O Se Lesona i le Faamagalo Atu

Ao talanoaina e lo matou aiga la matou afiafi faaleaiga e sili ona faagalogata, o le mea sa sili ona iloga sa le faatatau lea i ni gaoioiga malie, se lesona manaia na faaaoga ai ni mea faitino, po o se meaai faapitoa. O se aafiaga faatauvaa ae o’o o’o lona taua lea na amata i se lesona e uiga i le faamagalo atu, lea sa saunia e le ma atalii o Fielding, e 17 ona tausaga.

Ina ua maea le lesona, sa maua e tagata uma le avanoa e faaali ai o latou lagona e uiga i le mea sa fiafia ai le tasi i le isi ao a foi mea matou te naunau ina ia mafai ona faaleleia i le tagata lava ia. Sa matou talanoa e uiga i lu’itau na feagai ma i matou taitoatasi ma fesoasoani le tasi i le isi e saili ni fofo. Sa matou fetagisi faatasi, talosaga atu le tasi i le isi mo se faamagaloga, ma faatuina ni sini ina ia matou lelei atili.

Ua avea le afiafi faaleaiga ma se tasi o taimi e sili ona matou fiafia i ai. Ma te matua fiafia i le mafai e le ma fanau ona faaali mai o latou lava lagona i se auala e sili ona saoloto ma le to’a.