Ana Ribooti te Oteta n Tararua ibukin te Ekaretia, 2015
Nakon te Moan Beretitentii n Ana Ekaretia Iesu Kristo ibukiia Aika Itiaki ni Boong aika Kaitira
Nakoia Taari: N aron ae e baireaki n te kaotioti ni mwakoro 120 n te Doctrine ao Covenants, te Kauntira iaon Karaoan te Kabwianibwai—e kaainaki irouia kaain te Moan Beretitentii, te Kooram n Abotoro n te Tengaun ma Uoman, ao te Bitiobiriki n Tararua—a kaira ana kabane mwane te Ekaretia. Ana rabwata te Ekaretia e tibwatibwai mwane ni kaeti ma kataumwane aika a kariaiakaki, tuua, ao aron kabonganakiia.
Te Oteta n Tararua ibukin te Ekaretia, are e kaainaki irouia ake a beebwa ao a inaomata n tararuan ana tabo ni mwakuri nako te Ekaretia, iai tabeia ni karaoi oteta ibukin katauraoan baika iai bukiia ni kaeti ma angamwane aika a roko, kabane mwane ake a karaoaki, ao kamanoan ana bwai te Ekaretia.
Iaon karaoan te oteta, te Oteta n Tararua ibukin te Ekaretia n ana botoniango bwa, inanon bwaai ni kabane aika a karineaki, angamwane ake a roko, kabane mwane ake a karaoaki, ao ana bwai te Ekaretia ibukin te ririki 2015 a tauaki mwiia ao a karaoaki ni kaeti ma ana kataumwane te Ekaretia aika a kariaiakaki, tuua, ao waakin te akaunti, Te Ekaretia e tou mwiin mwakuri are e reiakiniia iai ana aomata ni maiu ma te kataumwane, n totokoa te tarau, ao te karin mane n tatauraoi ibukin te kainnano.
E Uotakirake ma te karineaki,
Oteta n Tararua ibukin te Ekaretia
Kevin R. Jergensen
Tarekita n Tararua