GJS, IiNdumiso 11:1–5. Thelekisa neNdumiso 11:1–5
Ngemihla yokugqibela amalungisa aya kubalekela entabeni yeNkosi. Xa iNkosi ibuya, Iya kutshabalalisa abakhohlakeleyo ize ikhulule amalungisa.
1 Ngaloo mhla wena uya kuza, Owu Nkosi; kwaye ndiya kubeka ithemba lam kuwe. Wena uya kuthi ebantwini bakho, kuba indlebe yam ithe yaliva ilizwi lakho; wena uya kuthi kwimiphefumlo yonke, Balekelani entabeni yam; kwaye amalungisa aya kubaleka njengentaka ephuncuke emgibeni womzingeli weentaka.
2 Kuba abakhohlakeleyo bayasigoba isaphetha sabo; yabona, benza utolo lwabo luhlale lulungile phezu komtya, ukuze babe nokudubula ngasese ngokulunge kanye entliziyweni, batshabalalise isiseko sabo.
3 Kodwa iziseko zabakhohlakeleyo ziya kutshatyalaliswa, kwaye ke banokwenza ntoni?
4 Kuba iNkosi, xa iya kubuyela etempileni yayo engcwele, ihlale phezu kwetrone kaThixo ezulwini, amehlo ayo aya kugqobhoza abakhohlakeleyo.
5 Qaphela iinkophe zayo ziya kucikida abantwana babantu, kwaye iya kukhulula amalungisa, kwaye aya kucikidwa. INkosi iyawathanda amalungisa, kodwa abakhohlakeleyo, nalowo uthanda ugonyamelo, uwuthiyile umphefumlo wakhe.