Naakigi Atsígo Bee haz’ą́
Ayóó át’áo nihił hózhǫ́ nihik’iské dóó nihiláhkéí biká anéijahgo.
Anóhlí shik’is dóó shilá, t’áá anółtso Israel aníbaal ałchi’jí ahą’álnéehgi biká ahójeehii ahéhee’, bił háojee’ bił danółdzil, dóó bich’į’ ándahazt’i’ be’íina’ bik’idajiisóhdlí’. Ahéhee’ Christ t’áá aaníí yikéé dayikáhígi át’áo dahinóhná.1 Nihił bééhózin Bí naaki atsígo bee haz’áanii ayóó óóh’nóo bik’eh dahónół’į́, Diyin God dóó nihináagóó dabighanii ayóó óóh’ní.2
Hastą́ą́ nídeezídjį’, Asdzáá Nelson dóó shí Da’oodlánii lą’ída dimíil yázhí bił ahíikai nléi Central dóó South Americadi niit’áazhgo, Pacificjí kéyah yszhíjį’, dóó Unites Statesjí lą’í kintahgi. Bitah yiikáhgo, chána bee be’oodlą’ dinóoseeł. Ákoh t’áá néikáh bik’éh nihi nihe’oodlą’ íhidiikái dóó bee dahóniilzin bee dánhitse’ łeh. Shí dah táá’ agháo t’áá ánii ádahoot’įį ch’ínish’ááh?
May bii’, Asdzáá Nelson dóó shí bił niikai Eldir Gerrit W. dóó Asdzáá Susan Gong nléi Pacific Shádi’ááhjį’. New Zealand, Aucklandgi neikáo, nihí imamsdą́ą́’ naaki mosques biChristchurch bił ahíikai, New Zealand, ákwii naaki nideezidídą́ą́’, doo ádaat’ínoo sodadilzingo ba’át’e’ dahólǫnii bitaa da’ásdon.
Nihí díídi naaná łahjí nihik’is da’oodlánii saa bee ha’óní bee bił dahwiine’ dóó nahagha’ níík’eh bił haz’ąnii t’áhdii bee nisiidzį́.
Nihí ałdó’ t’áá jiik’eh ła’ bá nidáashnish dóó béeso t’óó biigháhígo bee íijéé’ éí mosque bee ándaalyaa. Bił áłah siidlíí’ díídi Muslim yá naazíí bi’áásin yee ałk’is daníidlį́ dadíiniid.
August bii’, Eldir Quentin L. dóó Asdzáá Mary Cook, Asdzáá Nelson dóó shí bił néikai dóó Argentinadi, Buenos Aires bii’, ła’ nihidááh yikai—kasdą́ą́’ ałtso doo kojí da’oodláa da—be’íina’ łahgo ádaazáo bikáá’ dah asdáhí Iił-káahjį’ Dayoodlá binahjį’ bá chódayoost’e’. Nihí danhidiisná’ii áádę́ę́’ yaa bił dahózhǫ́ yee biká iijée’go ádił nida’álbąąs.
Táa’gi ayóó baa hózhónii éiyá dikwii shį́į́ Damóo yę́ędą́ą́’ Salt Lake Citygi áhoot’įįd. Éí naaltsoos ła’ shich’į’ ályaa shi’dizhchį́ béé hanííhjį’ áhoolzhiizhgo at’ééd éiyá Mary bee yiníshíi—14 bináahai.
Mary t’áa doole’é bí dóó shí bee aheníilt’é nayíizoh: “Ní 10 na’áłchíní. Nihí 10 áłchíní. Ní Mandarinjí yániłti’. Tsosts’í áłchíní yázhí hooghangi, shí atah, yee’ Chinadę́ę́’ bighangi naháatą́, áko Mandarin áłtsé bee yádeilti’. Ní ajéí neiłgizhí nilį́. Shik’is ła’ naakidi bijéí bá ninashgizh [ánalyaa]. Níish naakijį’ ahéé’ílkid sodizingi niná’iildah nił t’áá akó. Nihí éí nihił yá’ádaat’ééh. Ní ayóó t’áá ákwe’é hótaał. Shiláh dó’ t’áá ákwe’é hatááł. Shí gi’át’áo doo oo’į́į da.”
