Malumalu o Manila Filipaina

O Peresitene Gordon B. Hinckley (1910–2008) na faapaiaina le Malumalu o Manila Filipaina ia Setema 1984. O le maota matagofie e ono ona tumutumu e fola i maa papae mananaia ia fafo ma e siomai i niu maualuluga ma le togalaau felanulanuai.

O le fale tatala o le malumalu sa faia i se taimi ao lei leva ona maea ia afā e lua ia na faatamaiaina ia Filipaina. E ui lava i afa, ae na faataunuuina lava ia fuafuaga e pei ona sa atofaina. O le aso 3 o Setema, 1984, sa faia ai se maimoaga taamilo mo le mamalu o malo faaaloalogia. O le aso na sosoo ai, ina ua tatala le malumalu mo maimoaga a tagata lautele, “sa vaaia ai se vaaiga matagofie faalelagi i luga ae o le malumalu,” na saunoa ai Jovencio Ilagan, o le failautusi faapitoa o le komiti o le malumalu i le taimi a o fausiaina. “O le la, i lona susulu matagofie atoa, na iloa atu lea i lio o lanu eseese. … Na i ai se taimi, na iloa atu ai le tumutumu ogatotonu o loo i ai le Agelu o Moronae i le totonugalemu o le lio o lanu eseese. Pe a ma le selau tagata sa i le lotoa o le malumalu na faamaonia lea vaaiga. O le toatele na maligi loimata.”¹