Saahas ke saath Parmeshwar ke Singhaasan ki or Badna

Ek(1) se le ke das(10) ke beech, aap Parmeshwar ke saamne apne dhaarmik saahas ki tulna kaise karoge? Kya aapke paas ek niji gawahi hai ki aapka vartamaan ka bhent ek Antim-din Sant ke mein paryaapt hai anant jiwan paane ke liye? Kya aap maante hai ki Swarg ke Pita aapse prasann hai? Kya baate mann mein aaenge agar abhi se ek minat mein Uddhaarkarta ke saath aapka niji vaartalaabh ho jaaye? Kya paap, niraashaaen, aur galtiyaan tumhare apne aap ki drishti mein hai, ya phir aap khushi se intazaar karenge? Kya aap Unke aankhon mein dekhoge ya Unse nazre churaaoge? Kya aap darwaaze par khade rahoge ya Unki or badoge?

Jab bhi shatru tumhare jaise apurn magar parishrami Santon ko tumhare apne aur prem se bhare Parmeshwar mein vishwaas se alag nahin kar sakta, tab woh ek dusht chaal chalta hai taaki tumhare aur Parmeshwar ke beech dooriya paeda ho jaaye. Shatru jaanta hai ki Maseeh mein vishwaas—woh vishwaas jo lagataar komal daya aur prabhaoshaali chamatkaar utpann karta rehta hai—ek niji saahas ki tarah hai ki tum sahi chunne ki koshish kar rahe ho. Is kaaran woh tumhare mein tumhe jhut batlaaega —woh jhut jisse Swarg ke Pita tumse niraash ho jaaye, ki tum Praeshchit ke ashirvaadon ke laayak nahin ho, ki koshish karne mein koi faaeda nahin, ki sabhi log tumse behtar hai, ki tum ayogye ho, aur ek hazaar usi tarah ke baatein.

Jab tak tum in awaazon ko mauka doge tumhare aatma ko dhire dhire nasht karne mein, tum sachchi saahas se Parmeshwar ke singhaasan ki or nahin badoge. Tum jo bhi karoge, jis kisi bhi cheez ke liye prarthna karoge, jo bhi chamatkaar ki aashaaen hongi, wahan hamesha paryaapt aatma-shanka hoga tumhare vishwaas ko kam karne ke liye—Parmeshwar mein tumhare vishwaas ko hi nahin, parantu tumhare saahas khud mein bhi ho. Susamachaar ko is tarah se jine mein koi maza nahin hai, aur na to yeh bahut swasthpurn hai. Sabse zaroori, yeh to ekdam anavashyak hai! Badalne ka nirnay tumhara hai—aur sirf tumhara hai.

Mai cheh upyogi sujhaao baatna chahata hoon jiska, agar paalan kiya jaaye, to saare bure aawaaz gum ho jaaenge aur tumhe phirse woh shantipurn ashwaasan aur dhaarmik saahas milega jo agar tum chaaho to paa sakte ho. Ek (1) se-le- kar- das (10) ke beech ki jo bhi tulna tum ne apne liye ki thi, ab Ishu Maseeh ke Praeshchit ko apnaane se, tum ek baar phir apne dhaarmik saahas ko aaj bada sakte ho agar tum sunne aur amal mein laane ki ichcha rakhte ho. Mai nidarta purwak bolunga, is aasha ke saath ki sudhaar aa sake na ki bura lage.

1. Apne dhaarmik sukh ki zimmedaari lijiye. Anye logon ya apne paristhitiyon ko dosh dena band karo, safaai dena band kijiye, aur vajah nikaalna ki aap kyun aagyaakaari nahin ban paa rahein hai band kijiye. Maano ki tum “shareer se swatantra ho” aur “swatantra ho swatantrata aur anant jiwan chunne ke liye” (2 Nephi 2:27). Prabhu tumhare paristhitiyon ko bhali bhati jaanta hai, magar Woh yeh bhi jaanta hai ki chunn lete ho ki susuamachaar ko purn rup se na jiya jaae. Agar yeh baat hai, to utna imaandaar raho ki tum woh keh sako, aur apne hi paristhitiyon ke andar tum nipunn hone ki koshish karo. Dhaarmik saahas badta hai jab tum apne dhaarmik sukh zimmedaari lete ho Ishu Maseeh ka Praeshchit har din apnaane se.

2. Apne shaaririk sukh ki zimmedaari lijiye. Tum shareer aur aatma ke bane ho (dekhiye D&C 88:15). Apne aatma ka poshan karna aur shareer ko thukraana, jo ki ek mandir hai, aksar aatmik takraao aur aatma sammaan ko utpann karega. Agar tum mote ya patle ho, agar tum apne shareer se na khush ho aur uske baare mein kuch kar sakte ho, to kijiye! Elder Russell  M. Nelson ne sikhlaya ki hamein ”apne shareer ko ek mandir ke tarah sawaarna chahiye” aur hamein ”apne khaane peene par dhyaan dena aur paryaapt kasrat karna chahiye”(“We Are Children of God,”Ensign, Nov. 1998, 87; Liahona, Jan. 1999, 103).

