo. Anij ej letok ļamļam ko ilo bujen eo, im armej rej errā n̄an kōm̧m̧an ta Ej kajjitōk ippāer n̄an kōm̧m̧ane. Innām Anij ej kallim̧uri armej jet kōjeraam̧m̧an ko kōn pokake eo aer.
Pedped ko im kain̄i ko jej bōki jān bujen. Ro uwaan Kabun̄ in im rej kōm̧m̧ani bujen kein rej kallim̧ur n̄an kautieji. N̄an waanjon̄ok, ro uwaan Kabun̄ rej kōm̧m̧an bujen ippān Irooj ilo iien peptaij im kōkāāli bujen in ilo aer bōk kwōjkwōj eo. Rej kōm̧m̧an elōn̄ļo̧k bujen ko ilo tampeļ eo. Armej ro doon Irooj rej juon armej in bujen im eļap aer jeraam̧m̧an ilo aer kōjparok bujen ko aer ippān Irooj.