Djúpt í hjörtum okkar

Fyrsta lögmálið eru sambönd. Vegna þess að þau eru svo eðlilegur hluti af kirkju Jesú Krists, gleymum við stundum mikilvægi sambanda í viðvarandi ferð okkar til Krists. Það er ekki ætlast til þess að við finnum eða göngum ein sáttmálsveginn. Við þörfnumst kærleiks og stuðnings frá foreldrum, öðrum fjölskyldumeðlimum, vinum og leiðtogum, sem eru einnig að ganga eftir veginum.

Svona sambönd taka tíma. Tíma til að vera saman. Tíma til að hlægja, leika, læra og þjóna saman. Tíma til að læra að meta áhugamál hvers annars og áskoranir. Tíma til að vera opinn og hreinskilin við hvert annað, er við stefnum að því að vera betri saman. Þessi sambönd eru ein aðal ástæða þess að koma sama sem fjölskyldur, sveitir, bekkir og söfnuðir. Þetta er grunnurinn að farsælu þjónustustarfi. ⁵

Öldungur Dale G. Renlund gaf okkur lykil að því að þroska þessi sambönd, þegar hann sagði: „Til að geta þjónað fólki af árangri …, þá þurfum við að geta séð það … með augum himnesks föður. Aðeins þá getum við byrjað að skilja virði sálarinnar. Aðeins þá getum við skynjað þann kærleika sem himneskur faðir ber til allra barna sinna.“ ⁶

Það er gjöf að geta séð aðra eins og Guð sér þá. Ég hvet hvert ykkar til að leita þessarar gjafar. Þegar augu okkur hafa opnast til að sjá, ⁷ munum við einnig geta hjálpað öðrum að sjá sjálfa sig eins og Guð gerir. ⁸ Henry B. Eyring forseti lagði áherslu á mikilvægi þessa er hann sagði: „Það sem skiptir mestu er það sem [aðrir læra] frá [ykkur] varðandi hver þau raunverulega eru og geta orðið. Ég tel að það sé eitthvað sem þau munu ekki læra af fyrirlestrum. Þau munu læra það af tilfinningunni um það hver þið eruð, hvaða mann þið teljið þau geyma og hvað þið teljið að þau gætu orðið.“ ⁹ Að hjálpa öðrum að skilja sitt sanna auðkenni og tilgang, er ein æðsta gjöfin sem við getum gefið. ¹⁰ Að sjá aðra og okkur sjálf eins og Guð gerir, tengir hjörtu okkar „saman í einingu og elsku.“ ¹¹

Með síauknum áhrifum frá veraldlegum öflum, munum við þarfnast þess styrks sem kemur frá kærleiksríkum samböndum. Þannig að þegar við skipuleggjum viðburði, fundi og aðrar samkomur, munum þá hinn almenna tilgang þessara samfunda, sem er að byggja upp elskurík sambönd sem sameina okkur og færa fagnaðarerindi Jesú Krists enn dýpra í hjörtu okkar. ¹²

Að sjálfsögðu er það ekki nægilegt að vera tengd saman. Það eru margir hópar og samtök sem ná samstöðu í kringum ólíkan málstað. Hins vegar, þá er sú eining sem við sækjumst eftir, að verða eitt með Kristi, að tengjast honum. ¹⁴ Til þess að tengja hjörtu okkar himnum, þörfnumst við persónulegrar reynslu, eins og öldungur Andersen var að ljúka við að tala við okkur um. ¹⁵ Sú reynsla kemur þegar heilagur andi færi okkur orð og elsku Guðs í huga okkar og hjörtu. ¹⁶

Þessi opinberun kemur til okkar í gegnum ritningarnar, einkum Mormónsbók og með innblásnum orðum lifandi spámanna og annarra trúfastra lærisveina og í gegnum hina lágu og hljóðlátu rödd. ¹⁷ Þessi orð eru meira en blek á blaði, hljóðbylgjur í eyrum okkar eða hugsanir í hugum okkar og tilfinning í hjörtum okkar. Orð Guðs er andlegur kraftur. ¹⁸ Það er sannleikur og ljós. ¹⁹ Þannig þekkjum við hann! Orðið byrjar og eykur við trú okkar á Krist og kyndir undir þrá innra með okkur til að verða líkari frelsaranum, sem er að iðrast og ganga sáttmálsveginn. ²⁰

Í apríl síðastliðnum hjálpaði Russell M. Nelson forseti okkur að skilja megin tilgang iðrunarinnar í þessari upplýsandi ferð. ²¹ Hann sagði: „Þegar við veljum að iðrast, veljum við að breytast! Við leyfum frelsaranum að breyta okkur í bestu útgáfu okkar sjálfra. Við veljum að líkjast Jesú Kristi meira!“ ²² Breytingarferlið, knúið áfram af orði Guðs, er leiðin til að tengjast himnum.