Mary bizaa shiy’di yideelchid, bii’sizį́ ayóó at’éhii bééhóozin ndi bimá dóó bizhé’é ałdó’ nabineeztą’ii.
Iił-káahdi Da’oodlá, nááná ła’ Jesus Christ yikéé’ yikáhii yił, áłahjį yee aká adoojáhii hádeideez’į́į́’, dóó nááná ła’ ayóó’ó’ó’ní. Éí Bóhólníihii bidine’é lá yee dabi’dóhjí “nááná ła’ biyéél dandaazíí yee yiká ahijééh, … yínííł danlíi eíí yił yínííł danilį́; … dóó doo hada’ólníi eíí ha’ólní ádeile’.”3
Áłtsé dóó naakigi atsísgo bee haz’ą́ t’áá aaníí yee hádaat’į́. Nihí ayóó í’íi’nóo Diyin God nihijéí t’áá át’é bee, Bí nihijéí naa néidlóósgo nááná ła’ yá’át’éehgo íil’įįhii, bił hoo’aah.
Doo éí bóhonee’ą́ą da haanéeląą’ Iił-káahjį’ Da’oodlą́ nihokáá’góó t’áá ákwiijį́ ła’ nááhaijį’ yee aká ahilyee’ yidóoltahgi, ndi éí lá yidóoltahii doo bóhonee’áa da Sodizin báhooghan yee dah yikahdóó hastóí dóó sáanii—ashiiké dóó at’ééké—shiká i’doolwoł daniizíi’go.
Sodizin báhooghan bidei áhoodzáii 1984 yá hadeiswod. Áádóó Sodizin báhooghan nléí Africa ha’a’aahjóó doo nahałtinii bąą nitsihonídéelgo t’áá adą bá yiil’a’go béeso ádayiizníl. Sodizin báhooghan yihídiikáii 6.4 dimííl ádayiiznil béeso t’ááła’í t’áá adáni biyi’.
Eldir M. Russell Ballard dóó Shik’is Glenn L. Pace yee’ Ethiopiagóó ábi’dool’a’ hait’áo éí béeso baa hásti’ii hazhó’ó chóidoo’įįł. Díí yii’a’ doo wóshdę́ę́’ dah díilwodii náasdi Iił-káahjį’ Da’oodlą́ yee Aká’ahilkeed wóosye’.
Eíí hoshdę́ę́’, Iił-káahjį’ Da’oodlą́ yee Aká’ahilkeed ga’ béeso naaki dimííltso yee’ nihokáá’góó nitsidahazdéelgoo yee éelaod. Díí bee aká i’iilyeedii lá bich’į’ kól’įįh azhą doo kojí Sodizin báhooghan yee dahósin da, haadi yizhchį́, dine’é, ishį́į́ ídil’į́, diné asdzáá daats’í, doodáii’ íshį́į́ yá ana’á’a’.
Eíí doo ałtso da. Bóhólníihii biSodizin báhooghan yihidiikáii bich’į’ ándahazti’ biká i’doowółgo, nihí ayóó íinii’ní dóó ałk’idáá’ t’áá adáni bee hoo’á’ bee dahinii’ná. 4 Nihí dichin niidlį́ áko ła’ dichin nízinii biká i’doolwół. T’áá ninádizi’ ła’ájį́, adą́ ats’ádiit’ááh dóó béeso bee nahidíilni bíighahgo íi’nił.
Shí 1986 biyi’ Africa e’e’áahjóó áłtsé ninéyá. Da’oodląnii lą’í daníjaa’go áłah aléehgi nehéeskai. Ákondi lą’ída binaalyéhí ádaałch’íidi yee’, lą’ída bi’éé’ daalgaigo nehéeskai.
