Bee bił Ałha’dit’aahii bee Nisiidzį́

Shík’is dóó shilákee, yah iijéé’ ałch’į́’analneehgo, t’ah nit’ę́ę́’ nihijéí biyídę́ę́’ t́áá’anii át’éii dahsidiits’ąą’ Diyin Jesus Christ bina’nitinígíí. Nihik’idhojidłí díí kwe’é diyin k’ehji’ bąąh hast’ígo ałah niidlį́ Diyin Jesus Christ bił ałha’dit’aahii bidziil doo, dóó ba’naalá’í dahniidłí Bí éí nihi Yisdá’iiníiłii nilį́.

Bił ałha’dit’aahii éí áyóó bąąh hastį́, éí bąąh nisékeego yéígo shídiiłą́. Ha’átíísh biniinaa saad bee haidzíí’ígíi ayóó ílí? diné da’nihoodląą doo? adiinííł’ígíí daasí adiilniił? Bił alha’dit’aanii bik’ehgo yiidaal? Diné doo biyooch’íígoo naaghaago bee ba’hodilzin. Bił bee ałha’dit’anjí yiidaalgo Diyin God bich’į́ dóó diné bich’į́, éí Diyin God bich’į́ needaał dóó bee áyóó́’óó’ní bąąh áko niidzin doo.

Nihi Yisdá’iiníiłii Jesus Christ éí nizhónígo nihinaał yee haadzii’ígíí k’éhgo yidaał doo. Nahas’zaanjí niyah BiZhe’é iinizin’igíí adishłeł níígo niyah. Diyin God binaagha’ bina’nitinígíí yee na’neezt’ąą’. Nihi bąąhagi’át’éii yik’é ninidlá áko naahiníínąą doo. T’áá ałtsoh yee haadzííhígíí ayiilaah.

Da’ nihi datas’í ákot’áó bee niha’hodolzin doo? Háásh yit’áó báahádzid nihi yooch’į́į́go, dooda yee doo bee háídzííhígíí t’á doo iilyaahgo? Áko shą bił bee ałha’dit’ánígíí bits’ąą dah diidzao? Da’ binaał íídzaa’ígíí binají Hago Shaa Nináádí níhidookai? Nizaadish ílį́? Doo hayooch’íízh éí doo bóhooaahii át’éii da; éí Jesus Christ bídahoołaahii áko daat́é.

Diyin bił bee hozin nda’iyeelzíí’ doo, áko aní, “T’áá doo nidaaldzidí, háálá Shí Diyin nihiłhonishłǫ́ǫ’ doo, dóó nííhagí sizį́.”¹ Shí shił bee hozin ákot’áó shiká’ó’ool’wod, diyin k’ehjí, dóó bąąh áhéé’niizííh dóó shigha’gi yigaałgo bąąh ákonisin.

Bóholnííhii aní, “T’áá haishį́į́h bąąhagi’at’éii nájí kóyiilaa’ígíí dóó shaa niyahígíí dóó shi bee haz’áanii yik’ehgo yigaal’ígíí éí shiniih yiidoołts’éeł dóó t’áá’anii aasht’ę́ bił bee hodoolzį́ił.”² Díí éí yee haadziih.

Aniinaashá’hadą́ą́’ díí bóhołąąh shizaad bee haasdziih’ígíí. Silao tsoi dah yoodlą́’ígíí bee handziih shídooniid. Silao Tsoi Yázhí nihikéyah doo, éí dóó nihi bitahjí bich’į́ hoolziish, ndi t’áá ayisii bénashniih doo. Ajídah Silao Yázhí dah yóká’ígíí, hastóí dóó saanii éí aají nidasoonish’ígíí---nihaahasniih---dóó ashiiké yázhí alaahgo bąąh hasniih, “Áhé’hee.”

