ປຈສ, ປະຖົມມະການ 15:9–12. ປຽບທຽບໃສ່ກັບ ປະຖົມມະການ 15:1–6
ອັບຣາຮາມຮຽນຮູ້ກ່ຽວກັບການຟື້ນຄືນພຣະຊົນ ແລະ ເຫັນການປະຕິບັດສາດສະໜາກິດໃນຊ່ວງມະຕະຂອງພຣະເຢຊູ ໃນພາບນິມິດ.
9 ແລະ ອັບຣາມໄດ້ກ່າວວ່າ, ອົງພຣະຜູ້ເປັນເຈົ້າ, ພຣະອົງຈະປະທານແຜ່ນດິນນີ້ໃຫ້ຂ້ານ້ອຍ ເພື່ອເປັນມູນມໍລະດົກອັນເປັນນິດໄດ້ແນວໃດ?
10 ແລະ ພຣະຜູ້ເປັນເຈົ້າໄດ້ກ່າວວ່າ, ເຖິງແມ່ນເຈົ້າຕາຍໄປ, ແຕ່ເຮົາກໍສາມາດປະທານມັນໃຫ້ແກ່ເຈົ້າ ບໍ່ແມ່ນບໍ?
11 ແລະ ຖ້າເຈົ້າຈະຕາຍ, ແຕ່ເຈົ້າຈະຄອບຄອງມັນ, ເພາະວັນເວລາຈະມາເຖິງ, ເມື່ອບຸດມະນຸດຈະມີຊີວິດ; ແຕ່ພຣະອົງຈະມີຊີວິດໄດ້ແນວໃດ ຖ້າຫາກພຣະອົງບໍ່ໄດ້ສິ້ນພຣະຊົນ? ພຣະອົງຕ້ອງຄືນຊີບເສຍກ່ອນ.
12 ແລະ ເຫດການໄດ້ບັງເກີດຂຶ້ນ, ຄືອັບຣາມໄດ້ຫລຽວອອກໄປ ແລະ ໄດ້ເຫັນວັນເວລາຂອງບຸດມະນຸດ, ແລະ ຍິນດີ, ແລະ ຈິດວິນຍານຂອງເພິ່ນສະຫງົບງຽບ, ແລະ ເພິ່ນເຊື່ອໃນພຣະຜູ້ເປັນເຈົ້າ; ແລະ ພຣະຜູ້ເປັນເຈົ້າໄດ້ຮັບວ່າເພິ່ນເປັນຄົນຊອບທຳ.