Mensahe sa Visiting Teaching
Ang Balaan nga Misyon ni Jesukristo: Ehemplo
Tun-i kini nga materyal sa mainampuong paagi ug tinguhaa nga masayud kon unsa ang ipakigbahin. Sa unsang paagi ang pagsabut sa kinabuhi ug misyon sa Manluluwas makadugang sa inyong pagtuo diha Kaniya ug makapanalangin niadtong inyong giamuma pinaagi sa visiting teaching? Alang sa dugang nga impormasyon adto sa reliefsociety.lds.org.
Hugot nga Pagtuo, Pamilya, Kahupayan
Samtang kita makasabut nga si Jesukristo mao ang atong ehemplo sa tanang mga butang, atong mapalambo ang atong tinguha sa pagsunod Kaniya. Ang mga kasulatan puno sa pag-awhag nato sa pagsunod sa mga tunob ni Kristo. Ngadto sa mga Nephite, si Kristo miingon, “Kay ang mga buhat nga kamo nakakita nga Ako mihimo kana kamo mobuhat usab” (3 Nephi 27: 21) Ngadto kang Tomas, si Jesus miingon, “Ako mao ang dalan, ug ang kamatuoran, ug ang kinabuhi: walay bisan kinsa nga makaadto sa Amahan, gawas kon pinaagi kanako” (Juan 14:6).
Karon ang atong mga lider nagpahinumdom kanato sa paghimo sa Manluluwas nga atong ehemplo. Si Linda K. Burton, Relief Society general president, miingon, “Kon ang matag usa kanato makasulat sa doktrina sa Pag-ula diha sa atong mga kasingkasing, nan magsugod kita nga mahimong matang sa katawhan nga gusto sa Ginoo kanato nga mahimo.”1
Si President Thomas S. Monson miingon, “Ang atong Ginoo ug Manluluwas, si Jesukristo, mao ang atong Ehemplo ug kalig-on.”2
Modesisyon kita nga mas magpaduol kang Jesukristo, mosunod sa Iyang mga sugo, ug maningkamot nga makabalik sa atong Langitnong Amahan.
Gikan sa mga Kasulatan
Gikan sa Atong Kasaysayan
“Dalan Niya may timaan,” misulat si Eliza R. Snow, ikaduhang kinatibuk-ang presidente sa Relief Society, kabahin sa mortal nga pangalagad ni Jesukristo.3 Siya nangalagad sa mga indibidwal—tagsa-tagsa. Iyang gitudlo nga kinahanglan natong biyaan ang nubenta y nuwebe aron pagluwas sa usa nga nawala (tan-awa sa Lucas 15:3–7). Iyang giayo ug gitudloan ang mga indibidwal, gani migahin og panahon sa kada tawo sa pundok nga 2,500 ka mga tawo (tan-awa sa 3 Nephi 11:13–15; 17:25).
Kabahin sa mga Santos sa Ulahing mga Adlaw nga kababayen-an, si President Dieter F. Uchtdorf, Ikaduhang Magtatambag sa Unang Kapangulohan, miingon: “Kamo matahum nga mga sister pag-alagad sa kapuangod sa uban sa mga hinungdan nga molabaw sa personal nga mga kaayohan. Niini inyong gisunod ang Manluluwas. … Ang Iyang mga hunahuna anaa kanunay sa pagtabang sa uban.”4
ANG PAGKABANHAW, ni harry anderson