परिक्षित, प्रमाणित, र निखारिएको

प्रिय दाजुभाइ दिदीबहिनीहरू, म तपाईंहरूसँग बोल्न पाउँदा आभारी छु | मेरो अभिलाषा प्रोत्साहान् दिनु हो विशेष गरी जब जीवन कठिन र अनिश्चित बन्छ | तपाईहरू मध्ये केहिलाई त्यो समय अहिले नै हो | यदि अहिले नभए त्यस्तो समय आउनेछ |

यो एक उदास लाग्दो दृष्टिकोण हैन | यो वास्तविक तर यो संसारको सृष्टि गर्नमा परमेश्वरको उद्धेश्यका कारण आशाबादी दृष्टिकोण हो | त्यो उद्धेश्य उहाँका सन्तानहरूलाई कठिन हुँदा पनि सहि छान्ने क्षमता र चाहना छ भनी आँफैलाई प्रमाणित गर्ने अवसर दिनु हो | त्यसो गर्दा, उनीहरूको स्वभाव परिवर्तन हुनेछ र उनीहरू उहाँ जस्तै हुनेछन् | उहाँलाई थाहा थियो कि त्यसका लागि उहाँ माथिको नडगमगाउने आस्था आवश्यक हुनेछ ।

मैले जानेको ज्ञानमध्ये धेरै मेरो परिवारबाट आयो | जब म लगभग आठ वर्षको थिए, मेरो वुद्धिमानी आमाले मेरो दाजु र मलाई मेरो घर पछाडीको करेसामा उहाँसंग झार उखेल्न आग्रह गर्नुभयो | अब, त्यो एक सामान्य काम जस्तो लाग्छ, तर हामी न्यु जर्सीमामा बस्थ्यौं | त्यहाँ बाराम्बार वर्षा हुन्थ्यो | त्यहाँको माटो भारी थियो | झार तरकारी भन्दा छिटो बढ्थ्यो |

मेरो हातमा झार चुडिएको र अझै जमिनमा रहेका तिनका जरा देख्दाको मेरो नैराश्यता म अझै सम्झन्छु | मेरी आमा र मेरा दाजु छिट्टै नै म भन्दा धेरै अगाडी पुगे | मैले जति प्रयास गरे उत्तिनै म पछि परें |

“यो धेरै गाह्रो छ !” म कराएँ |

मलाई दया गर्नुको सट्टा, मेरी आमा मुस्काउनुभयो र भन्नुभयो, “हो हाल, यो वास्तवमै कठिन छ । यो कठिन हुनपर्ने नै हो | जीवन परिक्षा हो |

त्यो क्षणमा मैले थाहा पाएँ कि उहाँका शब्दहरू सत्य थिए, र मेरो भविष्यमा निरन्तर सत्य हुनेछन् |

आमाको प्रेमपूर्वकको त्यो मुस्कानको कारण वर्षौं पछि स्पष्ट भयो जव मैले परमेश्वर पिता र उहाँको प्रिय पुत्रले संसारको सृष्टि गर्नु र आत्मिक सन्तानलाई पार्थिव जीवनको अवसर दिनुको उद्धेश्यको बारेमा बोलेको पढें:

“अनि हामीले त्यहाँ प्रमाणित गर्नेछौं, यदि उनीहरूले परमप्रभु उनीहरूका परमेश्वरले उनीहरूलाई दिनुहुने आज्ञाहरू सबै पूरा गर्छन;

“अनि पहिलो अवस्था कायम राख्नेहरूमाथि अरू थपिने छ; अनि पहिलो अवस्था कायम नराख्नेहरूलाई पहिलो अवस्था राख्नेहरूले प्राप्त सोहि अधिराज्यमा महिमा दिइनेछैन; अनि दोस्रो अवस्था कायम राख्नेहरूको शिरमाथि अनन्तसम्म महिमा थपिनेछ |”^१

स्वर्गीय पिताको अनुपस्थितिमा पनि परमेश्वरले दिएका आज्ञाको पालना गर्न चयन गर्नेछु भनि परिक्षित हुन र प्रमाणित गर्न दिएको त्यो निमन्त्रणा तपाइँले र मैले स्विकार्यौं |