Díí yáiijeehjí, nihi Diyin God Yáyałtí’í, President Russell M. Nelson, dóó Eldir Quentin L. Cook éí k’ad łahgo át’áó tsełkee bá hádidoolnííł t’áá’aniinii bee sodizinjí t’áá ałtsoh tsełkee bá. Doo, ałtsé Damóó yaadą́ą́’ President Nelson dóó President M. Russell Ballard nizhónígo Ałchíní dóó tsełkee bee bił ná’anish’ígíí dííkójí Diyin bisodizinjí babąąh hooné. Éí Diyin Jesus Christ alaahgo bóhooaah nas’dzáaan bikaadi bisodizinjí. Táá Naat’aanii dóó Hastóí Naakitsáádah Yilt’ao Ba Naazį́į éí yee t’ááłá’i’ danilį́, Shi shił bee hozin díí Diyin Bóholnííhii bits’aadę́ę́’ át’é. Bąąh shił hózǫ́ ałchíní dóó tsełkee díí Jesus Christ Binahagá Akéedi Dayooł Káałgo Yá Naazinígíídę́ę́’ bohodoołaał—diyin bina’nitin hooghaandí dóó sodizindí—aká’anawo’ dóó honeení dóó t́áá wó naasgoo jinoołseełgo bąąh na’anish.

Tsełkee, bina’jí saad bee na’anishígíí 2020, éí Nephi bits’ąądę́ę́’, “Ákǫǫ’ deeshshał dóó adiitł’į́į́ł.” “Áádóó shí, Nephi, shizhé’é kóbidííniid: Shí ákǫ́ǫ́ deeshááł dóó Bóhólníihii ádííniidígíí bi’deeshłííł, háálá shił bééhózin Bóhólníihii ba’áłchíní beehaz’áanii doo ła’ yeidoolééł da, t’áá hazhó’ó yá hasht’ehoolaago t’éiyá t’áadoo le’é áyidííniid yę́ę yida’doolííł.”³ Azhá ałk’idą́ą́’ bee há’oodziid, sodindę́ę́’ éí bikee’ siidzį́ diishjí.

“Ákǫǫdeeshaał dóo adeeshłiił” éíwódahdí eiyin k’ehjí joogaał áko t́áá’anii át’éii hach’į́ alį́, dóó êyá’át’ééhgo hijiná, dóó Diyin Jesus Christ bił ałha’deet’ą́ bik’ehgo joogaał áko áyóó’á’jí’ní łeh, Yisdá’iiníilii k’ehjí.

Ałha’deet’ą́ éí Diyin Bóhólníihii dóó hwó ájiiłį́į́h. Tó bee hódiilziihgo Diyin Jesus Christ bił ałha’deesht’aah dóó bizhį́ akidiit’aah dóó bik’ehgo hijiiną́. Jó diné Mormon bitoo bighadí Divin yił ałha’deest’ą́, “biyeel nidaazhígíí bee biḱahaneelwó doo, áko doo nidaaz doo, bił jichá; dóó iłídlį́ dóó Diyin God bá’jidzį́, t’áá nijiha’igi dóó t́áá hoolzhishdí.”⁴ Diné bąąh nijídaahgo éí sodizindę́ę́’ diyin k’ehjí bee há’oodziih bek’ehjí joogaał lá.

Aaah dóó tó chǫǫ yiiłį́į́hgo, bee ałha’deet’ą́ aniidí ánijiilį́į́h, bizhé’ ak’idiit’aah dóó naasgo joogaał doo. t́áá’kwiijí nisiikees dóó íítį́’ígíí nitsaa dóó ayazhí iitį́’igíí bee bee hozin diyin k’ehjí yiidaałgo. Nat’aah éí Diyin Bóhólníihii éí, “bíneelnííhgo biniłch’į́ nihił hólǫǫ’ doo.”⁵

Na’ídiishkid diishjí, da’ bił ałha’deet’ą́ t’á́á’anii’ beeha’siidzį́ doodayeeh doo t’áá’ayisii adiiníí’ da, tóó kiniitį́ doo? Diné abidiiní, “Násodideesziił,” da’ t’áá’aniish bá sodiilzin? Áádí deeshaał, niká’adeeshwoł. da’ áádí needaah doo? Nát’ąą’ ninádeeshdleeł diinííhgo, da’ t́áá’aniih? Diné bá nihilá bee yádiilnįįhgo, da’ bikeesiidzį́ doo?

