TJS, Mak 14:20–26. Konpare avèk Mak 14:22–25
Jezi tabli sentsèn nan an souvni kò Li ak san Li.
20 Epi kòm yo te manje, Jezi te pran pen an, epi l te beni l, epi l te rache l, epi l te ba yo l, epi l te di konsa, Pran l, epi manje.
21 Reyèlman se pou nou fè sa nan memwa kò mwen; paske osi souvan nou fè sa, w ap sonje lè a mwen te avèk nou.
22 Epi l te pran vè a, epi lè l te fin bay remèsiman, li te ba yo l; epi yo tout te bwè ladan l.
23 Epi l te di yo konsa, se nan memwa san mwen ki koule pou anpil moun, epi se Nouvo Testaman m ba nou an; paske nou dwe rann temwayaj bay tout mond lan konsènan mwen.
24 Epi osi souvan nou fè òdonans sa a, w ap sonje m te avèk nou nan lè sa a, epi m te bwè nan vè sa a avèk nou, pou dènye fwa sa a menm nan ministè m nan.
25 Toutbon, m di nou konsa, nou dwe rann temwayaj konsènan bagay sa a; paske m p ap bwè nan fwi rezen an avèk nou ankò, jouk nan jou m pral bwè l ankò nan wayòm Bondye a.
26 Epi kounyeya yo te tris, epi yo te kriye pou li.
TJS, Mak 14:36–38. Konpare avèk Mak 14:32–34
Nan Jetsemane, menm kèk nan Douz yo pa fin totalman konprann wòl Jezi kòm Mesi a.
36 Epi yo te vini nan yon kote ki te rele Jetsemane, ki te yon jaden; epi disip yo te kòmanse vin frikat anpil, epi twouble anpil, epi yo te plenyen nan kè yo, yo t ap mande tèt yo si se te Mesi a.
37 Epi paske Jezi te konnen kè yo, li te di disip li yo konsa, Chita la pandan m ap priye.
38 Epi l te mennen Pyè, ak Jak, ak Jan avèk li, epi l te repwoche yo, epi l te di yo konsa, Nanm mwen tris anpil, menm jiska lanmò; rete la epi veye.