Pradhaan Boyd K. packer ne sikhlaya ”ki hamare aatma aur shareer is tarah se jude hai ki hamara shareer hamare mann ka hatiyaar ban jaata hai aur hamare charitra ka buniyaad”(“The (“The Instrument of Your Mind and the Foundation of Your Character” [Church Educational System fireside, Feb. 2, 2003], 2; speeches.byu.edu). Isliye, samajhdaari barte aap apne khaane par aur khaaskar apne khaane ki maatra par aur yeh jaane ki apka shareer kitna kasrat seh sakta hai. Agar aap shaaririk rup se tandurust hai, aaj nirnay kijiye ki aap apne shareer ko sambhaalenge aur ek sahi, lambe-samay ka kasrat yojna banaye aur ek swasth bhojan yojna bhi banaye, apni chamtaaon ko dhyaan mein rakh kar. Dhaarmik saahas badh jaata hai jab tumhara aatma, Uddhaarkarta ke madad se, puri tarah se zimmedaar ho jaata hai tumhare swabhaawik prakriti ke purush ya mahila ke.

3. Aagyakaarita ko apne jiwan ka bhaag banaye use pure hriday se apna kar. Yeh maane ki tum Parmeshwar se nahin prem kar sakte bina Unke aagyaaon ko bhi pyaar karke. Uddhaarkarta ka star saaf aur aasaan hai: “Yadi tum mujhse prem rakhte ho, to meri aagyaaon ko maanoge” (John 14:15). Thoda aagyaakarita thode hi ashirvaad laata hai, aur kuch bura chunna bajae kuch bahut bura ke phir bhi galat chunaao kaha jaata hai. Tum ek buri film nahi dekhkar shudh nahin mehsoos kar sakoge kyunki tumne ek bahut buri film nahin dekhi. Kuch aagyaaon ko achchi tarah nibhaane se anye aagyaaon ka thukraana maaf nahin kiya jaata. Abraham Lincoln ne sahi kaha: “Jab mai achcha karta hoon mai achcha mehsoos karta hoon, jab mai bura karta hoon mai bura mehsoos karta hoon” (in William H. Herndon and Jesse William Weik, Herndon’s Lincoln: The True Story of a Great Life, 3 vols. [1889], 3:439).

Iske saath saath, sahi cheezein karein sahi vajahon ke liye. Prabhu, jo “jo ek hriday aur ek ichchapurn mann chahata hai” (D&C 64:34) aur jo “dil ke baaton ko jaanta aur samajhta hai” (D&C 33:1), jaanta hai kyun tum girjaghar jaate ho—kya tum sirf wahan shareer mein hote ho ya sach much araadhna kar rahe ho. Tum Raviwaar ko “O Babylon, O Babylon, [I] bid thee farewell” gaaoge aur phir kuch chanon baad uska anand le sakoge (“Ye Elders of Israel,” Hymns, no. 319). Yaad rakho ki dhaarmik cheezon ko halke se lene se khushi nahin praapt hoti hai. Girjaghar aur punahsthaapit susamachaar ko apna pura jiwan banaao, na sirf apne baahari ya dikhaawe ka jiwan. Aaj chunna ki tum kiski sewa karoge sirf kehne ki baat hai—jabtak tum usi tarah se jeene na lago (dekhiye Joshua 24:15). Dhaarmik saahas badta hai jab tum sach mein koshish karoge, sahi vajah ke liye, ek samarpit jiwan jeene ke liye tumhare sabhi kamzoriyon ko lekar!

4. Ekdam nipunn ho jaao achchi tarah aur jald se pashchataap karne mein. Kyunki Ishu Maseeh ka Praeshchit tatkaal hota hai, tumhe chaubiso ghante use karte rehna hai, kyunki uske ashirvaad kabhi khatm nahin hote. Ishu Maseeh ke Praeshchit aur pashchataap ko ayse apnaao jaise Mahaan Daactar(Ishu Maseeh) ke aadesh par har din tum dawaaiya lete ho. Aadat daal lo lagataar, khushi se, anand ke saath pashchataap karne ka taaki yeh tumhare jiwan guzaarne ka chunaao ban jaaye. Aysa karne mein, dhyaan dein ki tum samay na barbaad karo, aur auron ka intazaar na karo tumhe aashwaasan dene ke liye. Apna dhyaan Uddhaarkarta par tikaa kar, yeh parwaah karein ki Woh tumhare baare mein kya sochta hai, aur parinaam aane do.Dhaarmik saahas badhti hai jab tum swanye ichcha aur anandit hokar apne chote aur bade, paapon ka pashchataap karte hai, jis samay woh hota hai Ishu Maseeh ke Praeshchit ko apnaane se.

