OFU MA FOLIGA VAAIA
O Le Malaga Faatau
Fai faalelei ou lavalava ina ia faaalia ai lou faaaloalo i le Atua ma oe lava. Aua lava nei tuuina i se tulaga maualalo le faiga o ou ofu mo soo se mea e fai. Aua le faaleagaina lou tino i le taina ai o pe’a po o le faapupuina foi e tatui ai meateutino.
Ao faia le ma faatau ma lo’u tina sa ou vaaia se sakete uliuli sa ou matua manao lava i ai. Sa ou faataitaia le sakete ma ou sau i fafo e faaali atu i lou tina. Sa le mautonu o ia ao lei fai mai, “Becky, ou te manatu e pei lava e fai si puupuu.” Sa ou tali atu i ai ou te manatu e leai, ma faamautinoa atu ia te ia o teine uma i le aoga o loo ofuina ituaiga ofu faapea—o nisi e sili atu le pupuu. Sa ou taumafai mo ni minute e tauanau o ia ina ia fiafia i le sakete.
Sa fai mai loa ma le mautinoa lo’u tina, “E puupuu tele. Ta te le faatauina. Alu e sui.”
Sa ou le malamalama pe aisea na inaina mai ai ia te au, aemaise lava ua ou lagona ua ou matua e faia le filifiliga mo au lava ia po o le a le mea ou te ofuina. Na le manuia le ma faatauga ona o le ma feeseeseaiga, ma sa ma o atu i le fale ma le leai o se tala.
Sa faapea loa ona talanoa mai lo’u tina: “Becky, o le mafuaaga sa ou le faatagaina ai oe e faatau lena sakete ona e le o se foliga lena o oe. Ua puupuu tele lena sakete ma e le o faaalia mai ai po o ai moni lava oe. O oe o se afafine o le Atua.”
O le faamalamalamaga a lo’u tina sa aoaoina ai au i se mataupu faavae o le a ou manatuaina pea. O au o se afafine o le Atua, ma o mea uma ou te faia ma ofuina e faaalia ai po o le a lo’u manatu ia te au lava ia ae pe faapefea ou lagona e uiga i lou Tama Faalelagi ma lou Faaola.
O ofu talafeagai o se tauiviga faifaipea, ae ou te faafetai ou te lei ioe atu i ai ma toe fetuunai ai ou tulaga faatonuina. Ou te iloa afai tatou te maua le malamalama moni o i tatou o fanau a le Atua, o le a tatou faatoilaloina o tatou manaoga ia oofu e pei o le lalolagi.