E5 na Sala o Rawa ni Vuli mai na Koniferedi Raraba
Na Koniferedi raraba e dua na madigi totoka me duavata kei ira na lewe ni Lotu e vuravura raraba ka vakarogoci ira na iliuliu ni Lotu ka ciqoma na veidusimaki mai vua na Turaga. Na saravi, vakarogoci, kei na vulici ni itukutuku mai na koniferedi raraba ena kauta mai na Yalo ki na noda vula ka vukea na taraicake ni nomu ivakadinadina. E dua na madigi meda ciqoma ka cakacakataka na ivakatakila yadua.
E tiko oqo e lima na sala e rawa ni da vuli mai na koniferedi raraba.
1. Vola na nomu taro ni se bera ni tekivu na koniferedi raraba
Taura na gauna mo vola na nomu taro ni se bera ni tekivu na koniferedi, ka qai vakarogoca na isaunitaro era lako mai vei iko ena gauna ni koniferedi raraba. Na nomu masu kei na vakatataro ena rawa ni saumi ni o vakaitavi ka vakarorogo ki na Yalo.tabu
2. Vakasaqara mo vuli mai vei Karisito
iTukutuku mai na O Karisito kei na Cauravou Vutuniyau, mai vei Heinrich Hofmann.
Era vakadinadinataka ka vakavuvulitaka na iVakabula (raica na Cakacaka 10:43). Ni o vakarorogo ki na itukutuku ni koniferedi, e rawa ni o vakasamataka na veika era vakavulici iko tiko kina baleti Jisu Karisito. E rawa ni o tuva ena nomu ivola.
3. Qarauna na iulutaga ra na votu mai
iTaba mai na Getty Images; na itaba ni dua na cauravou ena delani ulunivanua mai vei Joshua Earle/Unsplash
Ni o sarava oti eso na vosa mai na koniferedi raraba, o na rawa beka ni raica ni o sa rogoca e dua na iulutaga ka sa tukuni vakavica vata. Na veiwalewale o na raica e rawa ni dua na sala e vukei iko tiko kina na Yalo mo rawa ni kila e dua na ka o gadreva mo vulica.
4. Raica matua tiko na iVola i Momani
E rawa ni o vulica e levu na ka ena nomu raica vakavinaka na veivolanikalou era vosa kina na iliuliu ni Lotu, vakabibi ki na iVola i Momani, sai koya na “ivatu vakadei ni noda lotu” (Ai Vakamacala Taumada ki na iVola i Momani). Raica kevaka ena rawa ni o wilika e basika vakavica ena koniferedi raraba. O na kurabui ena veika o kunea!
5. Mo gumatua ka vakauqeti mo cakacaka kina
Vola eso na itukutuku kei na vosa cavuti e vakauqeti iko se sureti iko mo cakacaka kina. E rawa ni vukei iko na veika oqo mo bulataka na veika o vulica—ka qai vukei iko mo nanuma na nomu vakasama ena gauna oya ena dua tale na gauna e muri ni o gadreva mo vakananumi kina!