ປຈສ, ມາຣະໂກ 9:3. ປຽບທຽບໃສ່ກັບ ມາຣະໂກ 9:4
ໂຢຮັນບັບຕິສະໂຕ ໄດ້ຢູ່ເທິງພູແຫ່ງການປ່ຽນສະພາບ.
3 ແລະ ອີລາຍ ແລະ ໂມເຊ ໄດ້ປະກົດຕົວຕໍ່ເຂົາເຈົ້າ, ຫລື ອີກຄຳໜຶ່ງ, ໂຢຮັນບັບຕິສະໂຕ ແລະ ໂມເຊ; ແລະ ພວກເພິ່ນກຳລັງສົນທະນາຢູ່ກັບພຣະເຢຊູ.
ປຈສ, ມາຣະໂກ 9:40–48. ປຽບທຽບໃສ່ກັບ ມາຣະໂກ 9:43–48
ພຣະເຢຊູປຽບທຽບການຕັດມື ຫລື ຕັດຕີນຂ້າງໜຶ່ງອອກ ໃສ່ກັບການຕັດຄວາມສຳພັນທີ່ອາດພາຫລົງທາງໄປ.
40 ສະນັ້ນ, ຖ້າມືຂອງພວກເຈົ້າເຮັດຄວາມຜິດຕໍ່ພວກເຈົ້າ, ໃຫ້ຕັດມັນຖິ້ມ; ຫລື ຖ້າຫາກພີ່ນ້ອງຂອງພວກເຈົ້າເຮັດຄວາມຜິດຕໍ່ພວກເຈົ້າ ແລະ ບໍ່ຍອມສາລະພາບ ແລະ ບໍ່ຍອມເຊົາ, ເຂົາຈະຖືກຕັດອອກ. ການທີ່ພວກເຈົ້າ ຈະເຂົ້າມາສູ່ຊີວິດຢ່າງຄົນມືກຸດ ກໍດີກວ່າການລົງໄປນະລົກພ້ອມດ້ວຍມືທັງສອງຂ້າງ.
41 ການທີ່ພວກເຈົ້າເຂົ້າມາສູ່ຊີວິດປາດສະຈາກພີ່ນ້ອງຂອງພວກເຈົ້າ ກໍດີກວ່າພວກເຈົ້າ ແລະ ພີ່ນ້ອງຂອງພວກເຈົ້າ ຖືກໂຍນລົງໄປນະລົກນຳກັນ; ລົງໄປໃນໄຟຊຶ່ງມອດບໍ່ເປັນຈັກເທື່ອ, ບ່ອນທີ່ໂຕໜອນບໍ່ຮູ້ຕາຍ, ແລະ ໄຟບໍ່ຮູ້ມອດຈັກເທື່ອ.
42 ແລະ ອີກເທື່ອໜຶ່ງ, ຖ້າຕີນຂອງພວກເຈົ້າເຮັດຄວາມຜິດຕໍ່ພວກເຈົ້າ, ໃຫ້ຕັດມັນຖິ້ມ; ເພາະຄົນໃດເປັນມາດຕະຖານຂອງພວກເຈົ້າ, ຄົນນັ້ນແຫລະທີ່ພວກເຈົ້າຈະເດີນຕາມ, ຖ້າເຂົາກາຍເປັນຜູ້ລ່ວງລະເມີດ, ເຂົາຈະຖືກຕັດອອກ.
43 ການທີ່ພວກເຈົ້າເຂົ້າມາສູ່ຊີວິດຢ່າງຄົນພິການ ກໍດີກວ່າຕີນທັງສອງເບື້ອງຂອງພວກເຈົ້າ ຖືກໂຍນລົງໄປນະລົກ; ລົງໄປໃນໄຟທີ່ບໍ່ຮູ້ມອດຈັກເທື່ອ.
44 ສະນັ້ນ, ຂໍໃຫ້ຢືນຢູ່ ຫລື ຕົກໄປດ້ວຍຕົນເອງ, ແລະ ບໍ່ແມ່ນເພື່ອຄົນອື່ນ; ຫລື ບໍ່ເຊື່ອຄົນອື່ນ.
45 ຈົ່ງທູນຖາມພຣະບິດາຂອງເຮົາ, ແລະ ມັນຈະເກີດຂຶ້ນເອງວ່າພວກເຈົ້າຈະທູນຂໍສິ່ງໃດໃນເວລານັ້ນ, ຖ້າຫາກພວກເຈົ້າທູນຂໍດ້ວຍສັດທາ, ໂດຍເຊື່ອວ່າຈະໄດ້ຮັບ.
46 ແລະ ຖ້າຫາກດວງຕາຂອງພວກເຈົ້າ ຊຶ່ງມອງເຫັນແທນພວກເຈົ້າ, ຄົນທີ່ຖືກແຕ່ງຕັ້ງໃຫ້ດູແລພວກເຈົ້າ ເພື່ອເຮັດໃຫ້ພວກເຈົ້າເຫັນແສງສະຫວ່າງ, ກາຍເປັນຜູ້ລ່ວງລະເມີດ ແລະ ເຮັດຄວາມຜິດຕໍ່ພວກເຈົ້າ, ຈົ່ງຕັດເຂົາອອກ.
47 ການທີ່ພວກເຈົ້າເຂົ້າໄປໃນອານາຈັກຂອງພຣະເຈົ້າ, ດ້ວຍຕາໜ່ວຍດຽວ, ກໍດີກວ່າຕາທັງສອງໜ່ວຍຖືກໂຍນລົງໃນໄຟນະລົກ.
48 ເພາະການທີ່ພວກເຈົ້າເອງຈະລອດ ກໍດີກວ່າຖືກໂຍນລົງນະລົກກັບພີ່ນ້ອງຂອງພວກເຈົ້າ, ບ່ອນທີ່ໜອນຂອງພວກເຂົາບໍ່ຮູ້ຕາຍ ແລະ ໄຟບໍ່ຮູ້ມອດຈັກເທື່ອ.