स्वर्गीय पिताको प्रेमपूर्वकको त्यस्तो निमन्त्रणा पछि पनि लुसिफ़रले आत्मिक सन्तानहरू मध्ये एक तिहाईलाई हाम्रो वृद्धि र अनन्त खुसियालीको पिताको योजनालाई अस्वीकार गर्दै आफ्नो पछि लाग्न मनायो | सैतानको विद्रोहका निम्ति, उसका अनुयायीका साथ् उसलाई निकाला गरियो | अहिले, ऊ यो मरणशिल जीवनमा यथासक्य धेरैलाई परमेश्वरबाट पर जान उक्साउँछ ।

हामी मध्ये त्यो योजनालाई स्वीकार्नेहरूले हाम्रो मुक्तिदाता र उद्धारकर्ता बन्न अर्पिनुभएका येशू ख्रीष्टमाथिको आस्थाका कारण त्यसो गरेका हौं | हामीले त्यति बेला विश्वास् गरेको हुनुपर्छ कि हाम्रो जस्तोसुकै पार्थिव कमजोरी भएपनि र जस्तोसुकै दुष्ट शक्ति हाम्रो विरुद्ध भएपनि, असल शक्ति अत्याधिक महान हुनेछ ।

परमेश्वर पिता र येशू ख्रीष्टले तपाइँलाई चिन्नुहुन्छ र प्रेम गर्नुहुन्छ | उहाँहरूले तपाइँहरू उहाँहरूकोमा फर्केको र उहाँहरु जस्तै भएको चाहानुहुन्छ | तपाइँको सफलतानै उहाँको सफलता हो | पवित्र आत्माद्वारा त्यो प्रेमको पुष्टि गरेको तपाइँले अनुभव गर्नुभएको छ जब तपाइँने यी शब्दहरू पढ्नु भयो वा सुन्नुभयो: “किनकि हेर, यो मेरो कार्य र महिमा हो—मानिसहरूमा अमरत्व र अनन्त जीवन ल्याउन।”^२

परमेश्वरसंग हाम्रो बाटो सजिलो बनाउने सामर्थ्य छ | इस्राएलका सन्तानहरूको प्रतिज्ञाको भूमिसम्मको त्यो यात्रामा परमेश्वरले उनीहरूलाई मन्न खुआउनुभयो | प्रभुले आफ्नो मरणशील सेवामा विरामीहरूलाई चङ्गाई दिनुभयो, मृतकलाई उठाउनुभयो, र समुन्द्रलाई सान्त पार्नुभयो | आफ्नो पुनरुत्थान पछि, उहाँले “बाँधिएकाहरूका निम्ति कारागार” खोल्नुभयो|”^३

उहाँका महान अगमवक्ताहरू मध्येका एक, अगमवक्ता जोसेफ स्मिथले कारागारमा कष्ट सहनुपर्यो र उहाँलाई सिकाइएको शिक्षाले हामीले बारम्बार भोग्नुपर्ने आस्थाको परिक्षामा हामीलाई फाइदा दिनेछ: “अनि यदि तिमीलाई खाडलमा, अथवा हात्याराहरूको हातमा फ्याकिए पनि र मृत्युदण्ड तिमीमाथि आए पनि; यदि तिमीलाई गहिराईमा फ्याकिए पनि; यदि बढ्दो छालले तिमीविरुद्ध षड्यन्त्र गरे पनि; अनि तिब्र वायु तिम्रो दुश्मन बने पनि; यदि आकाशमा अन्धकार छाएर सम्पूर्ण तत्वहरू मिलेर तिम्रा निम्ती बाटो रोक्न तगारो बने पनि, र अझ त्यो भन्दा बढी, यदि नरकको मुख नै तिमीलाई निल्न तिमीलाई लखेटे पनि, यो जान कि, मेरो पुत्र, यी सबै कुराहरूले तिमीलाई अनुभव दिनेछन्, र तिम्रा भलाईका निम्ति हुनेछन् |”^४

तपाइँहरूलाई यथोचित रुपमा लाग्ला कि त्यस्तो प्रेम गर्ने सर्व-शक्तिमान परमेश्वर किन हाम्रो पार्थिव परिक्षा त्यस्तो कठिन हुन दिनुहुन्छ भनेर | यो यस्तो कारण हो किनभने उहाँलाई थाहा छ कि उहाँको उपस्थितिमा परिवारका साथ् सदाका लागि जिउन हाम्रो आत्मिक सफाई र शक्तिमा वृद्धि हुनुपर्छ | त्यसलाई सम्भव बनाउन, स्वर्गीय पिताले हामीलाई मुक्तिदाता दिनुभयो र आफ्ना निम्ति आस्थाद्वारा उहाँका आज्ञाहरू पालना गर्न र पश्चात्ताप गर्न र उहाँसामु आउन चयन गर्ने सामर्थ्य दिनुभयो |

