Jet Kōrā ro
Kōrā rein rej kalimjōk Rilo̧mo̧o̧r Jisōs Kraist im wōr kōjatdikdik kōn kallim̧ur eo an en̄taan in Pinmuur eo An.
Kōrā ro rejitōbōro, ewi jon̄an am iakwe im kam̧m̧oolol kom̧ kōn bōro jouj im itoklimo ilo uwaake kūr eo an Būreejtōnji eo Kein Kajuon im ilo jerbal eo an #IWasAStranger. Jouj im jar wōt, ron̄jake unojdikdik ko an Jetōb, im jerbali im̧we ko kom̧ij būki.
Men̄e ij ito itak ijin wōt ak aolepān laļ in, ejjab kāāl n̄an an juon kajjitōk, “Kwōj keememej ke n̄a?” Kōnke ikanooj in jab wāppen, ij aikuj kwaļo̧k bwe emakijkij aō jab maron̄ keememej āt ko. Ijowōt ke, ij keememej iakwe eo ekanooj m̧ool an Jemād Ilan̄ eaar kōtļo̧k bwe in en̄jake ilo aō ioon leddik im ļaddik ro raorōk Nejin.
Jem̧aanļo̧k eaar wōr aō iien em̧m̧an n̄an loļo̧k jet kōrā rejitōnbōro ro me raar pād ilo kalbuuj. Ke kōm̧ kar ba bar iakwe ko am rem̧wilaļ, juon kōrā eo em̧m̧an eaar akweļap, “Sister Burton, jouj im jab meļo̧kļo̧k kōm.” Ij kōjatdikdik liin im ro jet raar kōņaan bwe ren keememej er renaaj en̄jake bwe iaar jab meļo̧kļo̧k er ilo aō kwaļo̧k jet iaan ļōmņak ko aō ippāmi.
Jet kōrā ro ilo Tōre eo an Rilo̧mo̧o̧r: Kalimjōk wōt Rilo̧mo̧o̧r Jisōs Kraist
Kōrā ro jeid im jatid ilo aolep tōre ko kar kwaļo̧k jon̄an an tiljek eo an rikaļoor bwe jān barāinwōt kajieon̄e. “Kallim̧ur Ekāāl epād ie bwebwenato ko kōn [jet] kōrā ro relukkuun jeļā kōn pedped ko, kwaļo̧k im jab kwaļo̧k etaer, ro raar kōjerbal tōmak ilo Jisōs Kraist [im ilo Pinmuur eo An], kar katak im mour kōn katak ko An, im kam̧ool kōn jerbal eo An, kabwilōn̄lōn̄ ko, im wōj. Kōrā rein raar erom waanjon̄ak in rikaļoor ro im kam̧ool ko raorōk ilo jerbal in lo̧mo̧o̧r.”1
Ļōmņak kōn bwebwenato kein ilo bok in Luk. M̧oktata, ilo iien jerbal in kwaļo̧k eo an Rilo̧mo̧o̧r eo:
“Im jab e to tokālik … ke [Jisōs] ej ilo̧k ilo jikin kweilo̧k otemjej re ļap im re dik, kwaļo̧k im kōnono gospel an aelōn̄ in Anij: Im jon̄oul im ruo ippān,
“Im jet kōrā ro, … Meri āt eo juon Magdlaini, … im Joanna … , im Susanna, im bar elōn̄, ro rej jerbal n̄an e.”2
Eo tok juon, ālkin Jerkakpeje eo An:
“Im jet kōrā ro … ro raar pād ilo lōb eo ke e jibbon̄;
“… Ke raar jab lo ubōn, rej itok, im ba, raar … lo juon visiōn an enjeļ ro, raar ba ej mour.”3
Iaar riiti im bar etali paotok ko an “jet kōrā ro,” elōn̄ alen ko m̧oktaļo̧k, bōtaab ej kab kiiō epaak ke iaar kanooj kejōkļo̧kjeņ kōn kadkad eo an kōrā ro ba kake er ie. Ļōmņak kōn meļeļe kein kōn juon meļeļe in naan eo jet āinwōt an ekkejel n̄an tiljek, jet kōrā ro: “reel,” em̧m̧an,” “ketak,” “lōke,” “dim,” “pen,” “jeļā,” im “kōjatdikdik.”4
Ilo aō kar kejōkļo̧kjeņ kōn naan kein rekajoor, iaar keememej ruo iaan jet kōrā rein ilo Kallim̧ur Ekāal me raar kwaļo̧k em̧m̧an, lōke, pen, kūjin̄en̄e ilo naan in kam̧ool ko kōn Rilo̧mo̧o̧r eo. Kōn er, āinwōt kōj, raar kōrā ro raar jab weppān, kam̧ool eo aer ej im̧we.
