Ne u toki ngāue kimuí ni mai ʻi Penikalulu ʻi ʻInitia, ko ha kolo ʻoku mamaʻo mei Senai ʻoku ou nofo aí. Ne u saiʻia ʻi heʻeku ngāue foʻoú; neongo ia, naʻe kehe ʻa e ongo ia ʻo e maʻu lotu ʻi ha kolo foʻoú. Ne u ongoʻi ko ha sola au, pea ne u ʻofa ki hoku kolo totonú. Ka, ne u toki lau ʻi he Liahona ʻo Sānuali 2008 e fakamatala ko e “Ongoʻi ʻLata’ ʻi ha Faʻahinga Uooti pē”. Ne u ongoʻi fiemālie, pea kamata ke u fakafeʻiloaki au ki ha kāingalotu tokolahi. Ne u maʻu ha uiuiʻi pea ʻi ai hoku ngaahi kaumeʻa foʻou. Kae mahuʻinga tahá ko ʻeku ʻiloʻi lelei ange hono ʻuhinga ʻeku ʻalu ki he lotú. ʻI he taimi ní, ʻoku ou kumi ha niʻihi foʻou ʻo tokoniʻi kinautolu. ʻOku ou Fakamālō atu koeʻuhí ko e fakamatalá.

ʻOku ou ʻalu holo maʻu pē mo e Liahoná. Naʻe lava ke u maʻu heni ha niʻihi tokolahi ke akoʻi ʻe he kau faifekaú. ʻOku ou lau ia heʻeku talitali he falemahakí, pea ʻoku fie ʻilo ki ai e kakaí, ko ia ʻoku ou fakaʻaongaʻi e faingamālié ke u fakamatalaʻi ange e ongoongolelei ʻo Sīsū Kalaisí mo e palani ʻo e fakamoʻuí kuo akoʻi ʻe he ʻOtuá kiate kitautolú. Kuo tokoni ʻeku ʻalu holo mo e Liahoná ke u talanoa ʻo fekauʻaki mo Sīsū Kalaisi pea malangaʻi e ongoongoleleí ki he kakaí.