Hilamōn ļeo Nejin Alma Lale barāinwōt Alma ļeo Nejin Alma; Antai-Nipai-Liai ro; Ļōm̧aro Nejin Hilamōn Ilo Bok in Mormon, ļeo erūttotata nejin Alma, ļeo nejin Alma (Alma 31:7). Hilamōn ekar juon rikanaan im ritōl an jarin tariņae. Alma ar lōke ļeo nejin Hilamōn kōn ļo̧o̧k ko an armej ro an im kōn pileij ko an riJered ro, Alma 37:1–2, 21. Alma ar jiron̄ Hilamōn n̄an wōnm̧aanļo̧k ilo je bwebwenato eo an armej ro an, Alma 45–62. Hilamōn ar bar kajutake Kabun̄ eo, Alma 45:22–23. Ruo to̧ujin ritariņae jo̧dikdik in riAmmōn rekar kōņaan bwe Hilamōn en aer ritōl, Alma 53:19, 22. Hilamōn im riAmmōn peran ro an rekar kōpata ippān riLeman ro im kar oņaake er jān tōmak, Alma 57:19–27.