5. Maaf karne mein ekdam chatur ho jaao. “Mai, Prabhu, unhein maaf karunga jise mai chaahun, magar tumhare liye zaroori hai sabhi manushye ko maaf karna” (D&C 64:10). Har ek insaan, har cheez ko, har samay, maaf karna ya koshish karna, taaki tumhare jiwan mein maafi aaye. Dushmani na rakhe, aasaani se bura na maan lein, jald se maaf karein aur bhul jaayein, aur kabhi nahin sochein ki tumhe yeh aagya nahin maanna hai. Dhaarmik saahas badta hai jab tum jaante ho ki Prabhu jaanta hai ki tumhe kisi aur insaan se dushmani nahin hai.

6.Kathinaaiyon, rukaawaton, aur “achambhon” ko apne maransheel anubhav ka ek bhaag samjhein. Yaad rakhiye ki tum yahan sahi aur nipunn tay hone ke liye aaye ho, “yeh dekhne ke liye ki [tum] woh sab karoge jo Prabhu [tumhare] Parmeshwar [tumhe] batlaayega” (Abraham 3:25)—aur mai yeh bhi kahun, “chaahe jo bhi paristhiti ho.” Tumhare kayi milyan bhaai aur bahanein pariksha le chuke hai ya usse guzar rahe hai, to tumhe kyun baksha jaaega? Kuch musibatein tumhare apne unaagyaakaarita ya laaparwaahi ka natija hote hai. Anye musibatein aati hai kyunki koi aur laaparwaah reh chuka hai ya is kaaran kyunki yeh duniya pehle se hi buri hai. Jab yeh musibatein aati hai, shatru ke chelein yeh batlaane lagte hai ki tumne kuch galat kiya hai, ki yeh ek saza hai, ek chinnh ki Swarg ke Pita tumse prem nahin karte. Ise nazarandaaz kar dein! Balki, ek muskaan laaye, swarg ki or dekhein, aur kahe, “Prabhu, mai samajhta hoon. Mai jaanta hoon yeh kya hai. Woh samay jab mai khud ko tumhare laayak banaau, hai na?” Phir Unke saath milkar ant tak jhelein. Dhaarmik saahas badta hai jab tum yeh maan lo ki “aksar musibaton aur kashton ko [tumhare jiwan] mein aane diya jaata hai kyunki [tum] kuch sahi kar rahe ho” (Glenn L. Pace, “Crying with the Saints” [Brigham Young University devotional, Dec. 13, 1987], 2; speeches.byu.edu).

Jab mai Ukraine Kyiv Mission ka adhyaksh kar raha tha, maine apne ek sabse vishwaasi bahanon se pucha ki kyun woh khud ke liye itni sakht rehti hai, kyun woh khud ko chote chote galtiyon par sudhaarti thi. Uska jawaab ek ayse vyakti ki tarah tha jo hamesha galat aawaaz ko sunta hai, usne kaha, “Isliye koi mere jaisa nahin hai.”

Bhaaiyon aur bahanon, mera jo salaah tha is bahan prachaarak ke liye wahi tumhare liye bhi hai: apne kamzoriyon ko swikaar karo, par unke kaaran koshish karna mat chodo, un mein se kuch tumhare saathi bane rahenge jab tak tum yeh jiwan na chod do. Chaahe jo bhi tumhare abhi ka stithi ho, jab bhi tum imaandaar, khushaal, daenik pashchataap ko apnaaoge sabse behtar bankar, Uddhaarkarta ka Praeshchit tumpar samet lega aur tumhare saath chalega, khud hi, jaha kahi bhi tum jaaoge. Is tarah se jeene se, tum sach mein “sadeo apne paapo ki chama praapt karoge” (Mosiah 4:12) har din ke har ghante, har minat ke har ek chan, aur is tarah puri tarah saaf aur Parmeshwar ke saamne laayak hamesha rahoge.

Yeh tumhara saobhaagye hai, agar tum chaaho, ki khud ke liye jaano, aaj ya jald hi, ki tum apne kamzoriyon ke sahit Parmeshwar ko khush rakh paa rahe ho. Mai ek premi Uddhaarkarta ki gawahi deta hoon jo chahata hai ki hum aagyaakari ho. Mai ek premi Uddhaarkarta ki gawahi deta hoon jo utsuk hai Apne anugrah aur daya ko humpar undelne ke liye. Mai ek premi Uddhaarkarta ki gawahi deta hoon jo anand manata hai jab hum Unke Praeshchit ko har din shaant aur khush aashwaasan ke saath istemaal karte hai aur hum sahi disha mein jaa rahe hai. Mai ek premi Uddhaarkarta ki gawahi deta hoon jo utsuk hai ki tumhara “saahas Parmeshwar ki upasthiti mein mazboot [ho] jaaye” (D&C 121:45).Ishu Maseeh ke naam se, amen.