E Quorum: Un Lugá di Pertenesé

Na 2010, Andre Sebako tabata un hòmber hóben buskando e bèrdat Ounke nunka promé e no a hasi un orashon sinsero, el a disidí pa purba. Poko despues el a topa ku e mishoneronan. Nan a duné un karchi ku informashon ku un pintura di e Buki di Mormon ariba. Andre a sinti algu i a puntra si e mishoneronan lo ke bendé e buki. Nan a bisa ku e lo por haña e buki pornada si e bai Iglesia.¹

Andre a bishitá e Rama Mochudi e tempu ei resientemente kreá na Botswana, Afrika, su so. Pero e rama tabata un grupo será di amor konsistiendo di banda di 40[kuarenta] miembro.² Nan a yama André bon biní ku brasanan habrí. El a haña e lèsnan mishonal i a wòrdu boutisá. Tabata maravioso.

Pero kiko awor? Kon Andre lo por keda aktivo? Ken lo yudé sigui progresá riba e kaminda di kombenio? Un kontesta na e pregunta ei ta su quorum di saserdosio!³

Tur poseedor di saserdosio, kualke sea su situashon, ta benefisiá di un quorum fuerte. Mi rumannan hóben ku ta poseé e Saserdosio Aaróniko, Señor lo ke pa boso establesé un quorum fuerte,, un lugá di pertenesé pa kada hòmber hóben, un lugá kaminda Señor su Spiritu ta presente, un lugá kaminda tur miembro di quorum ta bon biní i tin balor. Ora Señor ta reuní Su yunan, nan mester di un lugá pa pertenesé na dje i pa krese.

Kada un di boso miembronan di presidensia di quorum ta guia e kaminda ora boso ta buska inspirashon⁴ i ta desaroyá amor i hermandat entre tur miembronan di quorum. Boso duna atenshon spesial na esnan ku ta miembro nobo, ku ta ménos aktivo, òf ku tin nesesidatnan spesial.⁵ Ku poder di saserdosio, boso ta edifiká un quorum fuerte.⁶ I un quorum fuerte, uní ta hasi tur e diferensia den e bida di un hòmber hóben.

Ora Iglesia a anunsiá e enfoke nobo sentrá riba hogar riba siñansa di evangelio⁷ algun a pensa riba miembronan manera Andre i a puntra, “Kiko tokante e personanan hóben ku ta bini for di un situashon familiar kaminda no ta studia evangelio i no tin un ambiente pa siña i biba e evangelio na kas? Nan lo keda patras?”

No! Ningun hende no por keda patras! Señor ta stima kada hòmber hóben i kada muher hóben. Nos, komo poseedornan di saserdosio, ta Señor su mannan. Nos ta Iglesia su apoyo pa esfuersonan sentrá riba hogar. Ora tin apoyo limitá na kas, quorumnan di saserdosio i otro lidernan i amigunan ta vigilá i apoyá kada persona i famia segun nesesidat.

Mi a miré funshoná. Mi a eksperensié. Tempu mi tabatin seis aña, mi mayornan a divorsiá i mi tata a bai laga mi mama ku sinku yu yòn. Mi mama a kuminsá traha pa mantené nos. E tabatin un di dos trabou pa un temporada, i tambe un edukashon adishonal. Tabatin poko tempu pa e kria nos. Pero wela i tawelanan, tionan, tantanan, obispunan, i maestronan orientador a bira enbolbí pa yuda mi mama stimá.

I mi tabatin un quorum. Mi ta hopi gradesido pa mi amigunan—mi hermanonan—ku a stima i a apoyá mi Mi quorum tabata un lugá pa pertenesé na dje. Algun por a konsiderá mi sin hopi chèns di tin èksito den bida i den desventaha pa motibu di mi situashon familiar. Kisas mi tabata. Pero quorumnan di saserdosio a kambia eseinan. Mi quorum apoyá mi i a bendishoná mi bida grandemente.

Tin hende rònt di nos sin chens i den desventaha. Kisas nos tur ta esei di un òf otro manera. Pero kada un di nos tin un quorum, un lugá kaminda nos por risibí forsa i duna forsa. E quorum ta “tur pa un i un pa tur.”⁸ E ta un lugá kaminda nos ta instruí otro, sirbi otronan, i edifiká union i hermandat ora nos ta sirbi Dios.⁹ E ta un lugá kaminda milagernan ta sosedé.

Mi ke konta boso di algun di e milagernan ku a pasa den Andre su quorum na Mochudi. Segun mi ta kompartí e ehèmpel aki, wak pa prinsipionan ku ta fortalesé tur quorum di saserdosio ku ta apliká nan.

Despues ku Andre a wòrdu boutisá,el a kompañá e mishoneronan ora nan tabata siña kuater otro hòmber hóben, ku tambe a wòrdu boutisá. Awor tabatin sinku hòmber hóben. Nan a kuminsá fortalesé otro i e rama.

Un di seis hóben, Thuso, a wòrdu boutisá. Thuso a kompartí e evangelio ku tres di su amigunan, i pronto tabatin nuebe.