Shí stake binaat’áanii néiyidéełkid hait’áosh diné doole’é t’įįdígo bee dahólǫnii baa áholyą́. Kot’áo hanáazíí’ bísheb bidide’é ayóó yee dahósin. Ídahidiikáii naakidi nida’ádįįhgo, doo biká i’iilyée da. Ndi t’ááła’í doodáo bi’óhgo ńda’adįhii—azhą yił haajéé’ biká ándaajahii—bísheb ch’iyáan yee yiká ahijééh, adą ádąąh yit’į béeso adayíiznil biyi’doo. Áádóó díí at’éhii yíyiizoh: adą-ádą́ą yit’į́į góne’ yee’ béeso yiláahgo adayiinííł. Adą-ádą́ą yit’į́į góne’ béeso biló’nool’ąąhii diné yiwóhgo bich’į’ ándahaz’i’góó bił áda’al’į́į́h. Africadi Da’oodlánii dabidziilíí ayóó át’áo na’nítin yee shí dahooł’aa’ bee haz’ą́ dóó ii’sizį́ k’ehjí adą-ádą́ą yit’į́.
Sodizin báhooghan da’níitahii, nihí dine’é hait’áo dah kanaaháhii baa dah híne’.5 Diyin God biye’ké dóó bitsi’ké daniidlį́, t’áá áníiltso ałk’is dóó ałláh daniidlį́. Nihí Naaltsoos Sąní aníníi deiyísiníilts’ą́ą́’: “Níla’ bich’į’ ąą kwót’é ník’is, baa hojooba’ii, dóó ndadílts’i’ii.”6
Nihí ałdó’ Matthew 25 biyi’ Bóhólníihii Jesus Christ yee na’neestą́ą’go yisdzohii bik’ehgo iinánii bidaniitááł.
“Haalá dichin selį́į’, dóó atsi’ shéinką́: Dibáá’ selį́į, dóó tó shéinką́: De’áyoní nishlǫ́ǫ, dóó shá hwiiníł’a’:
“Áá łinchíí’, dóó éé shíintį́: kadeyáo, sheiniyá. …
“… T’áá’aaníí nihí díidi nihík’iské ahóh silį́į́’dę́ę́’ haasódlózí gi’át’éego, shí éí akó shoołáahgo át’é.”7
T’áá dikwihí baa hwideeshníh hait’áo Sodizin báhooghan díídi Yisda’iiníiłii yee naneeztá’ii yeda’oolííł.
Dichin danlíi, Sodizin báhooghan 124 bísheb binaalyéhé báhooghan nihokáá’góó dayiyéełyeed. Eíí binahjį’, ła’ nááhaijį’ 400,000 ch’iyáan bee biká i’doolwołii haadadil’įįh. Binaalyéhé báhooghan doo ła’ si’ą́ągi, bísheb dóó branch yá sizíi adą ádąąh yit’į béeso adayíiznilii Sodizin báhooghan biyi’doo íhidiikáii ndadílts’i’ii ch’iyáan dóó naalhéhí bee biká i’iilyeed.
Ákondi, doo Sodizin báhooghan t’éiyá biyi’ ákohoot’ée da. Éí nihokáá’ dichin ąą kwéeniiłii nihidanootááł. Ánii United Nations naaltsoos ła’ biká’ii eíí dine’é t’áá ayáhígo yidooyį́łii bee dahólǫ́ áko nihokáá’góó 820 dimiiltso bilááh anées’aad—doodágo nahast’éí diné yilt’áo t’ááła’í bitahgi ákot’é naahasdzáági kéédahat’ii.8
Yááh nel’į́įgo! Dooládo’ béesoo adahónilíí baa ahééh daniidzin da. Ahéhee’ nihijéí bitłááhdę́ę́’ bee óołwodii, dimiiltso nihokáá’góó da’dókeedii bee biká’í’doolwół ch’iyáan, éé’, áhanjį’ biidoołkáałgi, íłnaalbąąsí, azéé’, tó niłtólii, dóó yiwóhgo, dimiiltso dikwíidishii da’dókeedíí.
