ປຈສ, ມາຣະໂກ 3:21–25. ປຽບທຽບໃສ່ກັບ ມາຣະໂກ 3:28–30
ພຣະເຢຊູຈະໃຫ້ອະໄພແກ່ຄົນບາບທຸກຄົນທີ່ກັບໃຈ ຍົກເວັ້ນແຕ່ຄົນທີ່ເວົ້າໝິ່ນປະໝາດຕ້ານພຣະວິນຍານບໍລິສຸດ.
21 ແລະ ມີພວກຜູ້ຊາຍກຸ່ມໜຶ່ງໄດ້ມາຫາພຣະອົງ, ໄດ້ກ່າວຫາພຣະອົງ, ໂດຍກ່າວວ່າ, ດ້ວຍເຫດໃດທ່ານຈຶ່ງຮັບເອົາຄົບບາບ, ໂດຍທີ່ທ່ານຖືຕົວເອງວ່າ ເປັນພຣະບຸດຂອງພຣະເຈົ້າ.
22 ແຕ່ພຣະອົງໄດ້ຕອບພວກເຂົາວ່າ, ເຮົາບອກພວກເຈົ້າທັງຫລາຍຕາມຄວາມຈິງວ່າ, ການບາບທຸກປະການ ທີ່ມະນຸດໄດ້ເຮັດ, ເມື່ອເຂົາກັບໃຈ, ເຂົາຈະໄດ້ຮັບການໃຫ້ອະໄພ; ເພາະເຮົາມາເພື່ອສັ່ງສອນການກັບໃຈ ແກ່ລູກຫລານມະນຸດ.
23 ແລະ ຄຳໝິ່ນປະໝາດທຸກຢ່າງ ທີ່ພວກເຂົາໄດ້ກ່າວ, ຈະໄດ້ຮັບການໃຫ້ອະໄພ ເມື່ອເຂົາມາຫາເຮົາ, ແລະ ເຮັດວຽກງານຊຶ່ງເຂົາເຫັນເຮົາກະທຳ.
24 ແຕ່ຈະມີການບາບທີ່ອະໄພໃຫ້ບໍ່ໄດ້. ຄົນທີ່ເວົ້າໝິ່ນປະໝາດຕ້ານພຣະວິນຍານບໍລິສຸດ ຈະບໍ່ໄດ້ຮັບການໃຫ້ອະໄພຈັກເທື່ອ; ແຕ່ເຂົາຈະມີໂທດຖານຖືກຕັດອອກຈາກໂລກ. ແລະ ເຂົາຈະໄດ້ຮັບຄວາມອັບປະໂຫຍດນິລັນດອນ.
25 ແລະ ພຣະອົງໄດ້ກ່າວເຊັ່ນນີ້ກັບພວກເຂົາ ເພາະພວກເຂົາໄດ້ເວົ້າວ່າ, ພຣະອົງມີຜີຊົ່ວຮ້າຍເຂົ້າສິງຢູ່.