ປຈສ, ມາຣະໂກ 8:37–38. ປຽບທຽບໃສ່ກັບ ມາຣະໂກ 8:35
ຜູ້ໃດທີ່ເຕັມໃຈຍອມຕາຍເພື່ອເຫັນແກ່ພຣະເຢຊູ ຈະໄດ້ຮັບຄວາມລອດ.
37 ເພາະຜູ້ໃດທີ່ຢາກຊ່ວຍຊີວິດຂອງຕົນໃຫ້ລອດ ຜູ້ນັ້ນກໍຈະເສຍຊີວິດ; ຫລື ຜູ້ໃດທີ່ຢາກຊ່ວຍຊີວິດຂອງຕົນໃຫ້ລອດ, ທີ່ເຕັມໃຈຍອມຕາຍເພື່ອເຫັນແກ່ເຮົາ; ແລະ ຖ້າຫາກເຂົາບໍ່ຍອມຕາຍເພື່ອເຫັນແກ່ເຮົາ, ຜູ້ນັ້ນກໍຈະເສຍຊີວິດ.
38 ແຕ່ຜູ້ໃດທີ່ຍອມເສຍຊີວິດຂອງຕົນເພື່ອເຫັນແກ່ເຮົາ, ແລະ ພຣະກິດຕິຄຸນ, ຜູ້ນັ້ນຈະຊ່ວຍຊີວິດຂອງຕົນໃຫ້ລອດ.
ປຈສ, ມາຣະໂກ 8:42–43. ປຽບທຽບໃສ່ກັບ ມາຣະໂກ 8:38
ຄົນທີ່ລະອາຍໃນເລື່ອງພຣະຄຣິດ ບໍ່ມີພາກສ່ວນໃນການຟື້ນຄືນຊີວິດຄັ້ງທຳອິດ, ແຕ່ຄົນທີ່ຍອມຕາຍເພື່ອພຣະຄຣິດ ຈະມາກັບພຣະອົງ ໃນລັດສະໝີພາບຂອງພຣະອົງ.
42 ແລະ ພວກເຮົາຈະບໍ່ມີພາກສ່ວນໃນການຟື້ນຄືນຊີວິດນັ້ນ ເມື່ອພຣະອົງສະເດັດມາ.
43 ເພາະ ແທ້ຈິງແລ້ວ ເຮົາກ່າວກັບພວກເຈົ້າວ່າ, ພຣະອົງຈະສະເດັດມາ; ແລະ ຄົນທີ່ຍອມຕາຍເພື່ອເຫັນແກ່ເຮົາ ແລະ ພຣະກິດຕິຄຸນ, ຈະມາກັບພຣະອົງ, ແລະ ຈະຫຸ້ມຫໍ່ດ້ວຍລັດສະໝີພາບຂອງພຣະອົງຢູ່ໃນເມກ, ຢູ່ທາງເບື້ອງຂວາພຣະຫັດຂອງບຸດມະນຸດ.