2011
Te Aamu no te Buka a Moromona
Atopa 2011

Te Aamu no te Buka a Moromona

Eaha tei tupu i roto i te Buka a Moromona ? A faaohipa i teie mau hoho‘a no te haapii no ni‘a i te mau peropheta e te mau aamu i roto i teie buka faahiahia no te papa‘iraa mo‘a.

  1. E haamata te Buka a Moromona e te hoê peropheta tei piihia o Lehi. Ua faaara oia i te mau taata ino i Ierusalema ia tatarahapa, aita râ te mau taata i faaroo. Ua parau te Fatu ia Lehi ia hopoi i to’na utuafare, mai ta’na vahine, o Saria, e ta raua mau tamaroa —Lamana, Lemuela, Samu e Nephi —i roto i te medebara. (A hi‘o 1 Nephi1— 2).

  2. Ua tono faahou Lehi i ta’na mau tamaroa no te tii i te mau papa‘iraa mo‘a tei papa‘ihia i ni‘a i te mau api veo. Tei roto i teie mau papaa parau te aamu no to ratou mau tupuna e te tahi atu mau mea ta te Fatu i parau ia ratou ia papa‘i. Ua haapa‘o maitai o Lehi e Nephi i teie nei mau papaa parau. Ua papa‘i atoa raua i ni‘a i te mau api auri i te mau mea tei tupu i to ratou utuafare. (A hi‘o1 Nephi 3–5.)

  3. Ua horo‘a te Fatu ia Lehi te hoê avei‘a tei piihia te Liahona no te arata‘i i to’na utuafare na roto i te medebara e tae atu i te fenua i fafauhia. (A hi‘o 1 Nephi 16).

  4. Ua parau te Fatu ia Nephi ia hamani i te hoê pahi no te uta i te utuafare o Lehi i te fenua fafauhia. Ua faaroo Nephi i te parau a to’na metua tane e a te Fatu, aita râ o Lamana e Lemuela. [A hi‘o 1 Nephi 17.]

  5. Ua fano atu Lehi e to’na utuafare i te fenua i fafauhia na ni‘a i te pahi ta ratou i hamani. (A hio 1 Nephi 18.)

  6. Ua tamau noa o Lamana e Lemuela i te faaroo ore i to raua metua tane e i te Fatu. Ua piihia to raua mau huaai te Ati Lamana. Ua tamau noa Nephi i te faaroo i te parau a to’na metua tane e a te Fatu. Ua piihia to’na mau huaai te Ati Nephi. (A hi‘o 2 Nephi 4–5.)

  7. I muri a‘e i te poheraa o Lehi e o Nephi, ua farii te tahi atu mau taata, mai ia Iakoba te taea‘e o Nephi, i te hopoi‘a ia papa‘i i te mau haapiiraa e te mau ohipa faufaa rahi tei tupu i ni‘a i te mau papaa parau. (A hi‘o Iakoba 1.)

  8. Ua pure Enosa ia faaorehia ta’na mau hara, e ua faaorehia ta’na mau hara. (A hi‘o Enosa 1.)

  9. Ua patu te Arii Beniamina i te hoê pare no te haapii i te evanelia i to’na nunaa. (A hi‘o Mosia 2–6.)

  10. Ua haapohe te hoê arii ino o Noa te i‘oa i te peropheta Abinadi. Ua faafariu râ te mau haapiiraa a Abinadi i te hoê o te mau tahu‘a a Noa o Alama te i‘oa. (A hi‘o Mosia 11–17.)

  11. Ua tapuni Alama mai roto mai i te aora‘i o te Arii Noa, ua haapii i te evanelia i te tahi atu mau taata, e ua bapetizo ia ratou. (A hi‘o Mosia 18).

  12. Aita te tamaiti a Alama, o Alama Tamaiti, i haapa‘o. E mea ino roa oia e to’na mau hoa, te mau tamaiti a Mosia. I muri iho ua parau te hoê melahi ia ratou ia tatarahapa. Ua tatarahapa o Alama e te mau tamaiti a Mosia e ua horo‘a i te toea o to ratou oraraa no te pororaa i te evanelia. (A hi‘o Mosia 27–28.)

  13. Ua faafariu o Amona te tamaiti a Mosia e rave rahi mau Ati Lamana i muri a‘e i to’na parururaa i te mau nănă a te Arii Lamoni e te roaaraa ia’na te ti‘aturiraa o te Arii. (A hi‘o Alama 17–19.)

  14. Ua papa‘i te Tapena Moroni i te reva no te ti‘amâraa e ua aro no te paruru i te ti‘amâraa o to’na nunaa. (A hi‘o Alama 46, 48.)

  15. Ua arata‘i Helamana i te hoê nuu e 2.000 feia apî parau-ti‘a. (A hi‘o Alama 53, 56–58.)

  16. Ua tohu te hoê peropheta Ati Lamana o Samuela te i‘oa e ua fatata o Iesu Mesia i te fanauhia. (A hi‘o Helamana 13–16.)

  17. Ua fanauhia mai o Iesu Mesia i te atea roa i Betelehema. Ua haapii Oia i Ta’na evanelia, ua faaora e ua haamaitai i te mau taata, e ua faati‘a i Ta’na Ekalesia. I muri iho ua faasatauroahia e ua ti‘afaahou mai oia. (A hi‘o 3 Nephi 1, 8–10.)