Keememej kōrā eo ejjab waļo̧k etan ilo aibōj laļ eo eo eaar kūr ro jet n̄an itok im lale ta eo eaar katak kōn Rilo̧mo̧o̧r eo? Liin eaar kwaļo̧k jet kam̧o̧ol eo an ilo jekjek in kajjitōk: “E in ri Kraist ke?”5 Naan in kam̧ool im kūr eo an raar kanooj kajoor jon̄an “elōn̄ … rej tōmak e.”6
Ālkin mej eo an ļeo jatin, Lazarus, Matha, eo rikaļooran im m̧ōttan Irooj, eaar kwaļo̧k kōn ta eo me aikuj in kar en̄jake em̧wilaļ, “Irooj, eļan̄n̄e kwaar pād ijin, jeiō im jatū m̧aan e jāmin kar mej.” Ļōmņak kōn dim eo an ke liin eaaar wōnm̧aanļo̧k wōt, “Im Ijeļā, bwe kiiō, jabdewōt men eo Kwō naaj kajjitōk ippān Anij, Enaaj lewōj n̄an eok.” Eaar etal wōt in kam̧ool, “Iar tōmak bwe kwe ri Kraist, Nejin Anij, eo ej itok n̄an laļ.”7
Jej katak jān kōrā rein me rej jet kōrā raar kalimjōk Rilo̧mo̧o̧r Jisōs Kraist im wōr kōjatdikdik kōn kallim̧ur eo an en̄taan in pinmuur eo An.
Jet Kōrā ro raar Kōjparok-Bujen eo aer ilo tōreen Jepļaaktok eo: Mōņōņō in Kaarmejete
Etto, jet kōrā ro raar kaarmejete ke raar kam̧ool im mour kōn katak ko an Jisōs. jet kōrā ro ilo raan ko im̧aan an Jepļaaktok eo raar kōm̧m̧ane ejja āinwōt. Drusilla Hendricks im baam̧le eo an raar pād ilubwilijin ro me, āinwōt rioktak ro rekāāl, kar en̄taan ilo tōre in kakkure eo an Armej ro Rekwojarjar ilo Clay County, Missouri. Ļeo pāleen eaar mej rājet in armej ippān ilo tōre in Pata eo an Crooked River. Kar kōm̧m̧an bwe en kaoik e barāinwōt kake n̄an baamle eo.
“Ilo baj juon iien eo ekanooj in apan̄, ke baam̧le eo eaar maat kijier, liin eaar keememej bwe juon ainikien eaar ba n̄an e, ‘Kōttar wōt, Irooj enaaj kake.’”
Ke ļaddik eo nejin kar aikuji n̄an baļintier n̄an Mormon Battalion eo, ilo jinoin Drusilla eaar jum̧ae im inepata ilo ļōmņak ke eaar jar n̄an Irooj m̧ae iien “eaar juon ainikein eaar ba n̄an e, ‘Kwojjab kōņaan aiboojoj eo ilōn̄ tata ke?’ Aaet eaar uwaak, ‘Aaet,’ im ainikien eo ekar wōnm̧aanļo̧k wōt, ‘Ekōjkan am̧ ļōmņak n̄an bōke ijello̧kin wōt kōm̧m̧ani kaarmejete ko reļļap tata?’”8
Jej katak jān jet kōrā bwe kōjparok bujen ej aikuji kōņaan eo ad n̄an kaarmejete.
Jet Kōrā ro Rainin: Keememej im M̧aanjappopo n̄an Keememej An Jepļaaktok
Iaar kwaļo̧k jet kōrā ro ilo raan ko an Rilo̧mo̧o̧r eo im ilo raan ko im̧aan an Jepļaaktok eo an gospel eo, ak waanjon̄ak ko an rikaļool im naan in kam̧ool ko an jet kōrā ro ilo tōre in ad?
