Fakaʻau ke Ofi Ange ki he ʻEikí

Talu mei he kamata ke u ʻalu maʻu pē ki he ʻinisititiutí mo ʻeku maʻu ha ngaahi tāpuaki fakalaumālie lahi ʻi heʻeku moʻuí. Kuó u maʻu ha ʻofa faka-Kalaisi ki hoku kaungāako he ʻinisititiutí, ʻoku mālohi ange ʻeku tui ki he ʻEikí, pea kuo fakaʻau ke u ofi ange kia Sīsū Kalaisi ʻi hono ako ʻo e folofolá.

Kuo fakahinohinoʻi au ʻe he ngaahi lēsoní ʻi heʻene tokoni ke mahino lelei ange kiate au ʻa e founga hono fakaʻaongaʻi ʻeku tauʻatāina ke filí. ʻOku nau tokoniʻi au ke u fakapapauʻi e tuʻunga ʻoku ou ʻi aí ʻi heʻeku fehangahangai mo e ngaahi faingataʻá, pea kuó u ako ʻo ʻiloʻi ʻoku ofi maʻu pē ʻa e ʻOtuá ke tokoni ke u ikunaʻi hoku ngaahi faingataʻá. ʻOku ou maʻu e tali ki heʻeku ngaahi fehuʻí he taimi ʻoku ou ʻalu ai ki he ʻinisititiutí. Ko e taimi kotoa pē ʻoku ou moʻuiʻaki ai e ngaahi akonaki mei heʻeku ngaahi kalasí, hangē ʻoku faingofua mo tokamālie ange ʻa e meʻa hono kotoa.

ʻOku ou ongoʻi ʻoku hoko e kau ki he ʻinisititiutí ko e taha ʻo e ngaahi founga lelei taha ʻe lava ke u fakaʻaongaʻi ai hoku taimí heʻeku kei talavoú.