Te Kabira ni Kamaiu ni Kabwaran Buure

Bwaai ni kabane ake a nako mairoun te Atua a raonaki ma te tangira, te ota, ao te koaua. Ngaia ae ngkai ngaira aomata ti maeka n te aonaaba ae bwabwaka, n tabetai e onrake n te rootongitong ao te nanououa. Ti na aki kubanako bwa kairua ana riki, te aki motiraoi a na riki, ao ana riki buure. N tokina, akea te tamnei ae maiu ae na aki kona, n te tai teuana ke teuana, n rootaki man ana aki taratara raoi temanna, ana mwakuri aika kammaraki, ke riki ni katei aika bure. Anne te bwai teuana ae iai iroura ni kabane.

Te kakaitau nakon, te Atua, n Ana tangira ao ana akoi ibukiia Natina, e a tia ni katauraoa te kawai ni buokiira ni borauakin kangaanga n te maiu aei. E a tia ni katauraoa te kamaiuaki ibukiia ni kabane aika a rootaki man aia mwakuri tabeman aika aki raoiroi. E a tia n reireiniira bwa ti kona ni kabwarabure! E ngae ngke ti kona ni kairua teuana te tai, ti aki riai n rootaki te kauoua n tai ni uoti rawawatan te kairiribai, te un, te maraki, te kairiribai, ke te kabomwii ni karekekai. Ti kona ni kabwara bure, ao ti kona n inaomata!

N ririki aika mwaiti n nako, ngke I karaoa te oo, e rinnako te mwakoro n tirewa ae uarereke i tabonibaiu. I kataia teutana ni kanakoa te tirewa ao n au iango e a tia n nako, ma ni koauana e tuai. Ngke e a waaki nako te tai, te kun e rikirake iaon te tirewa, ni karika te bia iaon tabonibaiu. E katabetabe ao n tabetai e kammaraki.

N ririki ake imwiina I iangoia bwa N nang karaoa te mwakuri. Te bwai ae I karaoia I kabira baiu are e bia n te bwaa ao I kabaea ma te baenteti. I teimatoa ni karaoa te mwakuri aei. Ko na aki kakoaua n te bong are teuana, ngke I kanakoa te baenteti, te mwakoro n tirewa e a nako mai tabonibaiu.

E a tia te bwaa ni kamarauraua te kun ao ni karika buan te tirewa are e karika te maraki inanon ririki aika mwaiti. N te tai are e nako iai te mwakoro n tirewa, e waekoa n toki te maraki, ao ni karokoa te bong aei, akea te ikuaki.

Ni te kawai naba anne, te nano ae aki kona ni kabwarai buure e taui maraki aika akea uaaia. Ngkana ti kabongana ana bwaa ni kamaiu Ana Mwakuri ni Kamaiu te Tia Kamaiu, E na kabebetei nanora ao ni buokiira bwa ti na bita. E kona ni kamaiua te aomata ae e ikoaki (taraa Iakobwa 2:8).

E anaaki nanou bwa angiia mai ibuakora a tangiria ni kabwarabure, ma ti kunea bwa e matoatoa karaoana. Ngke ti a tia n rinanon te aki motiraoi, ti kona ni waekoa ni kangai, “Te aomata anne e aki bure. A tangira te katuaeaki. Tera te motiraoi?” Ti kairua n iangoia bwa ngkana ti kabwarabure, ao e na aki boutokaaki te motiraoi ao te katuaa e na totokoaki.

Bon tiaki aio arona. E na anganiia aomata ni kabane te Atua te tua, bukina bwa e aki kona te tangira ni ira te momotiraoi (taraa Aramwa 42:25). E kakoaua te Atua nakoim ao nakoiu ma te tangira ni katikui motiraoi nako Ina, motiraoi bon Ana bwai ao E na kaboou mwiia. Ti riai ni kariaia te rau bwa e na mena iroura. (taraa D&C 82:23).Te burabeti ae Iakobwa n ana Boki Moomon e berita bwa te Atua “e na kabebeteko inanon am tai n rawawata, ao e na tei ibukim, ao e na katuaeia akana a kataia n tiringko.”(Iakobwa 3:1).

