Mga Tingog sa Kabatan-onan: Mga Panalangin sa Family History

“Ako naghunahuna nga ang family history usa lang ka laing butang nga buhatunon, apan karon akong naamguhan nga kini tinuod nga mga tawo kinsa naghulat sa daghang katuigan. Ang akong kasinatian sa templo lahi kon ako modala sa mga family name. Nagtuo ko nga kini tungod sa kakugi, panahon, ug pag-ampo sa pagpangita og usa ka ngalan. Apan ang usa ka ngalan bililhon tungod kay kana usa ka tawo kinsa nagkinahanglan nga makig-uban sa Amahan sa Langit.”—Hannah A., edad 13

“Human makita ang usa ka tawo, kamo magsugod sa pagkonektar niana nga tawo didto sa kalibutan sa espiritu. Ang pagdala sa inyong kaugalingong mga ngalan usa ka paagi sa paglig-on niini nga panagbugkos. Kini makatabang ninyo nga makasabut sa inyong mahangturon nga pamilya.—Spencer S., edad 15

“Ang pagdala sa mga family name ngadto sa templo makatabang ninyo nga makaamgo sa katinuod niini nga mga tawo. Dili lang sila mga pangalan sa piraso nga papel; sila tinuod nga mga kaigsoonan nga sama ninyo og kasaysayan—ug kabahin sa inyong kasaysayan.—Lilli N., edad 16

“Akong namatikdan ang kalainan sa akong kinabuhi. Usa kini ka pagbati sa kadasig ug panalipod.—Noah R., edad 13

“Mobati kamo sa inyong kasingkasing nga kamo kabahin sa mahinungdanon nga buhat. Ang paghatag sa inyong pamilya og kahigayunan sa pagdawat og mga panalangin sa templo mao ang pagbati nga walay sama.—Corinne C., edad 17

“Gibati nako nga mas komportable ug kalma sukad nagsugod ko sa paghimo og family history. Kon ako modala og mga family name ngadto sa templo, kini naghatag nako og dili hitupngan nga pagbati sa kalipay.—Tyler M., edad 16

“Nakapalambo kini sa akong gugma sa Manluluwas, sa Langitnong Amahan, ug sa akong mga katigulangan. Nakatabang kini nako nga mahimong mas duol sa akong direkta nga pamilya ug nakapadugang sa akong pagpamatuod sa ebanghelyo.—Alexandra H., edad 14

“Mas nagmalipayon ako—Ross S., edad 12

Sa matag pangalan, mibati ko og dili hitupngan nga pagbati sa kalinaw ug kahinam, sama nga ang tawo naghulat gayud kanako—Rhiannon B., edad 15

“Nasayud ko diin ko gikan, ug ang akong pagsalig nagkalig-on”—Eliza L., edad 13

“Dili na kaayo ko makiglalis sa amoa.”—Gehrig L., edad 12

“Mas nakasabut ko sa importansya sa mga pamilya. Gusto ko nga mas maduol sa akong pamilya dinhi sa kalibutan.—Emma L., edad 15

“Nakatabang kini nako og dugang sa pagsabut sa plano sa Dios alang nato. Mibati ko nga mas duol sa Langitnong Amahan ug sa ebanghelyo tungod kay ako mas makasabut sa mga ordinansa nga gipahigayon.—Noah C., edad 14