पिताको खुशीको योजनाको केन्द्रमा हामी अझ उहाँको प्रिय पुत्र येशू ख्रीष्ट जस्तो बन्नु हो | सबै कुराहरूमा मुक्तिदाताको उदाहरण हाम्रा निम्ति सबभन्दा असल पथप्रदर्शक हो | आफैंलाई प्रमाणित गर्ने आवश्यकताबाट उहाँलाई पनि छुट भएन | हामी सबैका पापहरूको मूल्य तिर्दै उहाँले स्वर्गीय पिताका सबै सन्तानका निम्ति सहनुभयो | यो नश्वरतामा आएका र आउने सबैको कष्ट उहाँले सहनुभयो |

जब तपाइँले आफुले कतिसम्म कष्ट सहन सक्छु भन्ने लाग्छ, उहाँलाई सम्झनुहोस | तपाइँले जे कष्ट भोग्दै हुनुहुन्छ, त्यो कष्ट उहाँले भोग्नुभयो ताकि उहाँले तपाईंलाई कसरि त्यो कष्टबाट उठाउने भन्ने थाहा होस् | उहाँले बोझ नउठाउन पनि सक्नुहुन्छ तर उहाँले तपाइँलाई शक्ति, सामर्थ्य, र आशा दिनुहुन्छ | उहाँलाई बाटो थाहा छ | उहाँले त्यो तितो कचौरा पिउनुभयो | हामी सबैको कष्ट उहाँले सहनु भएको छ |

तपाइँहरूलाई मुक्तिदाताद्वारा पोषित गरिएको छ र शान्त्वना दिइएको छ, जसलाई तपाइले भोग्दै गरेको परिक्षामा कसरी राहत दिने भन्ने पूर्ण ज्ञान छ | अल्माले सिकाउनुभयो:

“अनि उहाँ अगाडि जानुहुनेछ, प्रत्येक प्रकारका पीडाहरू र कष्टहरू र परीक्षाहरू सहेर; अनि यो कि वचन पूरा होऊन जसले भन्दछ उहाँले आफ्ना जनका पीडा र रोग आफूमा लिनुहुनेछ।

“अनि उहाँले आफूमाथि मृत्यु लिनुहुनेछ, ताकि उहाँले मृत्युका बन्धनहरू फुकाउन सक्नुहुनेछ जसले उहाँका जनलाई बाँध्छ; अनि उहाँले उनीहरूका कमजोरीहरूलाई आफूमाथि लिनुहुनेछ, ताकि उहाँको हृदय कृपाले भरियोस, मांशशरीर अनुसार, ताकि उहाँले मांशशरीर अनुसार जान्न सक्नुहुनेछ कि उनीहरूका कमजोरीअनुसार उहाँका जनको कसरी सहायता गर्ने।”^५

उहाँको तपाईंहरूलाई सहायता गर्ने एउटा तरिका भनेको उहाँलाई सदैव सम्झन र उहाँमा आउन निमन्त्रणा गर्नु हुनेछ | उहाँले हामीलाई प्रेरणा दिनुभएकोछ:

“मकहाँ आओ, सबै परिश्रम गर्ने र बोझले दबिएका, अनि मैले तिमीहरुलाई विश्राम दिनेछु ।

“मेरो जुवा आफु माथि लेओ, र मसँग सिक; किनभने म विनम्र र कोमल हृदयको छु: अनि तिमीहरुले आफ्नो आत्मामा विश्राम पाउनेछौँ।”^६

उहाँमा आउने तरिका उहाँका शब्दहरूमा भोज गर्नु, पश्चात्तापका निम्ति आस्थाको अभ्यास गर्नु , उहाँका अधिकृत सेवकहरूबाट बप्तिस्मा लिन र पुष्टि गरिइन चयन गर्नु, र परमेश्वरसंग गरेका आफ्ना करारहरूको पालना गर्नु हो | उहाँले पवित्र आत्मालाई तपाइँको साथि, संत्वानादाता र पथप्रदर्शक हुन पठाउनुहुन्छ |

