“O se taimi matagofie tele lenei e ola ai i le fogaeleele. E leai se tuaoi o o tatou avanoa. E ui ina tele ni mea sese i le lalolagi i ona po nei, ae e tele foi mea e sa’o, e pei o faiaoga o loo aoao atu, o faifeautalai o loo galulue, o faaipoipoga faamanuiaina, o matua o loo ositaulaga, ma uo e loto fesoasoani.

“E mafai ona tatou faaleleia i tatou lava, faapea foi ma isi, pe a tatou mumusu e tumau ai i le lalolagi o mafaufauga le lelei ma atiina ae ai i o tatou lava loto se uiga faaalia o le faafetai. Afai e faitauina faatasi le le loto faafetai ma agasala matuia, o lona uiga ua faitauina le loto faafetai i uiga atua aupito viia… .

“… Ia tatou faaalia lo tatou loto faafetai mo lo tatou Alii ma le Faaola, o Iesu Keriso. O Lana talalelei viia ua maua ai tali i fesili aupito silisili o le olaga: O fea na tatou o mai ai? Aisea ua tatou i ai iinei? O fea e alu i ai lo’u agaga pe a ou oti?”

Peresitene Thomas S. Monson, “O Se Uiga Faaalia o le Faafetai,” Liahona, Me 2000, 4, 8.