Katok

Ilo raan ko etto, katok ekar meļeļein kōm̧m̧ane juon men ak juon armej ekwōjarjar. Kiiō ekar itok n̄an meļeļe in n̄an kōtļo̧k ak en̄taan kōn jako an men ko an laļ in n̄an Irooj im aelōn̄ eo An. Ro uwaan Kabun̄ eo an Irooj reaikuj in m̧ōņōņō in katok kōn men otemjeļo̧k n̄an Irooj. Josep Smith ar katak bwe “juon kabun̄ eo ej jab kōtmāne katak kōn men otemjeļo̧k ekar bar ejjeļo̧k wōt an kajoor n̄an kōmouri tōmak eo aikuji n̄an mour in im mour indeeo.” Ilo wāween errem̧aanļo̧k n̄an indeeo im indeeo, kōjeraam̧m̧an ko bōki jān katok reļļapļo̧k jān jabdewōt men eo kōtļo̧ke.

Ālikin kar kadiwōjļo̧k Adam im Iv jān Jikin Kallib Iden, Irooj ar leļo̧k n̄an er kien katok. Kien in eaar kitbuuj ajeļo̧k m̧aanje in mennin mour ko. Katok in eaar kakōļļeen katok e enaaj kar kōm̧m̧an jān eo Nejin Eaar Keotak in Anij (Moses 5:4–8). Imminene in ekar kōm̧m̧an m̧ae mej eo an Jisōs Kraist, eo ekar kōjjem̧ļo̧k katok kōn mennin mour āinwōt juon kain̄i an gospel eo (Alma 34:13–14). Ilo Kabun̄ in rainin ro uwaan rej bōk kwōjkwōj in pilawā im dān eo ilo ememej katok eo an Jisōs Kraist. Ro uwaan Kabun̄ eo an Kraist rainin rej barāinwōt kajjitōk ippāer n̄an katok kōn juon bōro erup im juon jetōb ettā (3 Ni. 9:19–22). Meļeļein men in rej ettā, ukeļo̧k, im m̧ōņōņō in pokake kien ko an Anij.