Ilo juon aō ijjitōn̄ ejjab to n̄an Asia, iaar juon alen im̧we jān elōn̄ jet kōrā ro iaar ioon er. Iaar ļo̧kjeņaō eļaptata kōn epepen-eo m̧oktata an membōr ro ilo India, Malaysia, im Indonesia, ro rej kajjieon̄ mour kōn m̧antin gospel eo ilo kapjuknen ko aer make, jet iien ilo kaarmejete eļap, āinwōt an mour kōn gospel eo jet iien oktak jān m̧anit ko an baam̧le im laļ eo aer. Bōjin in epepen in Jet kōrā ro ilo Hong Kong im Taiwan baam̧le ko aer em̧ōj aer membōr elōn̄ļo̧k jān juon epepen rej wōnm̧aanļo̧k wōt ilo kōjeraam̧m̧an mour ko an baam̧le ko aer, membōr ro an Kabun̄ in, im jukjukinpād ko ilo aer kalimjōk wōt Rilo̧mo̧o̧r eo im kōņaan kaarmejete n̄an kōjparok bujen ko. Ejja āinwōt jet kōrā roloi ilo aolepān Kabun̄ in.
Juon jet kōrā eo eaar kōjeraam̧m̧an mour eo aō ium̧win elōn̄ iiō ko eaar tariņaik m̧ōjņo̧ļo̧k ium̧win 15 iiō ko remootļo̧k, pen, im nanaļo̧k, nan̄inmej eo ņa etan Inclusion Body Myositis. Men̄e ej m̧akūktūt wōt kōn wheelchair eo an, liin ej kajjieon̄ in kam̧m̧oolol im dāpij wōt “Maron̄ Maron̄ Laajrak eo”:juon laajrak ej bar kōkāāl in men ko emaron̄ kōm̧m̧ani, āinwōt imaron̄ menono, imaron̄ kōdellep, imaron̄ jar, im imaron̄ en̄jake iakwe eo an Rilo̧mo̧o̧r. Liin ej kwaļo̧k jet kam̧ool eo an pedped ilo Kraist kajjojo raan n̄an baam̧le im ro m̧ōttan.
Ejjab to iaar ron̄ bwebwenato eo an Jenny. Liin em̧ōj an kar mijenede me ro jinen im jemen raar jepel ke eaar jerbale mijen eo an. Liin eaar ba ekōjkan an ļōmņak an bar ro̧o̧l n̄an m̧weo im̧ōn “eaar kamijak [e] n̄an mej.” Bōtaab ilo jem̧ļo̧kin mijen eo an n̄an Italy, ke liin eaar bōjrak ilo mijen home eo ilo iaļ eo an n̄an ijo jikin ilo United States, juon jet kōrā, kōrā eo ippān mijen būreejtōn eo, ilo jouj jerbal n̄an e ilo baj kuumi bōran.
Iiō ko tokālik, bar juon jet kōrā, Terry—juon būreejtōn an Doulul eo an Kōrā an stake—ekar kōjeraam̧m̧an mour eo an Jenny ke Jenny kar kūri āinwōt juon būreejtōn an Doulul eo Kōrā an ward. Ilo iien eo, Jenny eaar jerbale juon an research peba n̄an an bōk doctor degree eo an. Terry eaar jab wōt jerbal āinwōt juon rūkaki n̄an Jenny āinwōt juon ritōl, bōtaab liin eaar barainwōt jijet ippān ium̧win 10 awa ko ilo aujpitōļ ke Jenny eaar jidimkij an bōk juon nan̄inmej in leukemia. Terry eaar loļo̧k aujpitōl eo im kar bōkļo̧k kake Jenny n̄an iien taktō ko an. Jenny eaar kwaļo̧k, “Ij ļōmņak imaron̄ in kar em̧m̧ōj jet kōttan ilo wa eo waan.”
Jekdo̧o̧n nan̄inmej eo an, Jenny eaar wōnm̧aanļo̧k wōt im jerbal tiljek āinwōt būreejtōn an Doulul eo an Kōrā an ward. Men̄e ilo iien ko reppen tata an, eaar kōm̧m̧ani call ko im jeje ilo talboon im email jān peet eo kineen, im eaar karuwaineneik kōrā ro n̄an loļo̧k e. Liin eaar meeļ kaat ko im leta ko n̄an armej, iakwe kōrā ro jein im jatin jān ettoļo̧k. Ke ward eo an eaar kajjitōk pija in būreejtōnji eo an n̄an bwebwenato an ward eo aer, en̄in ej ta eo raar bōk. Kōnke Jenny ej juon jet kōrā e make, liin eaar karuwaineneik aolep n̄an ineek eddo ko an ro jet, ekoba an make.