Disipulonan di Jesucristu hopi biaha ta reuní di e manera aki—algun pa un tempu,invitá pa nan amigunan. Antes, ora Andres a haña e Salbador, el a bai lihé na su ruman Simon i a “hibé serka Jesus.”¹⁰ Meskos, djis despues ku Felipe a bira un siguidó di Cristu, el a invitá su amigu Nathanael pa “bini i mira.”¹¹

Na Mochudi, un di dies hoben pronto a djòin Iglesia. E mishoneronan a haña e di diesun. I e di diesdos hóben a wòrdu boutisá despues di mira e efekto di e evangelio riba su amigunan.

E miembronan di e Rama Mochudi tabata emoshoná. E hòmbernan hóben aki a “wòrdu kombertí na Señor,i … uní na Iglesia.”¹²

E Buki di Mormon tabatin un ròl importante den nan kombershon.¹³ Thuso ta rekòrdá, “Mi a kuminsá lesa e Buki di Mormon … den tur ora liber ku mi tabatin, na kas, skol tur kaminda.”¹⁴

Oratile a tabatin interes den e evangelio pa motibu di e ehèmpel di su amigunan. E ta splika: “[Nan] a parse di a kambia den un fregá di wowo. … Mi a pensa ku e tabtain … di haber ku e buki … chikitu ku nan a kuminsá karga rònt na … skol. Mi por a mira kon bon hòmbernan nan a bira. … [Mi] tambe kier a kambia.”¹⁵

Tur 12 hóben a wòrdu reuní i boutisá denter di dos aña for di otro, Kada un tabata e úniko miembro di Iglesia den nan famia. Pero nan tabatin apoyo di nan famia di Iglesia, inkluso Presidente Rakwela¹⁶ nan presidente di rama; Elder i Hermana Taylor,¹⁷ un pareha di mishonero,i otro miembronan di e rama.

Hermano Junior,¹⁸ un lider di quorum, a invitá e hóbennan na su kas riba djadumingu merdia i a guia nan. E hóbennan a studia e skrituranan huntu i tabatin nochinan di famia regularmente.

Hermano Junior, a hiba nan pa bishitá miembronan, hendenan ku e msihoneronan tabata siña, i kualkie otro ku tabatin mester di un bishita. Tur 12 hóben a drenta patras den e truk yen di Hermano Junior. E tabata baha nan den grupo di dos òf tres i tabata buska nan despues.

Ounke e hóbennan a kaba di siña tokante di e evangelio i no a sinti ku nan tabata konosé mashá, Hermano Junior a bisa nan pa kompartí un òf dos kos ku nan tabata sa ku e hendenan ku nan tabata bishitá. E poseedornan di saserdosio yòn aki a siña, resa, i a yuda vigilá Iglesia.¹⁹ Nan a kumpli ku nan responsabilidatnan di saserdosio i a eksperensiá goso di sirbishi.

Andre a bisa, “Nos a hunga , hari, yora huntu i a bira un hermandat.”²⁰ Hecho ta, nan ta yama nan mes “e Grupo di Rumannan Hòmber.”

Huntu nan a pone un meta ku nan tur lo sirbi mishon. Siendo e úniko miembronan di Iglesia di nan famia, nan tabatin hopi optákulo pa vense, pero nan a yuda oto den nan.

Un pa un, e hóbennan a haña nan yamamentu pa mishon. Esunnan ku a bai promé a skibi karta na esunnan ku tabata preparando, kompartiendo eksperensianan i kurashando na pa sirbi. Diesun di e hóbennan a sirbi mishon.

E hóbennan a kompartí e evangelio ku nan famianan. Mamanan, rumannan,amigunan, i tambe hendenan ku nan a siña durante nan mishon, a wòrdu kombertí i boutisá. Milagernan a sosedé i hopi bida a wòrdu bendishoná.

Mi por tende algun di boso pensa ku kisas tal milager por pasa solamente na un lugá manera Afrika, un tera fertil kaminda e reunimentu di Israel ta aselerá. Sinembargo, mi ta testifiká ku e prinsipionan apliká den e Rama Mochudi ta bèrdat tur kaminda. Una ku boso ta, boso quorum por krese pa medio di aktivashon i kompartí e evangelio. Ora hasta un disípulo aserká un amigu, un por bira dos. Dos por bira kuater. Kuater por bira ocho. I ocho por bira diesdos. Ramanan por bira barionan.

E Salbador a siña, “ku kaminda tin dos òf tres of mas huntu den Su nòmber,E lo ta mei mei di nan.”²¹ Tata Selestial ta preparando e mente i kurason di hende rònt di nos. Nos por sigui inspirashonnan, krea amistat, kompartí bèrdat, invitá otronan pa lesa e Buki di Mormon, i stima i apoyá nan segun nan ta yega na konosé nos Salbador.

Ta kasi 10 aña for di tempu ku e Grupo di Hermanonan diMochundi a kuminsá nan biahe huntu, i ainda nan ta un grupo di hermanonan.

Katlego a bisa, “Nos por ta separá pa distansia, pero ainda nos ta kla pa otro.”²²

Ta mi orahon ku nos lo aseptá Señor su invitashon pa ta uní huntu ku ne den nos quorumnan di saserdosio pa asina kada quorum por ta un lug pa pertenesé na dje, un lugá pa reuní, un lug pa krese.

JesuCristu ta nos Salbador, i esaki ta Su obra. Asina mi ta testifiká den nòmber di JesuCristu, amèn.