Iamwiri
Sipwe forata ew minefon sokkun napanap mi pin ach sipwe eteneki me iamwiri ekkoch.
Kinisou ngenikemi Elter Gong me Elter Soares ren ami pwarata ami ennetin nuku. Aua fokkun kinisou remi me punuwemi kewe.
Pwii me fefinei auchea, aua soun kutta emwen seni ewe Samon won ifa usun aupwe tongeni anisi noum memper ne aneasochisi annukun Kot, akkaewin ekkewe ru watten annuk ne tongei Kot me chon oruch.1
Ren ekkoch maram, aua fen kukutta ew an mi murnio ne iamwiri met mi auchea ngeni nouch kewe aramas non pekin ngun me aion non anen ewe Chon Amanau.
Aua finata ne awesi “sensen imw” me “chon amwa” usun kich mi sinei. Nge, aua forata ew anen tumunu me iamwiri ekkoch mi minafo me pin. Sipwe eita ngeni ekkei pwe “iamwiri.”
Iamwir mi murino ra tufich me ren pwisin niffangen fefinach kewe, me ren ewe manamanen ewe pristut ese wor mi nonno ngeni. Mi auchea ngeni kich ei tumun seni otupun ewe chon koum.
Elter Jeffrey R. Holland seni ewe Mwichen Engon me Ruemon Aposel, me Sister Jean B. Bingham, Presetenin Fin Anisi Unus repwe awewei ifa usun pwich kewe non ewe pristut me fefinach kewe non Fin Anisi mi wor wiser me Ekkewe Fopun repwe mwokututuk non angang me tumunun ekkewe chon ewe Mwichefen non unusen fonufan.
Ewe Aewin Presetensi me Ekkewe Engon me Ruemon ra tipew ne apungano ar porous. Sia kinisou me iotek ne suki ew minafon kinikin non uruon ewe Mwichefen, non iten Jises Kraist, amen.