Aniinaashá’haadą́ą́’ shimá tseskeh yikaad dasidáó, díí saad bee hojíyah éí t’áá’ayisii bąąh hastį́ shidiiniid. “Shił bee hozin la’ diné dóó díí Saad bee Hojíyą yik’ehgo deeyikaah da, áko diyin k’ehjí bits’ąą’ adin nt’ę́ę́.” Yéígo shineełį́į́h, bizaad yeehaadzííhígíí shijéí yidiisnąą: “Tsidá t’áá shoodí díí Saad Bee Hojíyą, bik’ehgo nannąą’ doo.” Áko bił ałha’deest’ą́. dóó t́áá k’ad t́áádii bik’eh honishį́.

Éí bił ałha’deesh’tą́haa tsełkee nishłį́į́’ yaadą́ą́’ dóó naasiłiih doo naanishjí t́áá doolé’í doo yá’át’ééhii dah holǫ́ ndi. T’áá shí a’k’idą́ą́’ Diyin God bił ałha’dinisht’ą́ áko doo sha nantł’ahda nt’ę́ę́’. Bóhóníihii aní, “Shik’eh honiłį́į́hgo éí niká’adeeshwoł, ndi doo shik’eh honiłį́į́hgoo éí doo niká’adeeshwoł da.”⁶ Ha’át’íísh ní Saad Bee Áhojilyá yik’eh hołin’ígíí? Saad bee hojiyą bik’ehjí joogaałgo éí haat yá’át’ééh doo, nihidziil doo, woniiyá doo, dóó diyin bá’nidaalá’į nihaa’ahalyá doo.⁷

Naaháí yaadą́ą́’ Diyin bighandí Salt Lake Templedí, Sister Rasband dóó shí nihinaał nihich’é’í diyin k’ehjí ahídiiljeeh. Tł’ǫǫdí nihich’e’í yázhí bich’į́ heedziih, bąąh hastį́ díí diyin God bighandí diyin k’ehjí ahidiiljeehii. Shimá nasineezt’ąąyaa git́áó nihich’é’í yázhí abideení, “Nineez sinilį́į́hgo nahastiin kwe’é diyin bighandí bił diiaash dóó diyin k’ehjí ahindidooljah, éí saad bee lą́’ adeełeeł.” Bizaad yee nihéí ni’ą́.

Na’ashch’ąąh

Edir Rasband bich’é’í dóó bichǫǫní

Nt’ę́ę́’ saad bee bich’į́ haidziihyaa yinalniih, éí binasí bąąh aháyá nt’ę́ę́’, dóó yénalniih, “ayóó bąąh hastį́ la.” Áádóó nihich’é’i’ dóó bahast’iin diyin bighandí bee ałha’diit’aahii diyin k’ehjí ahidiiljeeh.

President Nelson yee naneezt’ąąh: “Nihi ... Yisdá’iiníiłii bidziilii nihi doo, diyin bił ałha’deet’ą́ bik’ehgo yiidaalgo dóó hodiniilzingo. Bił ałha’diníít’ąąnii binají diyin God nahalingo hihidziil doo.”⁸

Diné bił ałha’deet’ą́ bik’ehgo yiidaalgo, Diyin Bóhóníihii bił ałha’diit’ą́ ałdó bąąh awiiłyaah doo. “T’áá’aaníí ánhidishní, nihí díidi nihík’iské ahóhsilį́į́’dę́ę́’ haasódlózí gi’át’éego, shí t’áá akó shoołáahgo át’é.”⁹

