Kapasen Nepoputan
Sia esinesin ussun ew ekkesiwin mi auchea non ach kewe Mwichen Pristut ren Melkisetek pwe sipwe apwonueta angangen ewe Samon.
Kinsiou, Brother Holmes, ren om afanafan mi auchea.
Ami pwi achengicheng, sia fokun pwositi Preseten Thomas S. Monson me Elter Robert D. Hales. Nge sipwe nikitu non angangen ach Samon.”1
Ngang ua fokkun kinisou ngeni emon me emon mwan mi wor rer ewe pristut mi pin. Ami an ach ewe Chon Angaseno apinukunuk, ewe a mochen “pwe iteitan mwan meinisin repwe tongeni kapas non itan Kot ewe Samon, pwan i ewe Chon Amanauen ewe fonufan.”2 A mochen pwe meinisin Noun kewe mi epinipin repwe tupuni I, repwe kapas fan Itan, pwe repwe mokutukut fan Itan, me efeiochu noun Kot kewe meinisin won unusan fonufan pwe nuku epwe napano won fonufan.”3
Ekkoch neimi mi angang ikkeweia ewe Mwichefen mi fen kauta seni nom. Ekkoch mi angang ikkeweia ewe Mwichefen mi ekkis minafo. Ekkoch, ami kana wart mi watte. Ren ekkoch, ami kana pranch mi chok kukkun o nenier mi watte me towaw. Ikamwo pwisin nonnomumi, ami meinisin pwisin chon ekkewe mwichen pristut me a wor wisemi mi pin oupwe kaeo me osukuna, oupwe tongei me anisi aramas.
Non ei pwinin sia esinesin ussun ew ekkesiwin mi auchea non ach kewe Mwichen Pristut ren Melkisetek pwe sipwe apwonueta angangen ewe Samon. Non ew me ew wart, ekkewe pris mi napanap me ekkewe elter repwene chok chufengen non ew mwichen elter. Ei ekkesiwin epwe wesen anapano pechekunan me tufichin ekkewe mwan ir mi kamwoch ewe pristut ar repwe anisi ekoch. Ena mwichen elter epwe wisan etiwa me chiechi ngeni ekkewe mi ammonata ar repwe pwan elter. Nge atetenin ena mwichen pristut epwe anongonong won ekkewe kokkon pristut iei, non ew ititin ai upwe awewei ekiseno chok.
Elter D. Todd Christofferson me Elter Ronald A. Rasband seni ewe Mwichen ekkewe Engon me Ruemon Aposel repwe ne aitikich pwan ekkoch usun ekkei ekkesiwin mi auchea.
Ekkei ekesiwin a fen wor rafen kaeo ngeni ren chommong maram. Aua mefi ew atapwanapwanen mochen ach sipwe emwirinochuono ewe anen ach eteneki nouch chon mwichefen me fori repotun ach angang ngenir. Ren ach sipwe emwirinochueno, mi namwot sipwe apechekuna ach mwichen pristut pwe sipwe emwenochu ewe angangen tong me aninnis minne ewe Samon a mochen ngeni Noun Souneng.
Ekkei ekkesiwin mi amokut me ren ewe Samon. Nupwen sia forir, sipwene nipwakochuno seni nom.
Sia fori angangen ewe Kot mi Napanap. Jises I ewe Kraist! Kich Noun chon angang mi tipetekison! Kot epwe efeiochukemi, pwii kana, nupwen sia kaeo me fori wisach, ua iotek non itan Jises Kraist, amen.