Sukad sa gamay pa ako, ang akong inahan ug amahan mitudlo kanako kabahin sa templo. Kini layo, apan ganahan ko nga moadto didto uban sa akong pamilya. Dihang na-sealed ako ngadto sa akong mga ginikanan, ako sa katapusan nakasulod—nindot kaayo. Karon kon kami moadto, ako maghulat sa gawas. Kon ako modako na, ako mohimo og akong kaugalingong mga pakigsaad sa templo.

David V., edad 6, Nicaragua

Ako nasayud nga Si Jesukristo buhi ug nga Siya nag-amuma natong tanan, ug ako nasayud nga ang Simbahan tinuod.

Osiris M., edad 6, Brazil

Gusto kong mokanta sa mga himno sa Simbahan ug moapil sa family home evening sa akong pamilya. Duna koy duha ka manghud nga ginganlan og si Jared ug Sarai, ug gimahal ko sila pag-ayo. Gusto kong motabang sa akong inahan kon siya magluto tungod kay kon modako na ko, gusto kong mahimong maayong moluto sama niya.

Ambar A., edad 9, Ecuador

Gusto ko nga motabang sa akong mama sa family home evening. Ang among pamilya gusto nga moadto sa templo aron kami magkauban sa kahangturan. Kon modako na ko, gusto ko nga moserbisyo og misyon sama sa akong mga ig-agaw. Gimahal ko ang Langitnong Amahan ug ang propeta, si President Thomas S. Monson. Ganahan ko sa kanta sa Primary “Ang Simbahan ni Jesukristo.”

Keydi P., edad 12, Honduras

Gitudloan ako sa ebanghelyo sukad sa gamay pa ko. Sa dihang otso anyos na ko, midesisyon ko nga magpabunyag. Akong gimemorya ang tanang 13 ka mga artikulo sa hugot nga pagtuo nianang espesyal nga adlaw. Sa dihang mikawas ko gikan sa tubig, mibati ko og usa ka butang nga nindot kaayo. Ang akong mama misulti nako nga kadto nga mga pagbati gikan sa Espiritu Santo. Ako nasayud nga si Joseph Smith mipahiuli sa Simbahan ni Jesukristo, nga ang Basahon ni Mormon tinuod, ug nga si Thomas S. Monson usa ka buhi nga propeta.

Abigail A., edad 8, Spain