iTalanoa mai na iVolanikalou
Na Ranadi o Esiteri
Mai na Esiteri 2–8.
E dua na ranadi o Esiteri. E vakamautaka o koya na tui kei Pesia.
E tiko e dua na nona itokani na tui ka tamata ca. E lawakitaka na tui me bulia e dua na lawa me rawa nira vakamatei kece kina na Jiu! E sega ni kila na tui ni watina, o Esiteri, e Jiu.
E nanuma o Esiteri me taroga na watina, na tui, me vakabulai ira na nona tamata. Ia, a lomaleqataka o koya ni na rawa ni cudru o koya. E kerei ira kece na Jiu o Esiteri me lolo ka masulaki koya. Sa qai lako o Esiteri vua na tui. A sega ni cudru o koya!
E sureta na tui kei na nona itokani kina dua na vakayakavi o Esiteri. Ena gauna ni vakayakavi, sa tukuna kina o Esiteri vua na tui ni o koya na Jiu. E cudru na tui ni sa lawakitaki koya na nona itokani. Sa tukuna o koya vei ira na Jiu ni na rawa ni taqomaki ira. E veivuke o Esiteri ena nodra vakabulai na nona tamata!
E rawa nida masu me kerea na veivuke ni Tamada Vakalomalagi. E rawa nida yalodei ka yaloqaqa, me vakataki Esiteri.