जब तपाईं पवित्र आत्माको उपहारको योग्य भएर जिउनुहुन्छ, बाटो देख्न नसक्ने बेलामा प्रभुले तपाइँलाई सुरक्षा तिर अगुवाई गर्नुहुनेछ | मेरा निम्ति अक्सर गरेर उहाँले अगाडी लिनुपर्ने एक दुई कदम देखाउनु भएकोछ | उहाँले अक्सर कमै मलाई दूर भविष्यको दृष्टि दिनुभएको छ, तर ती विरल दृष्टिले मेरो दैनिक जीवनमा केको चयन गर्नुपर्छ भनी बाटो देखाउंछन् |

परमप्रभुले व्याख्या गर्नुभयो:

“वर्तमान समयका लागि, यसपछिका कुराहरू, र धेरै कष्टहरू … पछि आउने महिमा का सम्बन्धका तिम्रो परमेश्वरको योजनालाई तिमीहरूका प्राकृतिक आँखाले देख्न सक्दैन |

“किनकि धेरै कष्ट पछि आशिषहरू आउँछन् |”^७

हाम्रा परिक्षाहरूको समयमा हामी हाम्रा करारहरू प्रति वफादार भए पछि प्राप्त हुने मध्ये सर्वोत्कृष्ट आशिष भनेको हाम्रो स्वभावमा आउने परिवर्तन हो | आफ्ना करारहरूको पालना गर्न गरेको चयनद्वारा येशू ख्रीष्टको शक्ति र उहाँको प्रायश्चित्तको आशिषले हामीमाथि कार्य गर्न सक्छ | हाम्रो हृदय माया गर्न, क्षमा दिन, र अरूलाई मुक्दिदाता सामु आउन निम्ता गर्नका लागि नरम बन्न सक्छ | प्रभु माथिको हाम्रो भरोसा बढ्दछ | हाम्रो भय घट्दछ |

अब, कष्टहरुमा त्यस्ता आशिषहरु प्रतिज्ञा गरिएपनि, हामी कष्ट खोज्दै हिंड्दैनौं। नश्वर अनुभवमा, हामीले आफुलाई प्रमाणित गर्ने, अझ मुक्तिदाता र स्वर्गमा रहनुहुने पिता जस्तै बन्न सक्ने कठिन परिक्षाहरु उत्तीर्ण गर्ने थुप्रै अवसरहरु प्राप्त गर्नेछौं ।

त्यसमाथि, हामीले अरूको कष्टलाई देख्नुपर्छ र सहयोग गर्न प्रयास गर्नुपर्छ | त्यो विशेष गरि कठिन हुनेछ जब हामी आफैं कष्टप्रद परिक्षा भोगीरहेका हुनेछौं | हामीले थाहा पाउनेछौं कि जब हामीले अरूको बोझ उठाउँछौं, थोरै नै किननहोस, कि हाम्रो पिठ्युँ बलिया पारिएकोछ र हामीले अन्धकारमा प्रकाशको अनुभव गर्दछौँ ।

यसमा, परमप्रभु हाम्रो उदाहारण हुनुहुन्छ | यदि उहाँ परमेश्वरको प्रिय पुत्र नभएको भए उहाँलाई मार्न सक्ने कष्ट सहेपछि गोल्गोथाको क्रुसमा उहाँले आफूलाई सजायं दिने ती जल्लादहरुलाई हेर्नुभयो र आफ्नो पितालाई भन्नुभयो, “यिनीहरूलाई क्षमा गर्नुहोस्; किनकि यिनीहरू के गर्दैछन् यिनीहरुलाई जान्दैनन् |”^८ संसारमा आउने सबैका निम्ति कष्ट सहँदा उहाँले क्रुसबाट यूहन्ना र आफ्नै सोकाकुल आमालाई हेर्नुभयो र उनलाई उनको परिक्षाको घडीमा सेवा गर्नुभयो:

“जब येशूले आफ्नी आमा र उहाँको चेला उभिएको देख्नुभयो, जसलाई उहाँले प्रेम गर्नुहुन्थ्यो, उहाँले आफ्नी आमालाई भन्नुभयो, “नारी हेर्नुहोस् तपाइँको छोरा !