  18. I muri a‘e i To’na ti‘a-faahou-raa, ua farerei Oia i te mau Ati Nephi e i te mau Ati Lamana parau-ti‘a. Ua haapii Oia ia ratou i Ta’na evanelia, ua faaora e ua haamaitai ia ratou, mai Ta’na i rave i te fenua i Ierusalema. (A hi‘o 3 Nephi 11–28.)

  19. Ua ma‘itihia te hoê tamaiti e 10 matahiti te paari o Moromona te i‘oa ia papa‘i i ni‘a i te mau papaa parau ia tae i to’na paariraa. I te 24raa o to’na matahiti ua haamata oia i te haaputuputu i te mau aamu faufaa rahi roa‘e no roto mai i te mau papaa parau i roto i te tahi mau api auro. (A hi‘o Moromona 1.)

  20. Hou te poheraa o Moromona, ua horo‘a oia i te mau papaa parau i ta’na tamaiti o Moroni. E tenerara o Moroni i roto i te nuu faehau. O oia te ati Nephi hopea tei ora mai i muri a‘e i te hoê tama‘i rahi i rotopu i te mau ati Lamana e te mau ati Nephi. (A hi‘o Moromona 6, 8.)

  21. Hou oia a pohe ai, ua huna o Moroni i te mau papaa parau i te hoê vahi tei piihia o Cumora. Fatata 1400 matahiti i muri, i to Moroni hunaraa i te mau papaa parau, ua pure te hoê tamaiti e 14 to’na matahiti o Iosepha Semita te i‘oa, ia ite tei hea te ekalesia mau. (A hi‘o Iosepha Semita—Aamu 1:5–16).

  22. Ua fâ mai te Metua i te Ao ra e Iesu Mesia ia Iosepha Semita e ua parau atu ia’na e aita te hoê noa‘e o te mau haapa‘oraa i te mea mau e te ti‘a. E tauturu Iosepha i te faaho‘i mai i te Ekalesia mau a Iesu Mesia. (A hi‘o Iosepha Semita—Aamu 1:17–20).

  23. Ua fâ atu Moroni ia Iosepha Semita e ua faaite atu ia’na no ni‘a i te mau api tei hunahia. I to Iosepha Semita paariraa, ua farii oia i te mau api e ua iriti i te reira. (A hi‘o Iosepha Semita—Aamu 1:27 –54).

  24. I te 21raa o to’na matahiti, ua haere atu o Iosepha Semita i te Aivi no Cumora e ua rave i te mau api mai roto mai i te vahi ta Moroni i huna. (A hi‘o Iosepha Semita—Aamu 1:19).

  25. Na roto i te mana o te Atua, ua iriti o Iosepha Semita i te papa‘iraa i ni‘a i te mau api. Ua nene‘i oia i teie iritiraa. Ua piihia te reira te Buka a Moromona. (A hi‘o i te api upoo parau e te omuaraa o te Buka a Moromona)

Te aui : hoho‘a na Robert Casey ; hoho‘a no roto mai To Lehi tereraa na piha‘iho i te miti uteute, na Gary Smith ; Ua faaroo vau i te reo o te Varua, na Walter Rane : Lehi e te Liahona, na Joseph Brickey ; To Nephi a‘oraa i to’na mau taeae orurehau, na Arnold Friberg © 1951 IRI ; te atau : Ua tae Lehi e to’na nunaa i te fenua i fafauhia, na Arnold Friberg© 1951 IRI ; E i faaino roa mai ra ia’u, na Walter Rane ; ; Nephi e papa‘i ra i ni‘a i te mau api auro, na Paul Mann © 1988 ; Ua faateitei au i to’u reo ia noaa te ra‘i, na Walter Rane ; I roto i te taviniraa i to outou Atua, na Walter Rane ; hoho‘a no roto mai To Abinadi ti‘araa i mua i te arii Noa, na Arnold Friberg © 1951 IRI ; A haere mai i roto i te nănă a te Atua, na Walter Rane ; Ua ti‘a mai o Alama, na Walter Rane ; mau hoho‘a peni na Walter Rane na roto i te faati‘araa a te Fare Anavaharau a te Ekalesia

Te aui : To Amona parururaa i te nana a te arii Lamoni, na Arnold Friberg © 1951 IRI ; A haere mai, na Walter Rane, na roto i te faati‘araa a te Fare Anavaharau a te Ekalesia ; E piti tauasini taure‘are‘a e haere ra e aro, na Arnold Friberg, na roto i te faati‘araa a te Fare Anavaharau a te Ekalesia ; Te tohu ra Samuela i te Ati Lamana, na Arnold Friberg © 1951 IRI ; To Moromona haapotoraa i te mau api, na Tom Lovell © IRI ; Ua faaea vau o vau ana‘e, na Walter Rane, na roto i te faati‘araa a te Fare Anavaharau a te Ekalesia ; Moroni e huna ra i te mau api, na Tom Lovell © IRI ; Te mau hinaaro o to’u nei Aau II, na Walter Rane ; te atau : Ua ti‘afaahou Oia, na Del Parson ; Te Mesia e te mau tamarii rii o te Buka a Moromona, na Del Parson © 1995 ; Te fâraa te melahi Moroni ia Iosepha Semita, na Tom Lovell © 2003 IRI ; Te aivi no Cumora, na Jon McNaughton ; Te iriti ra Iosepha Semita i te Buka a Moromona, na Del Parson © 1996 IRI