Undirliggjandi í boði Nelsons forseta um að iðrast er lögmál sjálfræðisins. Við verðum að velja iðrun fyrir okkur sjálf. Fagnaðarerindinu verður ekki þvingað í hjörtu okkar. Eins og öldungur Renlund sagði: „Uppeldismarkmið föður okkar á himnum er ekki að láta börn sín gera það sem rétt er, heldur að láta börn sín velja að gera það sem rétt er. ²³

Í námsskránum sem barna og unglingaáætlunin leysti af hólmi, voru um 500 mismunandi atriði sem varð að uppfylla til að fá ýmsar viðurkenningar. ²⁴ Í dag er í raun bara eitt. Það er boð um að velja að verða líkari frelsaranum. Við getum þetta með því að meðtaka orð Guðs með heilögum anda og leyfa Kristi að breyta okkur í bestu mögulegu útgáfu okkar sjálfra.

Þetta er talsvert meira en bara æfing í markmiðasetningu eða sjálfseflingu. Markmið eru einfaldlega verkfæri sem hjálpa okkur að tengjast himnum í gegnum opinberun, sjálfræði og iðrun – að koma til Krists og meðtaka fagnaðarerindi hans djúpt í hjörtum okkar.

Að lokum, til þess að meðtaka fagnaðarerindi Jesú Krists djúpt í hjörtum okkar þurfum við að vera virk í starfinu – að helga því tíma okkar og hæfileika, að fórna fyrir það. ²⁶ Við viljum öll lifa lífi sem hefur merkingu og þetta á sérstaklega við hina upprennandi kynslóð. Þau þrá málstað.

Fagnaðarerindi Jesú Krists er besti málstaðurinn í heiminum. Ezra Taft Benson forseti sagði: „Guð hefur boðið okkur að flytja öllum heiminum þetta fagnaðarerindi. Þetta er sá málstaður sem við verðum að sameinast um á okkar tíma. Aðeins fagnaðarerindið mun bjarga heiminum frá hörmungum eigin sjálfseyðingar. Aðeins fagnaðarerindið mun sameina karla [og konur] af öllum kynþáttum og þjóðernum í friði. Aðeins fagnaðarerindið mun færa mannkyninu gleði, hamingju og sáluhjálp.“ ²⁷

Öldungur David A. Bednar sagði: „Þegar við veitum æskunni umboð með því að bjóða þeim og leyfa þeim að framkvæma, mun kirkjan færast áfram á undraverðan hátt.“ ²⁸ Of oft höfum við ekki boðið æskunni og leyft henni að færa fórnir fyrir þennan mikla málstað Krists. Öldungur Neal A. Maxwell sagði: „Ef æska [okkar] verður fyrir vonbrigðum með [verk Guðs], þá er líklegra að þau láti bugast af heiminum.“ ²⁹

Hin nýja barna og unglingaáætlun snýst um það að gefa unga fólkinu umboð. Þau velja sín eigin markmið. Forsætisráð sveita og bekkja eru sett í sín viðeigandi hlutverk. Ungmennaráð deildar, leggur áherslu á sáluhjálparstarf og upphafningu á sama hátt og deildarráðið. ³⁰ Sveitir og bekkir hefja fundi sína á því að fara yfir hvernig best er að framkvæma það verk sem Guð hefur falið þeim. ³¹

Nelson forseti sagði við unga fólkið í kirkjunni: „Ef þið veljið, ef þið viljið, … getið þið verið stór hluti af nokkru stóru, miklu, tignarlegu! … Þið eruð meðal þeirra bestu sem Drottinn hefur nokkru sinni sent í þennan heim. Þið hafið getu til að verða snjallari, vitrari og hafa meiri áhrif á heiminn en nokkur fyrri kynslóða!“ ³² Af öðru tilefni sagði Nelson forseti við æskuna: „Ég ber fullkomið traust til ykkar. Ég elska ykkur og það gerir Drottinn líka. Við erum fólk hans – helguð hans heilaga verki.“ ³³ Þið unga fólk, skynjið þið það traust sem Nelson forseti ber til ykkar og hve mikilvæg þið eruð þessu starfi?

Þið foreldrar og fullorðnu leiðtogar, ég býð ykkur að sjá ungdóminn eins og Nelson forseti gerir. Um leið og unga fólkið skynjar elsku ykkar og traust, er þið hvetjið þau og kennið þeim að leiða – og víkið síðan til hliðar – munu þau vekja ykkur furðu með innsýn sinni, getu og skuldbindingu við fagnaðarerindið. ³⁴ Þau munu upplifa gleði þess að velja að starfa í og fórna sér fyrir málstað Krists. Fagnaðarerindi hans mun festa dýpri rætur í hjörtu þeirra og starfinu mun miða áfram á undraverðan hátt.

Ég lofa að þegar við einbeitum okkur að þessum reglum – samböndum, opinberunum, sjálfræði, iðrun og fórn – mun fagnaðarerindi Jesú Krists ná dýpra í hjörtu okkar allra. Við munum sjá endurreisnina miða áfram að endanlegum tilgangi sínum, endurlausn Ísraels og stofnun Síonar, ³⁵ þar sem Kristur mun ríkja sem konungur konunganna.

Ég ber þess vitni að Guð heldur áfram að gera allt sem nauðsynlegt er til að undirbúa fólk sitt fyrir þann dag. Megum við sjá hönd hans í þessu dýrðlega verki er við vinnum að því að „[koma] til Krists og [fullkomnast] í honum.“ ³⁶ Í nafni Jesú Krists, amen.