“ त्यस पछि उहाँले चेलालाई भन्नुभयो, हेर तिम्री आमा ! त्यस बेलादेखि त्यस चेलाले उनलाई आफ्नो घरमा लगे |” ^९

सबभन्दा पवित्र त्यो दिनको उहाँको त्यो कार्यले, उहाँले स्वेच्छाले हामी प्रत्येकका निम्ति आफ्नो जीवन दिनुभयो, हाम्रो यो जीवनमा मात्र नभई आउने समयको अनन्त जीवनका लागि पनि सहायता प्रस्ताव गर्नुभएको छ |

मानिसहरूले कष्टप्रद परिक्षाहरूमा आस्थावान प्रमाणित गरेर महान उचाईमा पुगेको मैले देखेको छु | चर्चभरि आज त्यस्ता उदाहरणहरू छन् | कष्टले मानिसहरूलाई घुडा टेक्न बाध्य गराउँछ । उनीहरूको वफादार धैर्यता र प्रयासद्वारा, उनीहरू अझ बढी मुक्तिदाता र हाम्रो स्वर्गीय पिता जस्तै बन्छन् |

मैले मेरी आमाबाट अर्को पाठ सिक्न पाए | एक भरखरकी केटिको उमेरमा भ्यागुते रोग लागेर उहाँ धन्यै बित्नुभएको थियो | पछि उहाँलाई स्पाइनल मेनिन्जाइटिस भएको थियो | उहाँको वुवा कलिलैमा वित्नुभयो, र त्यसैले मेरी आमा र उहाँका दाजुभाईले उनीहरूको आमालाई सहयोग गर्नुपर्यो |

आफ्नो जीवनभरि उहाँले रोगको परिक्षाहरूको असरको अनुभव गर्नभयो | उहाँको जीवनको अन्तिम दश वर्षमा, उहाँलाई थुप्रै शल्यक्रिया गर्नुपर्यो | यी सबै समस्याहरूमा, बिस्तारामा थला परेको समयमा पनि उहाँले प्रभुप्रतिको वफादारीताको प्रमाणित गर्नुभयो | उहाँको कोठाको भित्तामा भएको एक मात्र तस्बिर मुक्तिदाताको थियो । मृत्युशय्या बाट मेरा लागि उहाँको अन्तिम शब्दहरु यी थिए: “हल, तिमीलाई रुगा लागेको जस्तो सुनिएका छौ । तिमीले आफ्नो ख्याल राख्नुपर्छ ।”

उहाँको अन्त्यस्टीमा अन्तिम वक्ता एल्डर स्पेन्सर डब्लु. किम्बल हुनुहुन्थ्यो | उहाँको आस्था र परिक्षणहरूका बारेमा बोले पछि एल्डर किम्बलले भन्नुभयो: “तपाइँहरू मध्ये केहिले सोध्नुहोला मिल्ड्रेडले किन त्यति लामो समयसम्म त्यति धेरै कष्ट सहनुपर्यो | म यसको कारण भन्छु | यो हो किनभने प्रभुले उहाँलाई अझ बढी निखार्न चाहानुहुन्थ्यो|”

परमप्रभुले अझ अलिकति निखार्न खोज्दै गर्दा आफ्नो अडिग आस्थाका साथ् आफ्नो बोझ बोक्ने र अरुलाई उनीहरुको बोझ बोक्न सहयाता गर्ने येशू ख्रीष्टको चर्चका धेरै आस्थावान सदस्यहरू प्रति म मेरो कृतज्ञता व्यक्त गर्न चाहान्छु | आफू र आफ्ना परिवारले त्यस्तो निखार्ने कार्य सहदै गर्दा अरुको सेवा गर्ने अगुवाहरू र हेरचाह गर्नेहरू प्रति पनि म प्रेम र प्रशंसा व्यक्त गर्न चाहान्छु |

म गवाही दिन्छु कि हामी सबै स्वर्गीय पीताका सन्तान हौँ जसले हामीलाई माया गर्नुहुन्छ। मैले अध्यक्ष रसल एम. नेल्सनको सबै प्रतिको प्रेमको अनुभव गर्दछु | उहाँ संसारको लागि प्रभुको अगमवक्ता हुनुहुन्छ | म यो परमप्रभु येशू ख्रीष्टको पवित्र नाममा गवाही दिन्छु, आमीन ।