Mga Ideya sa Family Home Evening

“Pag-andam og mga Gasa alang sa Inyong Umaabut nga Pamilya,” pahina 46: Human og basa sa artikulo ni President Eyring, ikonsiderar sa paghimo og pasundayag sa talento sa pamilya diin ang mga ginikanan ug mga bata mopakigbahin sa ilang talento. Pagkahuman, ang ginikanan mohulagway kon sa unsang paagi ang ilang mga talento nakapanalangin sa pamilya. Dayon ilang dapiton ang mga bata sa pagpakigbahin sa unsang paagi ang ilang mga talento makapanalangin sa pamilya—ug sa unsang paagi sila makapanalangin sa ilang umaabut nga mga pamilya. Ang mga ginikanan makaawhag sa ilang mga anak sa paghimo og tumong sa pagpalambo sa ilang mga talento.

“Mga Hagit sa Kasulatan sa Daang Tugon,” pahina 74: Ikonsiderar sa pagsugod og buhat sa hagit sa pagbasa sa Daang Tugon isip pamilya. Mahimo ninyong tangtangon ang koloranan nga tsart niini nga magasin o makaimprinta og kopya gikan sa liahona.lds.org sa pagtimaan sa inyong kalamboan sa pagbasa. Basaha ug hisguti ang gisugyot nga mga kasulatan isip pamilya ug ikonsiderar sa pagplano nga makompleto ang matag semana nga hagit sa pagbasa karong tuiga.