HJS, NgokukaMathewu 17:10–14. Qhathanisa noMathewu 17:11–13
UJesu ufundisa ngo-Eliyasi ababili—omunye ukuzolungiselela nomunye ukuzobuyisela.
10 UJesu waphendula futhi wathi kubo, u-Eliyasi ngempela uyokuza kuqala, futhi uyobuyisela zonke izinto, njengoba abaphrofethi bebhalile.
11 Ngiyaphinda ngithi kini u-Eliyasi usefikile, okubhalwe ngaye ukuthi, Bhekani, ngizothumela isithunywa sami, silungise indlela phambi kwami; kodwa abamazanga, futhi bakwenzile kuye, lokho abakuthandayo.
12 Kanjalo neNdodana yomuntu iyokuzwa ubuhlungu ngabo.
13 Kodwa ngithi kini, Ngubani u-Eliyasi na? Bhekani, lona ngu-Eliyasi, engamthumela ukuba azolungisa indlela phambi kwami.
14 Emva kwalokho abafundi baqonda ukuthi wayekhuluma kubo ngoJohane umBhabhadisi, futhi nangomunye oyokuza futhi abuyisele zonke izinto, njengoba kubhalwe ngabaphrofethi.