Ngke taan rootaki ngaira, ngkana ti kakaonimaki, ti kona ni karekea te rau ae korakora ae e na kabomwi iai nakoira n te aki motiraoi aika ti rinanoi. E taku Unimwaane Joseph B. Wirthlin: “E kabomwi nakoia aika kakaonimaki te Uea ibukiia aika a tia ni mate. … Rannimata ni kabane n tokina ana bane ni kaokaki tebubua te tai korakoraia ma rannimata ni kimwareirei ao ni kakaitau.”¹

Ngkai ti kekeiaki ni kabwarai aia bure tabeman, ti na kataia n uringnga naba are ti bane n rikirake n te maiu n tamnei, ma ti bane ni kakaokoro n arora. Ngkai e bebete ataakin bitaki ao rikiraken rabwatara, e kangaanga nooran te rikirake n tamneira.

Teuana te bwai ae kakaawaki ni kabwaraan aia bure tabeman bon aron taraakiia iroun te Atua. N taai tabetai, e kona te Atua ni kariaira n noora ao n ata nanon, rabwatan, ao tamnein te aomata temanna are e a tia ni kauniira. Te taratara aei e kona ni karika tangiran te aomata anne.

Ti reireinaki man booki aika tabu bwa e kororaoi ana tangira te Atua ibukiia natina. E atai aia konabwai ibukin te raoiroi, n aki tabe ma taai aika nako. Man rongorongo ni kabane, akea ana kairiribai ae e unun man matoatoa riki nakon Tauri ae te I-Tareto ae iriira Iesu Kristo. E ngae anne n te tai are e kaota iai te ota ao te koaua nakon Tauro, akea riki ana reirei te Tia Kamaiu ae korakora ana tangira, ao nanona, ke aki mamakuna, nakon Tauro n riki bwa te Abotoro te Tia Kamaiu. Bauro e a riki bwa te Abotoro. Maiuna e anga bwa te banna ni katooto ae tamaroa n aron te Atua n nooria aomata n aroia ae ngkai ma ae a na kona n riki nako iai. Ti bane ni karekea, inanon maiura, aekakin nanon Tauro n tatabemaniia nako ma ana-konabwai Bauro. Ko kona n iangoia bwa ana kanga ara utu, kaain ara kaawa, ao te aonaaba ni kabuta ni kona ni bitaki ngkana ti bane ni kataia n taraira n tatabemaniira n aron tarakiira iroun te Atua?

N angiin te tai ti taraa te tia bure n aron taraakin te maunga n aiti—ti noora ti te mwakorona ni beibeti iaon te ran ao tiaki aana. Ti aki atai bwaai aika a riki ni maiun te aomata. Ti aki atai rongorongoia; ti aki atai aia kanganga; ti aki atai maraki aika uouoti. Tariu ao mwaneu, kona tai aki ota. Te kabwarabure tiaki tarariaoana. Ti aki butimwaai kabwarabwaraan katei aika buakaka ke ni kariaia tabeman bwa a na kateibuaka nakoira ibukin aia kangaanga, marakiia, ke mamaraia. Ma ti kona ni karekei atatai aika korakora ao te rau ngkana ti taraia man te taratara ae rababa riki.

Ni koauana naake a aki rangin n tau n tamneia a na kona ni karaoi kairua aika matoatoa—ngaia ae akea mai ibuakora ae riai ni kabwarabwaraaki ti man te bwai ae rang buakaka ae Ti a tia ni kakaraoia. Te Atua bon te tia moti ae kororaoi. E noori ake iaan taari. E ataia ni kabane ao e nooria ni kabane (taraa 2 Nibwaai 2:24). E a tia n taekinna, Te Uea e na kabwarai aia bure akana e na kabwarai, ma ti kantaningaaki bwa ti na kabwarai aia bure aomata nako (taraa D&C 64:10).