Nihokáá’ aláahgo bąą kána’aldeehíí éí tó t’óó badaa’íhígíí biniinaa. Dííshjį́įjį’, Sodizin báhooghan bidei’ áhoodzáii biká i’doowół binahjį’ tó t’óó badaa’íhgóó 76 kéyah dah sinilgóó neeznádiin biláahgo dine’é kéédahat’įį biká i’iiswod.
Luputa biyi’ ła’ bo’oonish, Democratic Republic nléi Congodi, ayóó a’t’áo binahjį’ bee ééhózin. 100,000 doo yiwóhgo kéédahat’į́, kintahgi tó doo ła’ haalíi da. Ayói anizáágóó diné tó yá’át’éhii háádaakah. Ákondi ła’ dziłgi tó dah siyį́įgo bik’i’neetį’ii 18 tsin sitáadi ánizáh, kintahdóó eíí doo áłahjį’ tó bá bóhonee’ą́ą da.
Nihí bidei’ áhoodzáii neinítinii díí anáhooti’go yaa ákoniizíí’, Luputa bá naazínii yił nidáalnishgo choidoo’įįłii dóó béesh bii’ tó nilįnii yínda’niłtingo kintahjį’ yítsih. Luputadoo dine’é yindáalnishgo táá’ nááhai ła’ adées’eez bíighah hahwííshgeed tsé dóó hodíłchil bitahgóó. Ahił nidáalnishgo, jį́ biyi’ yitsíhgo ayóó baa hózhǫ́ǫ tó, niłtólii haalǫ́ǫ ałtso eíí dah yinéłii chodayóoł’į́.
Sodizin Báhooghan ałdó’ dah dadiinánii yiká’anájah, diné ałch’į’ ádaabáhgi, níłch’ih halchǫ́ǫhgi, doodáho ahagha’ yoodlą́ atídaal’į́įgi. 70 dimííl biláahgo dine’é k’ad bighan ádaadin.9
2018 yiháhii biyi’ yee’, Sodizin Báhooghandoo 56 kédaayahgóó diné dah dadiinánii tsíiłgo yee yiká aheezhjéé’. Náá’ałdó’, Sodizin Bá hooghan yíhidiikáii t’óó ahayóí ánii kintahjį’ ádaheeznánii t’áábí yiká’íijee’. Nihí ahéhee’ danhidii’ní t’ááła’í noozíngo akwóó hooghan ániidi yiih dahinéehgi bee biká oojéé’.
United States biyi’ Deseret Industries náazniljį’ bee adóohjahii nidahíshoojáá’, dimííltso dahidedló’go éé’ ałhą’ályaa dóó nááhaijį’ ádaníłso ałts’á’nił. Áko bísheb díí íhidiikai ndadílts’i’ii lą’ída yee ídoolwółii hólǫ́, áko atsísgo nihokáá’ ał’ąą át’áo aká adahajeehii bich’į’ kódaal’į́.
Dóó hóhoot’éedáá’, Sódizin Báhooghan dine’é 35 kédaayah bii’ 300,000 biláahgo bináá’ bá danéel’įį’, dihwiishįį dimííl yázhí asdzání be’awéé’ bá danéel’įį’ dóó 39 kédaayah biyi’, dóó 50,000 diné ił naalbąąsí dikwiishįį’ kédaayah bii’ bitáas’ii’.