Āinwōt jet kōrā, Jenny eaar kam̧ool: “Jejjab pād wōt ijin n̄an lo̧mo̧o̧ren ro jet ak n̄an lo̧mo̧oren kōj make. Im bwe lo̧mo̧o̧r ej itok jān m̧ōttā ippān Jisōs Kraist, jān meļeļe An jouj im An Pinmuur im en̄jake ko An n̄an kōrā ro an Kabun̄ in. Ej waļo̧k ilo men ko āinwōt reļamwaan āinwōt kum̧i bōra juon; jilkinļo̧k juon leta kōn juon ennaan eim̧we, ealikkar, an kōjatdikdik im jouj: ak kōtļo̧k bwe kōrā ro ren jerbal n̄an kōj.”9
Jejtōr ro, n̄e jej m̧ad, pere, ebbeer, jerawiwi, būrom̧ōj, ak ad edodo, jān bōk kūr eo an Irooj n̄an idaak jān An dān in mour āinwōt an kar jet kōrā ilo aibōj laļ eo, kūr ro jet n̄an kōm̧m̧an āinwōt ilo ad barāinwōt kwaļo̧k kam̧o̧ol eo ad make an jet “E in ri Kraist ke?”
N̄e mour ej āinwōt ejjab em̧m̧an, āinwōt kar n̄an Matha ilo mej eo an ļeo jein im jatin—n̄e jej ioon būrom̧ōj in ajimakeke, jaje neje, mej an ro jitōn bōro, ejjeļo̧k iien ko rem̧m̧ān n̄an en̄jake m̧are im wōr baam̧le, jepeepļo̧k an baam̧ļe, en̄taan, nan̄inmej ilo ānbwin ak kōļmenļo̧kjeņ, tōr jān jon̄an inepata, inepata, an̄urlep, apan̄ ikkijen jāān, ak bōjin in elōn̄ apan̄ ko jet—jān keememej Matha im kwaļo̧k ejja āinwōt kam̧o̧ol eo ad an jet kōrā: “Iar jeļā … [im] jar tōmak bwe Kwe ri Kraist eo, Nejin Anij.”
Jān keememej elōn̄ jet kōrā ro raar jab kōņaan kowaan Rilo̧mo̧o̧r eo ad eaorōk ilo iien eo Eaar ioon e eļap ke Eaar en̄taan ioon debwāāl eo im awa ko tokālik eaar maron̄ in eo ibwilijin jet kōrā ro kam̧ool kōn aiboojoj an Jerkakpeje eo An. Kōm̧m̧an bwe jān epaak wōt E ilo jar im ekkatak jeje ko rekwojarjar. Kōm̧m̧an bwe jān kepaakļo̧k kōj make n̄an E kōn kōppopo n̄an im bōk kōkaļļe eo aorōk an en̄taan in pinmuur eo An wiik otemjeļo̧k ilo iien kain̄i eo an kwojkwoj eo im ilo ad kōjparok bujen ko kōn jerbal n̄an ro jet ilo iien aikuj ko aer. Innām bōlen jemaron̄ erom m̧ōttan jet kōrā ro,rikaļoran Jisōs Kriast, me renaaj kam̧m̧oolol kōn jepļaaktok eo An aiboojoj n̄e Ej bar ro̧o̧ltok.
Kōrā ro, ij kam̧ool kōn ro Jined im Jemed Ilan̄ rem̧m̧an; ad Rilo̧mo̧o̧r, Jisōs Kraist, im Pinmuur eo An indeeo ilo etad. Ijeļā Rikanaan Josep Smith eaar ekkapit m̧okta āinwōt rikanaan an Jepļaaktok eo. Ijeļā Bok in Mormon eo ej m̧ool im kar ukōte kōn kajoor an Anij. Em̧ōj kōjeraam̧m̧an kōj kōn juon rikanaan emour ilo tōre in ad make, Būreejtōn Thomas S. Monson. Kōn m̧ool kein Ijeļā! Ilo etan Jisōs Kraist, amen.
Note: Ilo Eprōļ1, 2017, Sister Burton kar kōtļo̧ke āinwōt Būreejtōn eo Eutiej an Doulul eo an Kōrā.