Kristo ae bon Ngaia, ngke e moti buakaaki taekana, ao I mwiina e katikaki n aki akaka, e oreaki, ao ni katukaki bwa e na korakai iaon te kaibangaki, n te tai anne e taku, “Tamau, ko na kabara aia bure; ba aki ata ae a karaoia” (Ruka 23:34).

N ara taratara ae uarereke, ti kona n tabetai ni kakai un ibukiia tabeman aika aki karaoia ke n iango n arora. Ti kona ni karaoi katei aika aki riai aika a boboto iaon bwaai aika karioaki n aron boutokaan tiim n takakaro n te kaitara, karaoi iango n tautaeka aika a kaokoro, ke karekean koaua n aro aika kakaokoro.

Beretitenti Russell M. Nelson e anga reirei aika wanawana ngke e kangai, “Taai n ongora nakoia aro aika a kaokoro ke aro n tautaeka a kona ni karikirakei butimwaean aroaro ao n reirei.”²

E taekinaki n Ana Boki Moomon bwa “kaain te ekaretia a moanna n rikirake ni kainikatonga, ao … ni moanna ni kairiribai imarenaia, ao … a waaki ni bwainikiriniia ake aki kakoauaia n aron oin nanoia ma kukureia” (Aramwa 4:8).Ti na uringnga bwa e aki taraa karan te karinano n takakaro ke te bwatei n tautaeka ke ana reitaki temanna n te aro. Irarikina, n aron are e taekinna Amon, “[Te Atua] e taratara nako naano iaoia natia aomata; ao e atai ni kabane ana iango ma ana kantaninga te nano” (Aramwa 18:32). Tariu ao mwaneu, n te kabo n te maiu, ngkana ti tokanikai, ti na tokanikai ma te tangira. Ngkana ti konaki, ti na konaki ma te tangira. Bukina bwa ngkana ti maiu ma te tangira nakoia raora, e na riki te tangira bwa kaniwangara n te kabanea ni bong.

Ti tebo ma ngkai ngaira bon taan rootaki man kairuaia tabeman n te tai teuana ke teuana, ti riki naba n tabetai bwa taan urui tuua. Ti bane ni kairua ao ni kainnanoa te akoaki, te nanoangaaki, ao kabwaraan ara bure. Ti riai n uringnga bwa kabwaraan ara bure ao ara kairua a boboto iaon kabwaraan aia bure tabeman. E taku te Tia Kamaiu:

“Ba ngkana kam kabara aia bure aomata mai rouia, ao E a kabara naba am bure Tamami are i Karawa:

“Ma ngkana kam aki kabara aia bure aomata mai rouia, ao E aki kabara naba ami bure Tamami” (Mataio 6:14–15).

Man bwaai ni kabane ake e kona te Tia Kamaiu n taekin n ana Tataro te Uea, are e rangin ni uarereke, e kakaongora bwa E rineia ni karina “Ao kabwarai aia bure ngkai ti kabwarai aia bure a kana a bure nakoira” (Mataio 6:12; 3 Nibwaai 13:11).

Te kabwarabure boni ngaia bukin kanakoan Natina, ngaia ae tina kimwareirei n Ana anga karea ni kamaiura. Ana Mwakuri ni Kamaiu te Tia Kamaiu tiaki ti ibukiia aika a kainanoa te rairanano, bon ibukiia naba ake a kainanoia ni kani kabwarai buure. Ngkana iai am kangaanga ni kabwara ana bure temanna te aomata, tuanga te Atua bwa e na buokiko. Te kakabwarabure bon te reirei ni kamaiu ae mimotong. Ti aki kainanoia bwa ti na rootaki uoua te tai. Ti kona ni kabwara bure.

I kakoaua ana tangira te Atua ae teimatoa ao ana taotaonaki n nano ibukiia Natina ao n Nanona ae ti na tangiriira bon iroura n arona ae E tangiriira (taraa Ioane 15:9, 12). Ngkana ti karaoia, ti na kanakoa rotongitongin te aonaaba aei ni kimwareirei ao ni karinea Abanueana i karawa. Ti na kainaomataaki. N aran Iesu Kristo, amen.