Sódizin Báhooghan bee béého’dólzin ntsidahadíłgóó ts’ídá áłtsé áádi daakah. Azhą t’ahdoo ne’nikee ghááhgóó, Sódizin Báhooghan yá naazíi dóó yił nidaalnishii haa’ígi áhanehii yitsíjį’ nahata’ ádayíił’įįh hait’áo áadi nihidoogééł dóó atídaazáii yee yiká adoojáhii.
hóhoot’éedaa’, Sódizin Báhooghan biyi’dóó nihokáá’ 100di nitsihonidéélgóó yee iijéé’, yiká aheezjéé’ niyóltsoh ndáaskai, dahodíiltłah, tó dááląąd, ne’ ńdaheesnáá’, dóó nááná ła’ bee dahóołchǫ’ii. Bá bidahonee’ą́ǫ, Sódizin bá Hooghan yihidiikáii éé’ iłtsxhígíí yee hadadiit’įįhgo t’óó ahayóí yilt’éego nitsihonidéelgi aká íijáh. díígi át’éego aká óojah, t’óó ahonóhyóí, akot’éego dine’é bił nda’ánish.
shik’is dóó shiláh da’nóhlíi, ádaalyaa ch’ehe’ánígíí ałts’íisígo bee í’oolwód áko ahwiis’áo iká i’doolwół t’óó ąą kweenííł dóó Jesus Christ biSódizin báHooghan Iił-káahjį’ Da’oodlą́ dine’é biká í’iijeeh noosééł.10 Dóó nihi t’ááłá’í noozínígo díí ałtso bóhonee’ą́ ádaałííł. nihe’íina’ yá’át’éhii biniinaa, nihijéí ba’áhwiinít’į́, dóó nihila’ bee oojéé’, dooládó’ aa hanéehii’ t’óó ahayóí kédaayah dóó bá dah naháazt’ánii ayóó nihaadahanííh.11
Sódizin bá Hooghan biNaat’ánii selíi’ doohwoshdę́ę́’, dooládó’ nisín da t’óó ahayóí ndaat’áanii, prime ministers, dóó ambassadors nihiDine’é biká óoje’ii biká t’áá íiyisíí ahéhee’ dah shiłní. Dóó íhidiikáii da’oodlánii ałdó’ yaa ahééh danízin haalá ayóó da’diits’a’ dóó ayóó aká ándaajah.
shí ałdó’ baa yááh nisínii nihokáá’góó ánaazíi Áłtsé Naat’áanii yaa daakáhgo baa danhichána Sódizin bá Hooghan nihikéyah biyi’ hadabidiyóołwoł. Ha’át’áo? Bił béédahózin Iił-káahjį’ Da’oodlą́ binahjį’ hooghangi dóó kinthagi bee dahółdzilgo aká ándaajah, bee nighaigóó yá’áhoot’ééh haa’í shį́į́ dabighan ndi.
Haa’íshį́į́ nihíghan ndi, Sódizin bá Hooghan yihídiikáii ayóó Diyin God azhé’é nilį́ dóó diné ałk’is danilį́į bił yá’ádaat’ééh. Ákoh, nihi aláahdi nihik’is dóó nihiláh biká íijahgo baa nihił dahózhǫ́, díí nihokáá’góó háadishį́į́ kéédahat’į́į ndi.
Nááná ła’ biká í’doolwół--hazhó’ó báantsíikeesgo dine’é bik’idiníit’įį’ doodáii’yiwóhgo bee ák’idiití’ii—bee nihił dahózhǫ́. Íiyisíí, biizóóh, éí doo nihá bíighah da ndi dóó nizhónígo siidáhę́ędoo dah diidááh. Liináo naakigi aláahdi bee haz’ą́ Jesus Christ t’áá aaníí bee bikéé’yiidááł.
Shik’is dóó shiláh da’nóhłį́į, nihi neest’ą’ bik’ehgo wóhkahii eíí Jesus Christ bina’nitin bikéé’wohkáhgo hoolééł. Ahéhee’! Ayóó ándo’ní.
Diyin God hináo eíí shił bééhózin. Jesus lá Christ nilį́. BíSodizin bá Hooghan díídi Iił-káahjį’ biyi’ diyingo ninályáhii biniiyéii ye’doolííł. Áko shí Jesus Christ bízhi’ binahjį’ t’áá aaníí bee adishní, áámen.