Diyin bizaadę́ę́’ nihinaał ałha’deet’ą́ baa hané. Ammon dóó Mosiah biyé Naaltsoos Mormon Wolyéhígíí biyidę́ę́ adahdiilnį́į́ł dah diiniid, “Diyin God bizaad bee nidaniitin doo.”{¹⁰ Bitsíyishtł’izhii Ammon deisił dóó Naat’aanii Lamoni bidaahdę́ę́’ niidlǫǫz. Naat’ąąnii King yaa’adeet’ą́, “Shí éíyá ninaalt’é’ii nishłííh doo diiniid.”¹¹ Dibédeení’į́į́hii Ammon béshał yee bighaan nají ayíjiishąął. Naat’aanii yik’eedeesyiz, Ammon diyin bee nanitinii yee yił hoolnégo oosdlaad.

Ruth, diyin bizaadsaní biyidę́ę́ andiiniid, “T’áá haagooshį́į́h diniyáágoo shí ałdó akǫǫh deishaał.”¹² Yeeh haadziih yik’ehgo hinąą nt’ę́ę́’. Diné Yá’át’ééhii, hané yázhí Diyin God Aniidí bizaadę́ę́’ hané, diné ati’bidiiyaahígíí dahnijahdí yaa’ahalyaní ayidííniid, “T’áá háát’ííshį́į́h ąąhaa’á éí naanishzhaahgo bik’eh nidiishłeeł.”¹³ Zoram, Naaltsoos Mormon Wolyéhígíí biyídę́ę́’ yił ałha’deest’ą́ Nephi dóó bik’is, kodoo nihił naashká doo diiniid. Nephi yénalniih, “Zoram bił aha’dineet’ą́ągo, áádóó doo inda doo nidah siildziid dah.”¹⁴

Hááíshą́ ałk’idą́ą́’ “nihizhe’é bił ałha’dineet’ą́” yaa’a’ diyin bizaad biyidę́ę́’ “niha’ałchíní bijéí bizhé’éjigo nidooyis”?¹⁵ T́’ah doo nahasdzáánjí iikai yaadą́ą́’ Diyin God bináhat’ą́jí ádiiniid, diyin ba’ałchíní alah andoolniił t́áá álahdę́ę́’. “Diyin Bóhólníihii bił ałha’dadiníít’ą́,” Eldir John A. Widtsoe yaahoolné naaháí yaadą́ą́’. “Díí naanish éí Diyin NihiZhé’é dóó Yisdá’iiníiłii binaanish, ałdó nihi nihinaanish át’é.”¹⁶

“Tsídá diné ałahananeehii éíalaahdí nihinaanish át’é diishjí,” President Nelson aní nahasdzáán yikaadi naahaago bił bee hozin. “Bąąh yeeltį́go diné ałah analneeh, ádiinínígíí éí t’áá’anii át’éii: Tsídá t́áá átsoh Diyin ba’ałchíní t’áá ałts’ąąjí Diyin Jesus Christ binahagha’ hanaalyá’ígíí yididootsiił.”¹⁷

Diyin Jesus Christ yikeesizíínii, saad woshdę́ę́’ dóó t́áá’anii saad bee haasdziih doo. Bąąh nisidaakees, ałha’deet’ą́ Diyin God bił dóó t́áá diné, tsídá doo yóóch’iidgoo nihizaad bee hadoozih, háálá nizaad éí bąąh hastį́. Naakiigoné éí, díí akwííyinilaahgo, Bóhóníihii nika’adoolwoł nizaad dóó ninaanish dóó neeiiná bidziil doo dóó nighandoo bił haiyinjeehii bidziil doo dóó Diyin Jesus Christ Bisodizinjí. Shik’is dóó shilahkee Diyin God nihił hǫǫ’ doo, yá’aashdí hónolǫǫ doo, “dóó Diyin God bił hininąą doo, tsídá iłhózhóó doo ninitį́dí ... háálá Diyin God yee haadziih.”¹⁸

Díibaa yáshti’, nihiláh, Jesus Christ bízhi’ bínahjį’, áamen.